Read S'gaw Karen လံာ်စီၤယိၤၡူ 19 Bible Online

လံာ်စီၤယိၤၡူ 19 - S'gaw Karen bible

လံာ်စီၤယိၤၡူ 19

¹တၢ်ဖးခံမံၤတမံၤန့ၣ်ဟဲထီၣ်လၢစူၤမ့းအိၣ်အဒူၣ်အဂီၢ်ဒ်အဒူၣ် ဖိထၢဖိအိၣ်ဝဲအသိးဒီး အတၢ်န့ၢ်သါအဆၢန့ၣ်အိၣ်တုၤလၢယူဒၤ အဒူၣ်အတၢ်န့ၢ်သါအပူၤန့ၣ်လီၤ.

²ဒီးအတၢ်န့ၢ်သါအံၤပၣ်ဃုာ်ဒီးဘ့ၣ်ၡဘၤ, ၡ့ဘၤ, မိလဒၤ,

³ဃစၢ်ၡူဧလး, ဘၤလၤ, ဧၤစ့ၣ်,

⁴အ့းလတိလး, ဘသူလး, ဃိၢ်မါ,

⁵စံကလး, ဘ့ၤသမၢ်ကဘိး, ဃစၢ်စူစၤ,

⁶ဘ့ၤသလဘိး, ဒီးၡရူဃ့ၣ်လီၤ. မ့ၢ်ဝဲဝ့ၢ်တဆံသၢဖျၢၣ်ဃုာ်ဒီး ဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

⁷အိၣ်စ့ၢ်ကီးဒီးဧ့ၣ်, ရံးမိၣ်, ဧ့သ့ၢ်, ဒီးဧၡၣ်လီၤ. မ့ၢ်ဝဲဝ့ၢ်လွံၢ်ဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ် န့ၣ်လီၤ.

⁸တၢ်အံၤပၣ်ဃုာ်ဒီးဝ့ၢ်ဖိလၢအအိၣ်ဝးတရံးဝ့ၢ်တဖၣ်အံၤ တုၤအတုၤလၢဝ့ၢ်ဘဧၤလးဘ့ၢ် (မ့တမ့ၢ်ရးမါ) လၢကလံၤထံးတခီန့ၣ်လီၤ. ကီၢ်အံၤ မ့ၢ်စူၤမ့းအိၣ်အဒူၣ်ဖိထၢဖိဒိးန့ၢ်ဘၣ်ဝဲ ဒ်အတၢ်န့ၢ်သါအသိးန့ၣ်လီၤ.

⁹မ့ၢ်လၢယူဒၤအတၢ်န့ၢ်သါလဲၢ်န့ၢ်ဒံးအလိၣ်ဘၣ်ဝဲအဃိ, စီၤယိၤၡူဟ့ၣ်လီၤအကီၢ်တနီၤဆူစူၤမ့းအိၣ်အဒူၣ်န့ၣ်လီၤ.

¹⁰တၢ်ဖးသၢမံၤတမံၤန့ၣ်ဟဲထီၣ်လၢစ ဘူလိၣ်အဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးဒီးကီၢ်လၢအန့ၢ်သါဝဲန့ၣ် လဲၤတုၤလၢဝ့ၢ်စၤရံးန့ၣ်လီၤ.

¹¹ဝံၤဒီးအကီၢ်ဆၢလဲၤဆူမုၢ်နုာ်တုၤလၢဝ့ၢ်မရၤလၤ, ဒီးထိးဘၣ်ဝ့ၢ်ဒးဘးၡ့းဒီးထံကျိဖိလၢ ဝ့ၢ်ယၤကနၣ်အမုၢ်ထီၣ်န့ၣ်လီၤ.

