Read S'gaw Karen လံာ်ပှၤစံၣ်ညီၣ်ကွီၢ် 5 Bible Online

လံာ်ပှၤစံၣ်ညီၣ်ကွီၢ် 5 - S'gaw Karen bible

လံာ်ပှၤစံၣ်ညီၣ်ကွီၢ် 5

¹ဒီးလၢမုၢ်တနံၤန့ၣ်နီၢ်ဒဘိရၤဒီးစီၤအဘံနိၣ်အဖိခွါစီၤဘါရး သးဝံၣ်တၢ်သးဝံၣ်အံၤန့ၣ်လီၤ.

²စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

³ဒိကနၣ်တက့ၢ်, သုဝဲစီၤပၤသ့ၣ်ဧၢ, ပာ်သူၣ်ပာ်သးတက့ၢ်, သုဝဲပဒိၣ်သ့ၣ်ဧၢ, ယကသးဝံၣ်တၢ်ဒီးဒ့တနၢ် ဆူယွၤ, အံၣ်စရ့လးအကစၢ်အအိၣ်န့ၣ်လီၤ.

⁴ယွၤဧၢ, ဖဲနဟးထီၣ်လၢကစၢၢ်စ့ဧၢ်, ဖဲနဟဲထီၣ်လၢကီၢ်အဒိၣ်ပူၤန့ၣ်, ဟီၣ်ခိၣ်ဟူးဝးဝဲ, ဒီးတၢ်စူၤလီၤလၢမူကပိာ်လိၤလီၤ. မ့ၢ်ဝဲလီၤ. တၢ်အၢၣ်တဖၣ်ဒုးစူၤလီၤထံန့ၣ်လီၤ.

⁵ကစၢၢ်ကလိတဖၣ်ဟူးဝးဝဲလၢကစၢၢ်စံၤနါအကစၢ်ယွၤ အမဲာ်ညါ, လၢယွၤ, အံၣ်စရ့လးအကစၢ်အမဲာ်ညါန့ၣ်လီၤ.

⁶လၢစီၤဧးနးအဖိခွါစီၤၡးမကၢ်အမုၢ်နံၤတဖၣ်လၢ နီၢ်ယဧ့လးအမုၢ်နံၤတဖၣ်အပူၤ, ပှၤလဲၤသကိးတၢ်ဒီဖုတဖၣ်တလဲၤခီဖျိလၢၤကီၢ်န့ၣ် အပူၤဘၣ်. ဒီးပှၤလဲၤတၢ်ဖိတဖၣ်သူဝဲကျဲအဂၤတဖၣ်န့ၣ်လီၤ.

⁷ကီၢ်အံၣ်စရ့လးအဝ့ၢ်တဖၣ်အိၣ်သယုၢ်ဝဲ, နီၢ်ဒဘိရၤဧၢ, အဝဲသ့ၣ်အိၣ်သယုၢ်ဝဲတုၤနဟဲတစု, နဟဲနဲဒ်မိၢ်တဂၤအသိးလၢအံၣ်စရ့လးအဂီၢ်န့ၣ်လီၤ.

⁸ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.

⁹ယသးလဲၤဃုာ်ဒီးအံၣ်စရ့လးအသုးခိၣ်တဖၣ်, ဃုာ်ဒီးပှၤဂီၢ်မုၢ်လၢအသူၣ်အိၣ်သးအိၣ်ဟ့ၣ်လီၤသးလၢတၢ်သးခု အပူၤန့ၣ်လီၤ. စံးထီၣ်ပတြၢၤယွၤတက့ၢ်.

¹⁰တဲတၢ်ဂ့ၢ်န့ၣ်, သုဝဲလၢအဒိးကသ့ၣ်ယီၤဝါတဖၣ်, သုဝဲလၢအဆ့ၣ်နီၤလၢကသ့ၣ်အဂီၤကၢ်အလိၤတဖၣ်, ဒီးသုဝဲလၢအလဲၤတၢ်တပူၤလၢ်လၢ်သ့ၣ်ဧၢ.

¹¹ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.

¹²ဆှၢဆူညါ, နီၢ်ဒဘိရၤဧၢ, ဆှၢဆူညါတက့ၢ်. ဆှၢဆူညါ, သးဝံၣ်ထီၣ်တၢ်သးဝံၣ်တယုၢ်, ဆှၢဆူညါတက့ၢ်. လဲၤထီၣ်ဆူညါ, စီၤအဘံနိၣ်အဖိခွါစီၤဘါရးဧၢဆှၢပှၤလၢတၢ်စိာ်မၢကဲကုၢ်အီၤတဖၣ်တက့ၢ်.

