Read S'gaw Karen လံာ်သိၣ်လီၤသီလီၤတၢ် 25 Bible Online

လံာ်သိၣ်လီၤသီလီၤတၢ် 25 - S'gaw Karen bible

လံာ်သိၣ်လီၤသီလီၤတၢ် 25

¹ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

²ပှၤလၢအတၢ်ကမၣ်အိၣ်တဂၤမ့ၢ်ဘၣ်တၢ်စံၣ်ညီၣ်အီၤလၢတၢ်ကဘၣ်တီၢ်အီၤန့ၣ်, စံၣ်ညီၣ်ကွီၢ်ကဒုးမံလီၤအီၤအီထီလာ်ဒီးမၢပှၤတီၢ်အီၤန့ၣ်လီၤ. တၢ်ကတီၢ်အီၤပှဲၤဘီပှဲၤဘီလဲၣ်န့ၣ်ဒိးသန့ၤထီၣ်အသးလၢအတၢ်ကမၣ်အဖီခိၣ်န့ၣ်လီၤ.

³အဝဲကဘၣ်တၢ်တီၢ်အီၤအအါကတၢၢ်အဘီလွံၢ်ဆံ, ဒီးတဘၣ်အါန့ၢ်အဘီလွံၢ်ဆံဘၣ်န့ၣ်လီၤ. မ့ၢ်အါန့ၢ်အန့ၣ်ဒီးကမ့ၢ်တၢ်မၤမဲာ်ဆှးအီၤလၢပှၤဂီၢ်မုၢ် အမဲာ်ညါန့ၣ်လီၤ.

⁴ဖဲနသူဂီၤဖံးဖါတဒုလၢနကယီၢ်ဘုအဂီၢ်န့ၣ်, ဖျီၣ်ဃုာ်အထးခိၣ်တဂ့ၤ.

⁵ပှၤဒီပုၢ်ဝဲၢ်ခွါခံဂၤမ့ၢ်အိၣ်ဆိးလၢတၢ်န့ၢ်သါအလီၢ်တပူၤဃီဒီးအဝဲသ့ၣ်အကျါတဂၤမ့ၢ်သံဒီး အဖိခွါမ့ၢ်တအိၣ်လီၤတဲာ် နီတဂၤဘၣ်န့ၣ်, အဝဲအမါမုၣ်ကမဲလၢအအိၣ်လီၤတဲာ်တဘၣ်ဖျီအသးဒီး ပှၤအဂၤနီတဂၤလၢဒူၣ်ထၢအချၢဘၣ်. ပှၤလၢအသံတဂၤအဒီပုၢ်ဝဲၢ်ခွါအိၣ်ဒီးမူဒါလၢကဖျီအသးဒီးအီၤန့ၣ်လီၤ.

⁶ဖိခွါဝဲၢ်ကိလၢအဝဲသ့ၣ်ဒိးန့ၢ်ဝဲန့ၣ်ကဘၣ်တၢ်ပာ်အီၤဒ်အမ့ၢ် ပှၤသံတဂၤအဖိခွါအသိး, ဒ်သိးအဝဲအဒူၣ်ဖိထၢဖိအစၢၤအသွဲၣ်ကအိၣ်ထွဲဒံးလၢအံၣ်စရ့လးအပူၤန့ၣ်လီၤ.

⁷ဘၣ်ဆၣ်ဒီးပှၤလၢအသံတဂၤအဒီပုၢ်ဝဲၢ်ခွါ မ့ၢ်တအဲၣ်ဒီးဒိးတ့ဒိးဖျီအသးဒီးအီၤဘၣ်န့ၣ်ပိာ်မုၣ်န့ၣ်ကဘၣ်လဲၤဆူဝ့ၢ်အပှၤသူၣ်က့ သးပှၢ်တဖၣ်အအိၣ်ဒီးစံး ‘ယဝၤအဒီပုၢ်ဝဲၢ်ခွါတမၤအမူအဒါဘၣ်, အဝဲဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤ အသွဲၣ်လၢအံၣ်စရ့လးအပှၤဂီၢ်မုၢ်အကျါန့ၣ်လီၤ.’

⁸တုၤနုၤတစုဝ့ၢ်အပှၤသူၣ်က့သးပှၢ်တဖၣ်ကဘၣ်ကိးအီၤဒီးကတိၤတၢ်ဒီးအီၤန့ၣ်လီၤ. အဝဲမ့ၢ်ဂ့ၢ်လိာ်ဒံးဝဲလၢကဖျီအသးဒီးအီၤဒီး,

⁹အဒီပုၢ်ဝဲၢ်ခွါအမါမုၣ်ကမဲန့ၣ်ကဘၣ်လဲၤဃီၤဆူအအိၣ်လၢဝ့ၢ် အပှၤသူၣ်က့သးပှၢ်တဖၣ်အမဲာ်ညါ, ဘ့ၣ်လီၤကွံာ်အဝဲ အခီၣ်ဖံးတခီဒီးထူးပှဲာ်အီၤလၢအမဲာ်ပူၤဒီးကစံးဘၣ်အီၤ, ‘ပှၤတဂၤလၢအဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤအသွဲၣ်န့ၣ်ကဘၣ်တၢ်မၤအီၤဒ်အံၤလီၤ.’