¹²ဒီးဃၣ်အသးလၢဝ့ၢ်စၤရံးဆူမုၢ်ထီၣ်ပၢၢ်တုၤလၢဝ့ၢ်ကံးစလိးတၤဘိၢ်အကီၢ်ဆၢ ဒီးဟးထီၣ်ဝဲဆူဝ့ၢ်ဒၤဘြးဒီးလဲၤထီၣ် ဝဲဆူဝ့ၢ်ယၤဖံ,

¹³ဒီးလဲၤဝဲဖဲန့ၣ်ဆူမုၢ်ထီၣ်တခီဆူဝ့ၢ်ကံးတၤဃ့ဖ့ၢ်, ဆူဝ့ၢ်ဧးတၤကစံၣ်, ဒီးဟးထီၣ်ဝဲဆူဝ့ၢ်ရံးမိၣ်, ဆူဝ့ၢ်န့ဧၤ,

¹⁴ဒီးကီၢ်အဆၢလၢကလံၤစိးတခီန့ၣ်လဲၤတရံး တၢ်ဆူဝ့ၢ်ဃးနသိၣ်ဒီးကတၢၢ်ဝဲဖဲယံးဖတ့လးအတၢ်ပၢၤခိၣ် ကစၢၢ်ကဆူးန့ၣ်လီၤ.

¹⁵ဒီးကးတး, နဟးလလး, ၡံးမရိၣ်, ယံးဒၤလၤ, ဒီးဘ့ၤသလ့ဃ့ၣ်လၢအအိၣ်လၢကီၢ်ကၤလံၤလါလီၤ. မ့ၢ်ဝဲဝ့ၢ်တဆံခံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်လီၤ.

¹⁶ဝ့ၢ်တဖၣ်ဒီးဝ့ၢ်ဖိတဖၣ်အံၤအိၣ်လၢကီၢ်လၢစဘူလိၣ်အဒူၣ်ဖိထၢဖိတဖၣ် ဒိးန့ၢ်ဘၣ်ဝဲဒ်အတၢ်န့ၢ်သါအသိးအပူၤန့ၣ်လီၤ.

¹⁷တၢ်ဖးလွံၢ်မံၤတမံၤန့ၣ်ဟဲထီၣ်လၢယံးစၣ် ကၣ်အဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးန့ၣ်လီၤ.

¹⁸ဒီးအကီၢ်န့ၣ်ပၣ်ဃုာ်ဒီးယံးစရ့လး, ယံးစူးလိး, ၡူန့ၣ်,

¹⁹ဃဖၢ်ရဲၣ်, ၡံအိၣ်, အနၤဃရး,

²⁰ရးဘံး, ကံးၡယိၣ်, အၤဘ့း, ရ့မ့း, ဧ့ၣ်ကးနံၣ်, ဧ့ၣ်ဃးဒၤ, ဒီးဘ့ၤသပးစ့းန့ၣ်လီၤ.

²¹

²²ဒီးအကီၢ်ဆၢထိးဘၣ်စ့ၢ်ကီးတၤဘိၢ်, ၡၤကစံမၤ, ဘ့ၤသၡ့မ့ၣ်, ဒီးလဲၤကတၢၢ်ဝဲဖဲထံကျိယၢ်ဒ့ၣ်န့ၣ်လီၤ. ပၣ်ဃုာ်ဒီးဝ့ၢ်တဆံဃုဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

²³ဝ့ၢ်တဖၣ်ဒီးဝ့ၢ်ဖိတဖၣ်အံၤအိၣ်လၢကီၢ်လၢယံးစၣ်ကၢ်အဒူၣ်ဖိထၢဖိတဖၣ် ဒိးန့ၢ်ဘၣ်ဝဲဒ်အတၢ်န့ၢ်သါအသိးအပူၤန့ၣ်လီၤ.

²⁴တၢ်ဖးယဲၢ်မံၤတမံၤန့ၣ်ဟဲထီၣ်လၢအၤၡ့ၢ်အဂီၢ်ဒ်အဒူၣ်ဖိထၢဖိ အိၣ်ဝဲအသိးန့ၣ်လီၤ.

²⁵ဒီးအကီၢ်န့ၣ်ပၣ်ဃုာ်ဒီးဃ့ကလး, ဃလံ, ဘ့တ့ၣ်, အကၡး,

²⁶အလးမ့လ့း, ဧၤမးဒီးမံၤၡ့လးန့ၣ်လီၤ. လၢမုၢ်နုာ်တခီထိးဘၣ်ကၢ်မ့ၤလးဒီးၡံဃိၢ်လံးဘနးလီၤ.