¹³တုၤနုၤတစုပှၤအသူၣ်တီအသးလိၤတဖၣ်ဟဲလီၤဆူအခိၣ်အနၢ်တဖၣ်အအိၣ်, ယွၤအပှၤဂီၢ်မုၢ်ဟဲဆူအအိၣ်, အိၣ်ကတဲာ်ကတီၤသးလၢတၢ်ဒုးအဂီၢ်လီၤ.

¹⁴အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.

¹⁵ယံးစၣ်ကၢ်အပှၤခိၣ်ပှၤနၢ်တဖၣ်ဟဲဃုာ်ဒီးနီၢ်ဒဘိရၤ, မ့ၢ်ဝဲလီၤ. ယံးစၣ်ကၢ်ဟဲစ့ၢ်ကီးဒီးစီၤဘါရးလီၤ. ဒီးအဝဲသ့ၣ်ပိာ်ထီၣ်အဝဲအခံဆူတၢ်တြီၤပူၤလီၤ. မ့မ့ၢ်ရူၤဘ့ၣ်အဒူၣ်အသးလီၤဖးဝဲ, ဒီးကဟဲဝဲအဂီၢ်ပဲာ်ဖး နီၤဖးအသးတန့ၢ်ဘၣ်.

¹⁶ဘၣ်မနုၤလၢအဝဲသ့ၣ်အိၣ်တ့ၢ်လၢတၢ်လီၢ်ခံဃုာ်ဒီးအသိတဖၣ်န့ၣ် လဲၣ်. မ့ၢ်ဒ်သိးကကနၣ်ပှၤကွၢ်သိတဖၣ်ကိးအသိအဖုအဂီၢ်အကလုၢ်န့ၣ်ဧါ. မ့ၢ်ဝဲသၢၣ်. ရူၤဘ့ၣ်အဒူၣ်အသးလီၤဖးလီၤ. အဝဲသ့ၣ်ကဟဲပိာ်ဝဲအဂီၢ်ပဲာ်ဖးနီၤဖးအသးတန့ၢ်ဘၣ်.

¹⁷ကးအဒူၣ်အိၣ်လၢထံကျိယၢ်ဒ့ၣ်အမုၢ်ထီၣ်တခီ, ဒီးဒၣ်အဒူၣ်အိၣ်တ့ၢ်ဝဲလၢကဘီတဖၣ်အပူၤလီၤ. အၤၡ့ၢ်အဒူၣ်အိၣ်တ့ၢ်ဝဲလၢပီၣ်လဲၣ်အကၢၢ်နံၤ ဒီးအဝဲသ့ၣ်အိၣ်ဆိးဝဲဖဲထံကၢၢ်နံၤန့ၣ်လီၤ.

¹⁸ဘၣ်ဆၣ်ဒီးစဘူလိၣ်အပှၤဂီၢ်မုၢ်ဒီးနးသၤလံအပှၤဂီၢ်မုၢ်ဟ့ၣ်လီၤအသးဒူဒူလၢတၢ်ဒုးပျီအပူၤန့ၣ်လီၤ.

¹⁹ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.

²⁰ဆၣ်ဧိၤဖီဧိၤတဖၣ်ဒုးတၢ်လၢမူကပိာ်လိၤ ဖဲအသုးအသးခီဂာ်မူကပိာ်လိၤန့ၣ်လီၤ. အဝဲသ့ၣ်ဒုးတၢ်ထီဒါစီၤစံစရၤလီၤ.

²¹ထံကျိကံၡိၣ်အထံဒိၣ်န့ၣ်မၤလီၤထွံကွံာ်အဝဲသ့ၣ်, ထံကျိကံၡိၣ်လၢအယွၤလီၤဆူၣ်ဆူၣ်န့ၣ်လီၤ. ယကထီၣ်, လဲၤထီၣ်ဆူညါ, အိၣ်ဒီးတၢ်ဂံၢ်တၢ်ဘါလီၤ.

²²တုၤနုၤတစုကသ့ၣ်တဖၣ်ဟဲဃ့ၢ်ပတ့ၢ်ပတီၤထီၣ်ဆူညါ, ယီၢ်လီၤဟီၣ်ခိၣ်လၢအခီၣ်မ့ၣ်ထးတဖၣ်လီၤ.

