Read S'gaw Karen လံာ်စီၤယိၤၡူ 20 Bible Online

လံာ်စီၤယိၤၡူ 20 - S'gaw Karen bible

လံာ်စီၤယိၤၡူ 20

¹ဒီးယွၤစံးဘၣ်စီၤယိၤၡူ, “စံးဘၣ်ပှၤအံၣ်စရ့လးဖိတဖၣ်ဒ်သိးအကဃုထၢဝ့ၢ်တဖၣ်လၢတၢ်ပူၤဖျဲးအဂီၢ် ဒ်ယစံးဘၣ်တ့ၢ်သုခီဖျိစီၤမိၤၡ့အသိးတက့ၢ်.

³ဒ်သိးပှၤလၢအမၤသံဘၣ်ပှၤတဂၤဂၤလၢတၢ်တဆိကမိၣ်ဆိကမးဘၣ် အပူၤကလဲၤဃ့ၢ်ဖဲန့ၣ်လၢကပူၤဖျဲးလၢပှၤလၢအလူၤဃု မၤကၣ်က့ၤအီၤတဂၤအဂီၢ်န့ၣ်လီၤ.

⁴အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.

⁵ပှၤလၢအလူၤဃုမၤကၣ်က့ၤအီၤတဂၤမ့ၢ်ဟဲလူၤထွဲအီၤဖဲန့ၣ်ဒီး, ပှၤလၢဝ့ၢ်ပူၤတဖၣ်တဘၣ်ဟ့ၣ်လီၤအီၤဆူအဝဲအစုပူၤဘၣ်. အဝဲသ့ၣ်ကဘၣ်ဒီဒၣ်အီၤမ့ၢ်လၢအဝဲမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤဒီးတမ့ၢ်လၢတၢ်သးဖျိးဘၣ် အဃိလီၤ.

⁶အဝဲဒၣ်ကအိၣ်လၢဝ့ၢ်ပူၤတုၤလီၤလၢအဝဲဆၢထၢၣ်ဘၣ်လၢ ကမျၢၢ် အတၢ်စံၣ်ညီၣ်အလီၢ်ဒီးတုၤလီၤစ့ၢ်ကီးလၢပှၤလုၢ်တၢ်အခိၣ်အဒိၣ်လၢ အဆၢကတီၢ်ဝဲန့ၣ် သံဝဲတစုန့ၣ်လီၤ. တၢ်န့ၣ်ဝံၤဒီး, အဝဲကက့ၤကဒါက့ၤဆူအဟံၣ်ဒီးဆူအဝ့ၢ်ဒၣ်ဝဲလၢအဝဲထွးထီၣ်ဃ့ၢ်တ့ၢ်ဝဲန့ၣ်လီၤ.”

⁷အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

⁸ဒီးလၢထံကျိယၢ်ဒ့ၣ်အမုၢ်ထီၣ်လၢပှၢ်မုၢ်ကနၢတၢ်ပျီပူၤလၢ ဝ့ၢ်ယရံၤဃိအမုၢ်ထီၣ်တခီ, အဝဲသ့ၣ်ဃုထၢဝဲဝ့ၢ်ဘ့စ့ၢ် လၢရူၤဘ့ၣ်အကီၢ်ပူၤ, ဝ့ၢ်ရၤမိးလၢကီၢ်ကံးလဧးအပူၤ လၢပှၤကးအဒူၣ်အဂီၢ်ဒီးဝ့ၢ်ကိလၣ်လၢကီၢ်ဘၤၡၣ်အပူၤလၢ မနၤၡ့ၤအဒူၣ်အဂီၢ်န့ၣ်လီၤ.

⁹အအံၤမ့ၢ်တၢ်ပူၤဖျဲးအဝ့ၢ်တဖၣ်လၢတၢ်ဃုထၢထီၣ်အီၤလၢပှၤအံၣ်စရ့လးဖိခဲလၢာ်အဂီၢ်ဒီး ပှၤတခီဘီမုၢ်ဖိ လၢအအိၣ်လၢအဝဲသ့ၣ်အသိးအကျါတဂၤဂ့ၤတဂၤဂ့ၤအဂီၢ်န့ၣ်လီၤ. ပှၤတဂၤဂ့ၤတဂၤဂ့ၤလၢအမၤသံဘၣ်ပှၤလၢတၢ်တဆိကမိၣ်ဆိကမးဘၣ်အပူၤန့ၣ်, ထံၣ်န့ၢ်တၢ်ပူၤဖျဲးအလီၢ်ဖဲန့ၣ်လၢပှၤလၢအလူၤဃုမၤကၣ်အီၤသ့န့ၣ်လီၤ. မ့တမ့ၢ်ဘၣ်လၢအဝဲဒိးန့ၢ်ဆိတၢ်ဆၢထၢၣ်လၢတၢ်စံၣ်ညီၣ်ကွီၢ်အလီၢ်ဘၣ်ဒီး တၢ်မၤသံအီၤတသ့ဘၣ်န့ၣ်လီၤ.