²⁷ဒီးဃၣ်အသးဆူမုၢ်ထီၣ်ဒီးကီၢ်ဆၢန့ၣ်လဲၤဆူဘ့ၤသဒၤကိၣ် ဒီးထိးဘၣ်စဘူလိၣ်ဒီးယံးဖတ့လးအတၢ်ပၢၤခိၣ်ကစၢၢ်ကဆူးလၢ ဘ့ၤသဧ့ၤမ့းဒီးနဧ့လးလၢကလံၤစိးတခီ, ဒီးဟးထီၣ်ဝဲဆူကၤ ဘူလးလၢကလံၤစိးတခီ,

²⁸ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.

²⁹ဝံၤဒီးကီၢ်ဆၢန့ၣ်တရံးအသးဆူရၤမါဒီးလဲၤတုၤလၢဝ့ၢ်ခၢၣ် သနၢၢ်ထါယၢၣ်န့ၣ်လီၤ. ဝံၤဒီးကီၢ်ဆၢန့ၣ်တရံးအသးဆူ ဃိစၤဒီးကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ. တၢ်န့ၣ်ပၣ်ဃုာ်ဒီးမၤဃလၤ, အၤကစံာ်,

³⁰ဧူးမၤ, အဖ့း, ရဃိာ်, ဝ့ၢ်ခဲလၢာ်မ့ၢ်ဝဲခံဆံခံဖျၢၣ်ဃုာ် ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

³¹ဝ့ၢ်ဒီးဝ့ၢ်ဖိတဖၣ်အံၤအိၣ်ဝဲလၢကီၢ်လၢအၤ ၡ့ၢ်အဒူၣ်အထၢတဖၣ်ဒိးန့ၢ်ဘၣ်ဝဲဒ်အတၢ်န့ၢ်သါအသိးအပူၤန့ၣ် လီၤ.

³²တၢ်ဖးဃုမံၤတမံၤဟဲထီၣ် လၢနးသၤလံအဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးန့ၣ်လီၤ.

³³ဒီးအကီၢ်ဆၢန့ၣ်စးထီၣ်လၢတၢ် လီၢ်ယ့လ့ာ်ဒီးလဲၤဆူစဧးနဲၣ်အသ့ထိးဖၣ်အထူၣ်ဒီးအဒၣ်မံၤ, န့က့ာ်, ဒီးဝ့ၢ်ယးဘန့လးပၢၢ်တုၤလၢတၢ်လီၢ်လးကူၣ်ဒီးလဲၤ ကတၢၢ်လၢထံကျိယၢ်ဒ့ၣ်န့ၣ်လီၤ.

³⁴ဖဲန့ၣ်န့ၣ်အကီၢ်ဆၢလဲၤတရံးအသးဆူမုၢ်နုာ်ဝ့ၢ်အၤစနိး တၤဘိၢ်, ဒီးဆူဝ့ၢ်ဃူးကိးဒီးလဲၤထိးဘၣ်စဘူလိၣ်အကီၢ်ဆၢလၢ ကလံၤထံး, ဒီးအၤၡ့ၢ်အကီၢ်ဆၢလၢမုၢ်နုာ်ဒီးထံကျိယၢ်ဒ့ၣ်လၢမုၢ်ထီၣ်န့ၣ်လီၤ.

³⁵ဝ့ၢ်အိၣ်ခၢၣ်အနၢၣ်တဖၣ်မ့ၢ်ဝဲစံးဒံၣ်, စ့ၢ်, ဃးမး, ရကး, ကံးနရ့း,

³⁶အဒၤမၤ, ရၤမါ, ဃါစိၢ်,

³⁷က့ဒ့ၣ်, အ့ဒြံၤ, ဧ့ၣ်ဃစိၢ်, ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနးဒီးဘ့ၤသၡ့ မ့ၣ်န့ၣ်လီၤ. မ့ၢ်ဝ့ၢ်တဆံနွံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

³⁸

³⁹ဝ့ၢ်ဒီးဝ့ၢ်ဖိတဖၣ်အံၤအိၣ်လၢကီၢ်လၢ နးသၤလံအဒူၣ်ဖိထၢဖိဒိးန့ၢ်ဘၣ်ဝဲဒ်အတၢ်န့ၣ်သါအသိးအပူၤ န့ၣ်လီၤ.

⁴⁰တၢ်ဖးနွံမံၤတမံၤဟဲထီၣ်လၢဒၣ်အဒူၣ်ဖိထၢအဂီၢ်ဖိဒ်အအိၣ်ဝဲ အသိးန့ၣ်လီၤ.

