Read S'gaw Karen လံာ်ပှၤစံၣ်ညီၣ်ကွီၢ် 10 Bible Online

လံာ်ပှၤစံၣ်ညီၣ်ကွီၢ် 10 - S'gaw Karen bible

လံာ်ပှၤစံၣ်ညီၣ်ကွီၢ် 10

¹ဖဲစီၤအဘံၤမ့လ့းသံဝံၤအလီၢ်ခံန့ၣ်, စီၤကိလၤလၢအမ့ၢ်စီၤဒိဒိၤအလံၤခွါ, စီၤပူအၤအဖိခွါအိၣ်ထီၣ်ဝဲလၢကမၤထူၣ်ဖျဲးထီၣ် အံၣ်စရ့လးန့ၣ်လီၤ. အဝဲဟဲလၢပှၤယံးစၣ်ကၢ်အဒူၣ်ဒီးအိၣ်ဆိးဝဲ လၢဝ့ၢ်ၡၤမံၣ်ဖဲအ့ဖရဲၣ်အကစၢၢ်ကလိန့ၣ်လီၤ.

²အဝဲကဲပှၤအံၣ်စရ့လးဖိအခိၣ်အနၢ်ခံဆံသၢနံၣ်လီၤ. အန့ၣ်ဝံၤဒီးအဝဲသံဝဲဒီးဘၣ်တၢ်ခူၣ်လီၤအီၤဖဲဝ့ၢ်ၡၤမံၣ်န့ၣ်လီၤ.

³လၢစီၤကိလၤအလီၢ်ခံန့ၣ်ပှၤကံးလဧးဖိစီၤယၤအံၢ် အိၣ်ထီၣ်ဝဲဒၣ်လီၤ. အဝဲဆှၢပှၤအံၣ်စရ့လးဖိခံဆံခံနံၣ်န့ၣ်လီၤ.

⁴အဝဲအိၣ်ဒီးအဖိခွါအဂၤသၢဆံလၢအဒိးကသ့ၣ်ယီၤအဒုသၢဆံလီၤ. အဝဲသ့ၣ်အိၣ်ဒီးဝ့ၢ်အဖျၢၣ်သၢဆံလၢကီၢ်ကံးလဧး, လၢအဘၣ်တၢ်ကိးဒံးအီၤလၢစီၤယၤအံၢ်အသဝီတဖၣ်န့ၣ်လီၤ.

⁵ဒီးစီၤယၤအံၢ်သံဝဲဒီးဘၣ်တၢ်ခူၣ်လီၤအီၤဖဲဝ့ၢ်ကၤမံၣ်အပူၤလီၤ.

⁶မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

⁷မၤသးဒ်န့ၣ်ဒီး, ယွၤသးဒိၣ်ထီၣ်ဘၣ်ပှၤအံၣ်စရ့လးဖိတဖၣ်ဒီး ပျဲပှၤဖလ့ၡသးဖိဒီးပှၤဧၤမိၣ်ဖိတဖၣ်မၤနၢၤအဝဲသ့ၣ်လီၤ.

⁸လၢတဆံဃိးနံၣ်အတီၢ်ပူၤန့ၣ်အဝဲသ့ၣ်ဆီၣ်ဘံၣ်ဆီၣ်ဘၢ ဒီးမၤနးမၤဖှီၣ်ကယဲၢ်ပှၤအံၣ်စရ့လးဖိတဖၣ်လၢအအိၣ်လၢ ပှၤအမိၢ်ဖိတဖၣ်အကီၢ်ပူၤဖဲထံကျိယၢ်ဒ့ၣ်အမုၢ်ထီၣ်လၢအဘၣ်ဃးဒီးကီၢ်ကံးလဧး အပူၤန့ၣ်လီၤ.

⁹ပှၤဧၣ်မိၣ်ဖိတဖၣ်ခီဂာ်ဒၣ်လဲာ်ထံကျိယၢ်ဒ့ၣ်ဒ်သိးကဒုးပှၤယူဒၤဖိ, ပှၤဘံၣ်ယၤမံၣ်ဖိဒီးပှၤအ့ဖရဲၣ်ဖိအဒူၣ်တဖၣ်န့ၣ်လီၤ. ဒီးအံၣ်စရ့လးအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ.

¹⁰တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”

¹¹ဒီးယွၤစံးဆၢအဝဲသ့ၣ်ဒ်အံၤ, “ပှၤအဲၤကူပတူးဖိ, ပှၤအမိၢ်ဖိ, ပှၤဧၣ်မိၣ်ဖိ, ပှၤဖလ့ၡသးဖိ,

¹²ပှၤစံဒိၣ်ဖိ, ပှၤဧမၤလ့းဖိ, ဒီးပှၤမၤဧိၣ်ဖိတဖၣ်ဆီၣ်ဘံၣ်ဆီၣ်ဘၢတ့ၢ်သုလၢ အပူၤကွံာ်ဒီးသုကိးထီၣ်တ့ၢ်ယၤလီၤ. မ့ၢ်ယတအုၣ်က့ၤခီၣ်က့ၤသုလၢအဝဲသ့ၣ်အစုပူၤဘၣ်ဧါ.

¹³ဘၣ်ဆၣ်ဒီးသုညိကွံာ်ဒံးယၤဒီးဘါထီၣ်ကစၢ်အဂၤတဖၣ်လီၤ. မၤသးဒ်န့ၣ်ဒီး, ယတအုၣ်က့ၤခီၣ်က့ၤကဒီးသုလၢၤဘၣ်.

¹⁴လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”

¹⁵ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ယွၤ, “ပမၤတ့ၢ်တၢ်ဒဲးဘးလံ. မၤပှၤဒ်ကယဲၢ်တၢ်လၢအဂ့ၤလၢနမဲာ်အသိးန့ၣ်တက့ၢ်. ဘၣ်ဆၣ်, ဝံသးစူၤအုၣ်က့ၤခီၣ်က့ၤပှၤတနံၤအံၤတက့ၢ်.”

¹⁶မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

¹⁷တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

¹⁸ဖဲန့ၣ်ပှၤဂီၢ်မုၢ်ဒီးပှၤအံၣ်စရ့လးအဒူၣ်အခိၣ်အနၢ်တဖၣ်သံကွၢ် လိာ်အသးတဂၤဒီးတဂၤ, “မ့ၢ်မတၤကဆှၢတၢ်ဒုးထီဒါပှၤဧၣ်မိၣ်ဖိတဖၣ်န့ၣ်လဲၣ်. ပှၤတဂၤလၢ်လၢ်လၢအမၤဝဲန့ၣ်ကကဲထီၣ်ခိၣ်နၢ်လၢ ပှၤကိးဂၤဒဲးအဖီခိၣ်လၢကီၢ်ကံးလဧးန့ၣ်လီၤ.”