¹⁰အဝဲအဒူၣ်ဖိထၢဖိကဘၣ်တၢ်သ့ၣ်ညါအီၤလၢကီၢ်အံၣ်စရ့လးအပူၤဒ် ပှၤတဂၤလၢအခီၣ်ဖံးဘၣ်တၢ်ဘ့ၣ်လီၤကွံာ်အီၤအဒူၣ်ဖိထၢဖိအသိးန့ၣ်လီၤ.

¹¹ပှၤပိာ်ခွါခံဂၤမ့ၢ်အ့ၣ်လိာ်အသး, ဒီးအကျါတဂၤအမါမ့ၢ်ဂုာ် ကျဲးစၢးမၤစၢၤအဝၤခီဖျိစှီၤတံၢ်ပှၤပိာ်ခွါအဂၤတဂၤအက့ၢ် အဂီၤလၢတၢ်မဲာ်ဆှးအလီၢ်ဒီး,

¹²သးကညီၤအီၤနီတစဲးတဂ့ၤ, ကျီတဲာ်ကွံာ်အစုတက့ၢ်.

¹³အိၣ်ဒီးတၢ်လီတၢ်ဝ့ၤ, ဖဲသုသူစီၤပီၤသၣ်တဖၣ်ဒီးနီၣ်ဃီၣ်တၢ်တဖၣ်အခါန့ၣ်တဂ့ၤ.

¹⁵သူစီၤပီၢ်သၣ်တဖၣ်ဒီးနီၣ်ဃီၣ်တၢ်တဖၣ်လၢအတီအလိၤဒ်သိး သုကအိၣ်ဘၣ်ဆိးဘၣ်ဖးယံာ်ဖးထၢလၢကီၢ်လၢယွၤသုကစၢ်ယွၤဟ့ၣ်လီၤ သုအပူၤန့ၣ်တက့ၢ်.

¹⁶အဂ့ၢ်ဒ်အံၤ, ကစၢ်ယွၤသးဟ့ပှၤတဖၣ်လၢအလီတၢ်ဝ့ၤတၢ်န့ၣ်လီၤ.

¹⁷‘သ့ၣ်နီၣ်ထီၣ်က့ၤတၢ်လၢပှၤဧမၤလ့းဖိတဖၣ်မၤတ့ၢ်သု ဖဲသုဟးထီၣ်လၢကီၢ်အဲၤကူပတူးအဆၢကတီၢ်န့ၣ်တက့ၢ်.

¹⁸အဝဲသ့ၣ်တအိၣ်ဒီးတၢ်ပျံၤယွၤဘၣ်. လၢတၢ်န့ၣ်အဃိအဝဲသ့ၣ်ဒုးသုလၢသုလီၢ်ခံဖဲတၢ်ဘှံးသုသးဒီးသုလီၤဘှံးလီၤဘှါအဆၢကတီၢ်န့ၣ်လီၤ. အဝဲသ့ၣ်မၤသံကယဲၢ်ပှၤလၢအဟးပိာ်ထွဲပှၤအခံ တချုးဒီးအိၣ်တ့ၢ်လၢတၢ်လီၢ်ခံတဖၣ်န့ၣ်လီၤ.

¹⁹ဒီးလၢတၢ်န့ၣ်အဃိဖဲယွၤသုကစၢ်ယွၤဟ့ၣ်လီၤသုလၢကီၢ်န့ၣ် ဒီးဒုးပူၤဖျဲးသုလၢကယဲၢ်သုဒုၣ်ဒါတဖၣ်လၢအအိၣ်ဝးတရံးသုခဲလၢာ်ဒီး, မၤလီၤတံၢ်လၢသုကမၤသံကွံာ်ပှၤဧမၤလ့းဖိ ခဲလၢာ်န့ၣ်တက့ၢ်. တၢ်န့ၣ်မ့ၢ်ဒ်သိးပှၤသုတသ့ၣ်နီၣ်ထီၣ်က့ၤ အဝဲသ့ၣ်နီတဂၤနီတဘျီလၢၤတဂ့ၤအဂီၢ်န့ၣ်လီၤ. သးပ့ၤနီၣ်တၢ်န့ၣ်တဂ့ၤ.