Read S'gaw Karen လံာ်စီၤၡမူၤအ့လးအခီၣ်ထံးတဘ့ၣ် 31 Bible Online

လံာ်စီၤၡမူၤအ့လးအခီၣ်ထံးတဘ့ၣ် 31 - S'gaw Karen bible

လံာ်စီၤၡမူၤအ့လးအခီၣ်ထံးတဘ့ၣ် 31

¹ပှၤဖလ့ၡသးဖိတဖၣ်ဒုးတၢ်ဒုးတဘျီထီဒါပှၤအံၣ်စရ့လးဖိတဖၣ် လၢကစၢၢ်ကံးလဘိအလိၤလီၤ. ပှၤအံၣ်စရ့လးဖိအါဂၤဘၣ်တၢ်မၤသံကွံာ်အီၤဖဲန့ၣ်ဒီးပှၤ အိၣ်တဲာ်လၢအကျါဃုာ်ဒီးစီၤစီလူးဒီးအဖိခွါတဖၣ်ထွးထီၣ် ဃ့ၢ်ကွံာ်ဝဲဒၣ်လီၤ.

²ဘၣ်ဆၣ်ဒီးပှၤဖလ့ၡသးဖိတဖၣ်ချုးန့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, စီၤယိနၤသၣ်, စီၤအဘံနဒာ်ဒီးစီၤမၤလကံၡူၤန့ၣ်လီၤ.

³တၢ်ဒုးတၢ်ယၤဆူၣ်ဝဲဒၣ်ဝးတရံးစီၤစီလူးဒီးအနီၢ်ကစၢ်ဒၣ်ဝဲ ဘၣ်ဒိလၢဒုၣ်ဒါအပျၢ်တဖၣ်ဆါဆါကလဲာ်လီၤ.

⁴အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.

⁵ပှၤသးစၢ်တဂၤထံၣ်ဝဲလၢစီၤစီလူးသံဝဲအဃိဒီးအဝဲစ့ၢ်ကီး ဆဲးလီၤအသးလၢအနးဒၣ်ဝဲဒီးသံဃုာ်ဒီးစီၤစီလူးန့ၣ်လီၤ.

⁶ဒီးတၢ်န့ၣ်မ့ၢ်စီၤစီလူးဒီးအဖိခွါသၢဂၤဒီးပှၤသးစၢ်တဂၤ သံဝဲဒ်လဲၣ်အဂ့ၢ်လီၤ. ကယဲၢ်စီၤစီလူးအပှၤတဖၣ်သံဝဲခဲလၢာ်လၢမုၢ် နံၤအဝဲန့ၣ်လီၤ.

⁷ဖဲပှၤအံၣ်စရ့ဖးဖိတဖၣ်လၢတၢ်တြီၤယံးစရ့လးအဘးခီဒီးထံကျိယၢ်ဒ့ၣ်အမုၢ်ထီၣ်တခီ နၢ်ဟူလၢပှၤအံၣ်စရ့လးဖိအသုးမုၢ်ထွးထီၣ်ဃ့ၢ်ကွံာ်ဒီး စီၤစီလူးဒီးအဖိခွါတဖၣ်ဘၣ်တၢ်မၤသံကွံာ် အီၤန့ၣ်, အဝဲသ့ၣ်ပာ်တ့ၢ်ကွံာ်အခူအဝ့ၢ်ဒီးထွးထီၣ်ဃ့ၢ်ကွံာ်ဝဲဒၣ်လီၤ. တုၤနုၤတစုပှၤဖလ့ၡသးဖိတဖၣ်ဟဲဒီးဟံးန့ၢ်ကွံာ်ဝ့ၢ်တဖၣ် န့ၣ်လီၤ.

⁸ဖဲတၢ်ဒုးတၢ်ယၤဝံၤလၢခံတနံၤန့ၣ်, ပှၤဖလ့ၡသးဖိတဖၣ်လဲၤလၢ ကဂုာ်န့ၢ်ပှၤသံစိၣ်တဖၣ်အတၢ်ဖိတၢ်လံၤဒီးအဝဲသ့ၣ်ထံၣ်ဘၣ်စီၤ စီလူးဒီးအဖိခွါသၢဂၤလီၤဃံၤသံလၢကစၢၢ်ကံးလဘိအလိၤန့ၣ်လီၤ.

⁹အဝဲသ့ၣ်ကူးတဲာ်စီၤစီလူးအခိၣ်ဒီးဘ့ၣ်လီၤကွံာ်ဝဲအသဃိး ဒီးဆှၢလီၤပှၤစိာ်တၢ်ကစီၣ်တဖၣ်သကူၤကီၢ်ဖလ့ၡသးဒ်သိးကတဲ တၢ်သးခုကစီၣ်ဆူအတၢ်ဂီၤတၢ်ဖီၣ်တဖၣ်ဒီးအပှၤဂီၢ်မုၢ်အအိၣ်လီၤ.

¹⁰အန့ၣ်ဝံၤဒီးအဝဲသ့ၣ်ပာ်စီၤစီလူးအစုကဝဲၤလၢကစၢ်မုၢ်ဧၤၡတြိးအဟံၣ်ပူၤဒီးအဝဲသ့ၣ်ပျၤထီအနီၢ်ခိလၢဝ့ၢ်ဘ့ၤၡၣ်အဝ့ၢ် ခိၣ်ဒူန့ၣ်လီၤ.

¹¹ဖဲပှၤဂီၢ်မုၢ်လၢဝ့ၢ်ယၤဘ့ၣ်လၢကီၢ်ကံးလဧးအပူၤနၢ်ဟူ တၢ်လၢပှၤဖလ့ၡသးဖိတဖၣ်မၤစီၤစီလူးအဂ့ၢ်န့ၣ်,

¹²ပှၤအဒူအဃိၤကတၢၢ်တဖၣ်ဟးထီၣ်ဒီးလဲၤထီၣ်သီတနၤကျၢၤဆူဝ့ၢ်ဘ့ၤသၡၣ်လီၤ. အဝဲသ့ၣ်စိာ်လီၤစီၤစီလူးအစိၣ်ဒီးအဖိခွါတဖၣ်အစိၣ် လၢဝ့ၢ်ခိၣ်ဒူဒီးဟဲက့ၤစိာ်ဝဲဆူဝ့ၢ်ယၤဘ့ၣ်ဒီးဆူးကဲၤကွံာ်အီၤ ဖဲန့ၣ်လီၤ.

¹³အန့ၣ်ဝံၤဒီးအဝဲသ့ၣ်ဟံးန့ၢ်အဃံတဖၣ်ဒီးခူၣ်လီၤအဝဲသ့ၣ်ဖဲ သ့ၣ်ဖိတထံးအခီၣ်ထံး, လၢဝ့ၢ်ပူၤဒီးအဝဲသ့ၣ်ဒုၣ်တၢ်အီၣ်နွံသီန့ၣ်လီၤ.