Read Bhaibheri Dzvene MuChiShona Chanhasi Genesisi 10 Bible Online

Genesisi 10 - Bhaibheri Dzvene MuChiShona Chanhasi bible

Genesisi 10

¹Iyi ndiyo rondedzero yamarudzi aShemu, Hamu naJafeti, vana vaNoa, avo vakaitawo vanakomana mushure mamafashamu.

²Vanakomana vaJafeti vanoti: Gomeri, Magogi, Madhai, Javhani, Jubhari, Mesheki naTirasi.

³Vanakomana vaGomeri vanoti: Ashikenazi, Rifati naTogarima.

⁴Vanakomana vaJavhani vanoti: Erisha, Tashishi, Kitimi naRodhanimi.

⁵(Kubva kwavari ivava vanhu vomumahombekombe egungwa vakapararira munyika dzavo, nedzimba dzavo pakati pendudzi dzavo, rudzi rumwe norumwe nomutauro warwo.)

⁶Vanakomana vaHamu vanoti: Kushi, Miziraimi, Puti naKenani.

⁷Vanakomana vaKushi vanoti: Sebha, Havhira, Sabhata, Rama naSabhiteka. Vanakomana vaRaama vanoti: Shebha naDhedhani.

⁸Kushi akanga ari baba vaNimurodhi, uyo akanga ari murwi ane simba panyika.

⁹Akanga ari muvhimi mukuru pamberi paJehovha; ndokusaka zvichinzi, “SaNimirodhi, muvhimi mukuru pamberi paJehovha.”

¹⁰Maguta okutanga oumambo hwake akanga ari Bhabhironi, Ereki, Akadhi neKarine, munyika yeShinari.

¹¹Achibva munyika iyoyo akaenda kuAsiria, uko kwaakandovaka Ninevhe, Rehobhoti Iri, neKara

¹²neReseni, riri pakati peNinevhe neKara; rinova ndiro guta guru.

¹³Miziraimi akanga ari baba veava: vaRudhi, vaAnami, vaRehabhi, vaNafutuhi,

¹⁴vaPaturusi, vaKasiruhi (kunova ndiko kwakabva vaFiristia) navaKafitori.

¹⁵Kenani akanga ari baba veava: Sidhoni dangwe rake, navaHiti,

¹⁶vaJebhusi, vaAmori, vaGirigashi,

¹⁷vaHivhi, vaAriki, vaSini,

¹⁸vaAvhadhi, vaZemari navaHamati. (Shure kwaizvozvo dzimba dzavaKenani dzakapararira,

¹⁹uye miganhu yavaKenani yakasvika kuSidhoni yakananga kuGerari kusvikira kuGaza, uyezve yakananga kuSodhomu, Gomora, Adhima neZebhoimi, kusvikira kuRasha.)

²⁰Ava ndivo vanakomana vaHamu nedzimba dzavo uye nemitauro yavo, munyika dzavo nendudzi dzavo.

²¹Shemu akaberekerwawo vanakomana, mukoma wake akanga ari Jafeti; Shemu akanga ari tateguru wavanakomana vose vaEbheri.

²²Vanakomana vaShemu vaiti: Eramu, Ashuri, Afakisadhi, Rudhi naAramu.

²³Vanakomana vaAramu vaiti: Uzi, Huri, Geteri naMesheki.

²⁴Afakisadhi akanga ari baba vaShera, uye Shera ari baba vaEbheri.

²⁵Ebheri akaberekerwa vanakomana vaviri: Mumwe ainzi Peregi, nokuti pamazuva ake nyika yakakamurwa; zita romununʼuna wake rainzi Jokitani.

²⁶Jokitani akanga ari baba veava vanoti: Arimodhadhi, Sherefi, Hazamavheti, Jera,

²⁷Hadhoramu, Uzari, Dhikira,

²⁸Obhari, Abhimaeri, Shebha,

²⁹Ofiri, Havhira naJobhabhi. Vose ava vakanga vari vanakomana vaJokitani.

³⁰(Dunhu ravaigara raibvira kuMesha rakananga kuSefari, kunyika yezvikomo yokumabvazuva.)

³¹Ava ndivo vanakomana vaShemu nedzimba dzavo uye nemitauro yavo, munyika dzavo nendudzi dzavo.

³²Idzi ndidzo dzimba dzavanakomana vaNoa maererano nezvizvarwa zvavo, pakati pendudzi dzavo. Kubva kuna ava ndudzi dzakapararira pamusoro penyika shure kwamafashamu.