²³ယွၤအကလူးစံးဝဲ, “ပာ်တၢ်ဆိၣ်အၢလၢဝ့ၢ်မ့ရိးအဖီခိၣ်တက့ၢ်. တၢ်ဆိၣ်အၢတမံၤ, တၢ်ဆိၣ်အၢတမံၤလၢပှၤအိၣ်ဖဲန့ၣ်တဖၣ်အလိၤတက့ၢ်. အဝဲသ့ၣ်တဟဲဘၣ်ဝဲလၢကမၤစၢၤယွၤအဂီၢ်ဘၣ်. တဟဲဘၣ်ဝဲဒ်သုးဖိတဖၣ်အသိးလၢကဒုးတၢ်အဂီၢ်ဘၣ်.”

²⁴ပိာ်မုၣ်လၢအဘူၣ်အတီၢ်ဂ့ၤကတၢၢ်မ့ၢ်ဝဲနီၢ်ယဧ့လး, ပှၤက့ၣ်ဖိစီၤဃ့ဘ့ၢ်အမါ, ပှၤအဘူၣ်အတီၤဂ့ၤကတၢၢ်လၢပိာ်မုၣ်တဖၣ်အကျါလၢအအိၣ်ဆိးလၢဒဲ တဖၣ်အပူၤန့ၣ်လီၤ.

²⁵စီၤစံစရၤဃ့အီထံ, ဘၣ်ဆၣ်ဒီးအဝဲဒုးအီအီၤတၢ်နုၢ်ထံ, အဝဲဟဲစိာ်န့ၢ်အီၤတၢ်နုၢ်ထံအလီၤသကၤလၢလီခီဃံလၤတဖျၢၣ်အပူၤလီၤ.

²⁶အဝဲဟံးန့ၢ်ဒဲအနီၣ်ခိၣ်စူတဘိလၢအစုတခီ, ပှၤမၤတၢ်ဖိအခံၣ်ခူၣ်လၢအစုအဂၤတခီလီၤ. အဝဲတီၢ်စီၤစံစရၤဒီးမၤသ့ၣ်ဖးအခိၣ်ကု, ဒီးဆဲးဖျိးအနၢ်သက့ၤထံးလီၤ.

²⁷အဝဲလီၤဃံၤလၢအခီၣ်လ့ၣ်ခိၣ်, ဒီးမံလီၤဂၢၢ်တပၢၢ်လၢပိာ်မုၣ်န့ၣ်အခီၣ်ထံးလီၤ. လၢပိာ်မုၣ်အခီၣ်ထံးန့ၣ်လီၤဃံၤဝဲလၢအခီၣ်လ့ၣ်ခိၣ်, ဒီးလီၤဃံၤဝဲလီၤ. လီၤဃံၤဝဲလၢဟီၣ်ခိၣ်လိၤဒီးသံဝဲလီၤ.

²⁸စီၤစံစရၤအမိၢ်ကွၢ်ဃီၤတၢ်လၢပဲတြီဖိ, အဝဲကိးပသူထီၣ်လၢတၢ်ကွၢ်ခူသူၣ်တၢ်အပူၤလီၤ. ဒီးအဝဲသံကွၢ်ဝဲ, “ဘၣ်မနုၤလၢအဝဲ အလ့ၣ်ကဟၣ်ဒုးသုးဟဲက့ၤတုၤစဲၤခံန့ၣ်လဲၣ်. ဘၣ်မနုၤလၢအကသ့ၣ်တဖၣ်ဟဲက့ၤတုၤဃၢ ဒိၣ်မးန့ၣ်လဲၣ်.”

²⁹အပှၤပိာ်မုၣ်လၢအကူၣ်သ့ဒိၣ်ကတၢၢ်တဖၣ်စံးဆၢအီၤ, ဒီးအဝဲစံးလီၤက့ၤအသးခဲအံၤခဲအံၤ,

³⁰“အဝဲသ့ၣ်လူၤဃုဒၣ်ထဲတၢ်တဖၣ်လၢကမၤန့ၢ်ဝဲ ဒီးနီၤဖးဝဲအဂီၢ်, ပိာ်မုၣ်ဖိတဂၤမ့တမ့ၢ်ခံဂၤလၢပှၤသုးဖိတဂၤ စုာ်စုာ်အဂီၢ်, တၢ်ကူတၢ်သိးအလုၢ်ဒိၣ်ပှ့ၤဒိၣ်လၢစီၤစံစရၤအဂီၢ်, တၢ်ဆးကံၣ်ဆးဝ့ၤအတၢ်ကယၢကယဲတဖၣ်လၢနီၢ်ပၤမုၣ်အကိာ်အဂီၢ်လီၤ.

³¹မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.