Read S'gaw Karen လံာ်လီၣ်ဖျါ 8 Bible Online

လံာ်လီၣ်ဖျါ 8 - S'gaw Karen bible

လံာ်လီၣ်ဖျါ 8

¹ဖဲသိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်နွံဖျၢၣ် တဖျၢၣ်န့ၣ်, တၢ်ဘှ့ၣ်တၢ်ဘှီၣ်ဝဲဒၣ်လၢမူခိၣ်တခီနၣ်ရံၣ် ဃၣ်ဃၣ်လီၤ.

²တုၤနုၤတစု, ယထံၣ်ကလူးနွံဂၤလၢအအိၣ်ဆၢထၢၣ်လၢ ကစၢ်ယွၤအမဲာ်ညါ, ဒီးအဝဲသ့ၣ်ဘၣ်တၢ်ဟ့ၣ်အီၤလၢကွဲၤနွံ ဖျၢၣ်လီၤ.

³ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.

⁴တၢ်ဆိၣ်ကဲၤနၢမူအလုၢ်ခုၣ်န့ၣ်, လဲၤထီၣ်ဃုာ်ဒီးယွၤအပှၤစီဆှံတဖၣ်အတၢ်ထုကဖၣ်လၢ ကလူးအိၣ်ဆၢထၢၣ်ဖဲကစၢ်ယွၤအမဲာ်ညါတဂၤအစုပူၤန့ၣ်လီၤ.

⁵အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.

⁶တုၤနုၤတစုကလူးနွံဂၤလၢအအိၣ်ဒီးကွဲၤနွံဖျၢၣ်န့ၣ်, အိၣ်ကတဲာ်ကတီၤအသးဒ်သိးအကအူထီၣ်ကွဲၤတဖၣ်န့ၣ်လီၤ.

⁷ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.

⁸တၢ်န့ၣ်ဝံၤအလီၢ်ခံ, ကလူးခံဂၤတဂၤအူထီၣ်အကွဲၤလီၤ. တၢ်တမံၤလၢအလီၤဂာ်ကစၢၢ်ဖးဒိၣ်လၢမ့ၣ်အူအီၣ်အီၤ တဖျၢၣ်, ဘၣ်တၢ်ကွံာ်လီၤအီၤဆူပီၣ်လဲၣ်ပူၤလီၤ. ပီၣ်လဲၣ်သၢပူတပူကဲထီၣ်တၢ်သွံၣ်န့ၣ်လီၤ.

⁹တၢ်မူတၢ်ဂဲၤလၢပီၣ်လဲၣ်ပူၤသၢပူတပူသံကွံာ်ဝဲဒၣ်, ဒီးကဘီတဖၣ်အသၢပူတပူဘၣ်တၢ်မၤဟးဂီၤကွံာ်အီၤန့ၣ်လီၤ.

¹⁰အန့ၣ်ဝံၤဒီးကလူးသၢဂၤတဂၤအူထီၣ်အကွဲၤန့ၣ်လီၤ. ဆၣ်ဖးဒိၣ်တဖျၢၣ်, လၢအကပီၤဝဲဒ်ဆှီတဘိအသိး, ဟဲလီၤတဲာ်လၢမူကပိာ်လိၤဒီးလီၤဝဲလၢထံကျိတဖၣ် အသၢပူတပူအဖီခိၣ်, ဒီးလၢထံမူထီၣ်ပၢၢ်တဖၣ်အဖီခိၣ်လီၤ.

¹¹(ဆၣ်တဖျၢၣ်န့ၣ်အမံၤမ့ၢ်ဝဲဒၣ်အးပစံၣ်သိၣ်အခီပညီမ့ၢ်တၢ် အခၣ်န့ၣ်လီၤ) ထံသၢပူတပူခၣ်ထီၣ်ဝဲဒၣ်, ဒီးပှၤအါဒံအါဂၤသံဝဲဖဲအအီထံအဝဲန့ၣ်, မ့ၢ်လၢအခၣ်ထီၣ်ဝဲဒၣ်အဃိလီၤ.

¹²တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

¹³တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”