⁴¹ကီၢ်လၢအန့ၢ်သါဝဲပၣ်ဃုာ်ဒီးစိးရၤ, အ့ၤၡတိလး, ဧံၢ်ၡ့မ့ၣ်,

⁴²ၡၤလးဘံၣ်, အးယးလိၣ်, ယံးသလၤ,

⁴³အ့လိၣ်, သံမနၤသၤ, ဧ့ကြိၣ်,

⁴⁴အ့လတက့ၤ, ကံးဘသိၣ်, ဘဧၤလဲး,

⁴⁵ယဟူး, ဘန့ဘရး, ကၤသးရံးမိၣ်,

⁴⁶မ့ယၢ်ကိၣ်, ရးကိၣ်, ဃုာ်ဒီးကီၢ်လၢအအိၣ်သဃီၤလိာ်အသးဒီးဝ့ၢ် ယၤဖိၤန့ၣ်လီၤ.

⁴⁷ဖဲပှၤဒၣ်ဖိတဖၣ်အကီၢ်ဘၣ် တၢ်ဒုးဒီးမၤန့ၢ်အီၤန့ၣ်, အဝဲသ့ၣ်လဲၤထီၣ်ဒုးဝ့ၢ်လ့ၡ့ၣ်န့ၣ်လီၤ. ဖဲအဝဲသ့ၣ်မၤန့ၢ်ဝ့ၢ်န့ၣ်, မၤသံအပှၤဝ့ၢ်ဖိဒီးဟံးန့ၢ်အီၤ လၢအဂီၢ်ဒၣ်ဝဲန့ၣ်လီၤ. အဝဲသ့ၣ်အိၣ်ဆိးဖဲန့ၣ်ဒီးလဲလိာ်ကွံာ်အမံၤဆူဒၣ်, ဒ်အပၢ်ဖးဒိၣ်အမံၤအသိးန့ၣ်လီၤ.

⁴⁸ဝ့ၢ်ဒီးဝ့ၢ်ဖိတဖၣ်အံၤအိၣ်ဝဲလၢကီၢ်လၢ ဒၣ်အဒူၣ်ဖိထၢဖိတဖၣ်ဒိးန့ၢ်ဘၣ်ဝဲဒ်အတၢ်န့ၢ်သါအသိးအပူၤန့ၣ်လီၤ.

⁴⁹ဖဲပှၤအံၣ်စရ့လးဖိတဖၣ်နီၤဖးလီၤအထံကီၢ်ဒ်အတၢ်န့ၢ်သါအသိးဝံၤဒီး, အဝဲသ့ၣ်ဟ့ၣ်လီၤစီၤနိၣ်အဖိခွါစီၤယိၤၡူအတၢ်န့ၢ်သါလၢအဝဲသ့ၣ်အကျါန့ၣ်လီၤ.

⁵⁰ဒ်ယွၤမၤလိာ်တ့ၢ်အသိး, အဝဲသ့ၣ်ဟ့ၣ်လီၤဝ့ၢ်လၢအဃ့ဝဲလၢ အမ့ၢ်တံးမနးစ့ရၤလၢအ့ဖရဲၣ်အကစၢၢ်အလိၤန့ၣ်လီၤ. အဝဲသူၣ်ထီၣ်ကဒါက့ၤဝ့ၢ်ဝံၤဒီးအိၣ်ဝဲဆိးဝဲဖဲန့ၣ်န့ၣ်လီၤ.

⁵¹ပှၤလုၢ်တၢ်အခိၣ်စီၤအလၤဧစၢ်, စီၤနိၣ်အဖိခွါစီၤယိၤၡူ, ဒီးပှၤအံၣ်စရ့လးဖိအဒူၣ်တဖၣ်အခိၣ်အနၢ်တဖၣ်ဖီၣ်တၢ်ဖးဝံၤဒီး နီၤဖးလီၤထံကီၢ်လၢယွၤအမဲာ်ညါဖဲတၢ်ဘူၣ်ထီၣ်ဘါထီၣ်ယွၤ အဒဲအကျဲစၢၤလၢဝ့ၢ်ၡံလိၤန့ၣ်လီၤ. အန့ၣ်ဒီးအဝဲသ့ၣ်နီၤဖးထံကီၢ်ဝံၤဝဲဒၣ်န့ၣ်လီၤ.