Read S'gaw Karen လံာ်စီၤၡမူၤအ့လးအခီၣ်ထံးတဘ့ၣ် 29 Bible Online

လံာ်စီၤၡမူၤအ့လးအခီၣ်ထံးတဘ့ၣ် 29 - S'gaw Karen bible

လံာ်စီၤၡမူၤအ့လးအခီၣ်ထံးတဘ့ၣ် 29

¹ပှၤဖလ့ၡသးဖိတဖၣ်ဟဲပာ်ဖှိၣ်ထီၣ်အသုးမုၢ်သံၣ်ဘိခဲလၢာ်ဖဲ ဝ့ၢ်အဖ့းဖဲပှၤအံၣ်စရ့လးဖိတဖၣ်သူၣ်အဒဲဖဲတၢ်တြီၤယံးစရ့ လးအထံထီၣ်ပၢၢ်န့ၣ်လီၤ.

²ပှၤဖလ့ၡသးဖိအစီၤပၤယဲၢ်ဂၤဟဲထီၣ်ဃုာ်ဒီးအပှၤအဂၤတကယၤဒီး အဂၤတကထိအကရူၢ်တဖၣ်လီၤ. စီၤဒၤဝံးဒီးအပှၤတဖၣ်လဲၤထီၣ်လၢတၢ်လီၢ်ခံဒီးစီၤပၤအၤ ကံၣ်လီၤ.

³ပှၤဖလ့ၡသးဖိအသုးခိၣ်ကျၢၢ်တဖၣ်ထံၣ်အဝဲသ့ၣ်ဒီးသံကွၢ်ဝဲ, “ပှၤဧ့ၤဘြံၤဖိတဖၣ်အံၤမၤတၢ်မနုၤဖဲအံၤန့ၣ်လဲၣ်.” စီၤအၤကံၣ်စံးဆၢဝဲဒၣ်, “အဝဲအံၤမ့ၢ်စီၤဒၤဝံး, ကီၢ်အံၣ်စရ့လးအစီၤပၤစီၤစီလူးအသုးခိၣ်တဂၤန့ၣ်လီၤ. အဝဲအိၣ်ဒီးယၤခဲအံၤယံာ်ထီၣ်တစဲးလံ. စးထီၣ်မုၢ်တနံၤလၢအဟဲအိၣ်ဒီးယၤန့ၣ်ယတထံၣ်န့ၢ်တၢ်ကမၣ်လၢ အမၤဝဲနီတမံၤဘၣ်.”

⁴ဘၣ်ဆၣ်ဒီးပှၤဖလ့ၡသးဖိအသုးခိၣ်သုးနၢ်တဖၣ်အသးဒိၣ် စီၤအၤကံၣ်ဒီးစံးဘၣ်အီၤ, “ဆှၢလီၤကဒါက့ၤပှၤဝဲန့ၣ်ဆူ ဝ့ၢ်လၢနဟ့ၣ်သါအီၤန့ၣ်တက့ၢ်. ပျဲအလဲၤနုာ်ဆူတၢ်ဒုးပျီပူၤဃုာ်ဒီးပှၤတဂ့ၤ, အဝဲကယိးကဒါက့ၤဘီထီဒါပှၤဖဲတၢ်ဒုးတၢ်ယၤအပူၤသ့ၣ်သ့ၣ်လီၤ. ကျဲအဂ့ၤကတၢၢ်လၢကမၤအိၣ်က့ၤအမဲာ်သၣ်ဒီးအကစၢ်န့ၣ်, လၢတၢ်မၤသံကွံာ်ပပှၤတဖၣ်အမဲာ်ညါ, မနုၤကအိၣ်ဒံးလၢအဂီၢ်လဲၣ်.

⁵လၢတၢ်ခဲလၢာ်အဖီခိၣ်န့ၣ်, အဝဲအံၤမ့ၢ်စီၤဒၤဝံးလၢပှၤပိာ်မုၣ်တဖၣ်သးဝံၣ်တၢ်လၢအဂ့ၢ် ဖဲအဝဲသ့ၣ်ဂဲၤကလံာ်အဖၢမုၢ်ဒီးစံးဝဲလၢ, စီၤစီလူးမၤသံပှၤအကထိတဖၣ်လီၤ. မ့မ့ၢ်စီၤဒၤဝံးမၤသံပှၤအကလးတဖၣ်န့ၣ်လီၤ.”

⁶စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.

⁷မၤသးဒ်န့ၣ်ဒီး, က့ၤကဒါက့ၤဆူဟံၣ်မုာ်မုာ်ဒီးမၤတၢ်လၢအတမၤမုာ် အဝဲသ့ၣ်အသးန့ၣ်နီတမံၤတဂ့ၤ.”

⁸စီၤဒၤဝံးစံးဆၢဝဲဒၣ်, “ယမၤကမၣ်တၢ်မနုၤတမံၤလဲၣ်, တၢ်ဒိၣ်ဧၢ. မ့မ့ၢ်ဒ်နစံးတ့ၢ်အသိး, စးထီၣ်မုၢ်တနံၤလၢယစးထီၣ်မၤနတၢ်မၤန့ၣ် နမ့ၢ်တထံၣ်ဘၣ်တၢ်ကမၣ်နီတမံၤဘၣ်လၢယပူၤဘၣ် ဒီးဘၣ်မနုၤယတကြၢးလဲၤဃုာ်ဒီးနၤ, ယကစၢ်ဒီးယစီၤပၤ, ဒီးဒုးနဒုၣ်အဒါတဖၣ်န့ၣ်လဲၣ်.”

⁹စီၤအၤကံၣ်စံးဝဲ, “ယအၢၣ်လီၤလီၤ. ယပာ်ကဲနၤဒ်ပှၤသူၣ်တီသးလိၤထဲသိးကစၢ်ယွၤအကလူးတဂၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်စံးဝဲလၢနလဲၤဒီးပှၤဆူတၢ်ဒုးပူၤ တသ့ဘၣ်လီၤ.

¹⁰မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”

¹¹မၤသးဒ်န့ၣ်ဒီး, လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ် စီၤဒၤဝံးဒီးအပှၤတဖၣ်က့ၤကဒါက့ၤဆူကီၢ်ဖလ့ၡသးဒီးပှၤဖလ့ၡသးဖိ တဖၣ်လဲၤဆူညါဆူတၢ်တြီၤယံးစရ့လးန့ၣ်လီၤ.