Read S'gaw Karen ၁ တံၤမသ့း 3 Bible Online

၁ တံၤမသ့း 3 - S'gaw Karen bible

၁ တံၤမသ့း 3

¹တၢ်ကတိၤအမ့ၢ်အတီတထံၣ်မ့ၢ်အအံၤ, ပှၤတဂၤဂၤမ့ၢ်သးဆူၣ်ကဲထီၣ်တၢ်အိၣ်ဖှိၣ်အခိၣ်အနၢ် တဂၤဒီးမ့ၢ်အဆၢန့ၢ်ဘၣ်တၢ်မၤအဂ့ၤဒိၣ်မးတမံၤန့ၣ်လီၤ.

²တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

³အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

⁴အဝဲကဘၣ်သ့ပၢဆှၢအဟံၣ်ဖိဃီဖိဒၣ်ဝဲဂ့ၤဂ့ၤဘၣ်ဘၣ်ဒီး လုၢ်ဒိၣ်ထီၣ်အဖိအလံၤဒ်သိးကအိၣ်ဒီးတၢ်စူၢ်အီၤလၢတၢ် ယူးယီၣ်ပာ်ကဲခဲလၢာ်အပူၤန့ၣ်လီၤ.

⁵အဂ့ၢ်ဒ်လဲၣ်န့ၣ်, ပှၤတဂၤလၢအတသ့ၣ်ညါပၢဆှၢအဟံၣ် ဖိဃီဖိဒၣ်ဝဲန့ၣ်, အံးထွဲကွၢ်ထွဲယွၤအတၢ်အိၣ်ဖှိၣ်ကသ့လၢကျဲဒ်လဲၣ်.

⁶အဝဲတဘၣ်မ့ၢ်ပှၤကဲထီၣ်သီအပျဲၢ်အဘီၣ်ဘၣ်. မ့မ့ၢ်ကဘၣ်ဒိၣ်တုာ်ခိၣ်ပှဲၤလၢတၢ်စူၢ်တၢ်နာ် အပူၤ, ဒ်သိးအသုတပာ်ကဖၢလၢအသးဒီးဘၣ်တၢ်စံၣ်ညီၣ် အီၤဒ်မုၣ်ကီၤလံၢ်ဘၣ်တၢ်စံၣ်ညီၣ်အီၤအသိးတဂ့ၤအဂီၢ် န့ၣ်လီၤ.

⁷အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

⁸ပှၤမၤစၢၤတၢ်လၢတၢ်အိၣ်ဖှိၣ်အပူၤတဖၣ်စ့ၢ်ကီးကဘၣ်အိၣ် ဒီးသကဲာ်ပဝးလၢအဂ့ၤဒီးကတိၤတၢ်တီတီလိၤလိၤန့ၣ် လီၤ. အဝဲသ့ၣ်တဘၣ်အီစပံးထံအါကဲၣ်ဆိးဒီးတဘၣ် သူၣ်လီသးကွံစ့န့ၣ်ဘၣ်.

⁹အဝဲသ့ၣ်ကြၢးဟံးဃာ်တၢ်စူၢ်တၢ်နာ်အတၢ်မ့ၢ်တၢ်တီလၢ အဘၣ်တၢ်လီၣ်ဖျါထီၣ်အီၤ, လၢသးလၢအသ့ၣ်ညါဒၣ်တၢ် ဆှံဆှံအပူၤန့ၣ်လီၤ.

¹⁰အဝဲသ့ၣ်ကြၢးဘၣ်တၢ်မၤကွၢ်ဆိအီၤလၢညါ, ဝံၤဒီးအဝဲသ့ၣ်မ့ၢ်ဖျိထီၣ်တၢ်မၤကွၢ်အံၤန့ၣ်, အဝဲသ့ၣ်ကဘၣ်တၢ်ပျဲမၤအီၤလၢတၢ်အိၣ်ဖှိၣ်အတၢ်မၤ န့ၣ်လီၤ.

¹¹ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

¹²ပှၤမၤစၢၤတၢ်အိၣ်ဖှိၣ်တဂၤန့ၣ်ကဘၣ်အိၣ်ဒီးအမါထဲတဂၤဧိၤ, ဒီးကဘၣ်သ့ပၢဆှၢအဖိအလံၤဒီးအဒူၣ်ဖိထၢဖိဂ့ၤဂ့ၤဘၣ်ဘၣ် န့ၣ်လီၤ.

¹³ပှၤမၤစၢၤတၢ်လၢအမၤအတၢ်မၤဂ့ၤဂ့ၤဘၣ်ဘၣ်တဖၣ်န့ၣ်, အနီၢ်ကစၢ်ဒၣ်ဝဲကဒိးန့ၢ်ဘၣ်တၢ်ပာ်ဒိၣ်ပာ်ထီအီၤဒီးတၢ်သ့ ကတိၤတၢ်ဒူဒူဘၣ်ဃးဒီးအတၢ်စူၢ်တၢ်နာ်လၢယ့ၣ်ၡူးခရံာ် အပူၤန့ၣ်လီၤ.

¹⁴ဖဲယကွဲးလံာ်ပရၢအံၤဆူနအိၣ်အဖၢမုၢ်န့ၣ်, ယမုၢ်လၢ်လၢတယံာ်လၢၤဘၣ်ဒီးယကဟဲထံၣ်ဘၣ်နၤ န့ၣ်လီၤ.

¹⁵ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

¹⁶ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.