Read Bhaibheri Dzvene MuChiShona Chanhasi Genesisi 36 Bible Online

Genesisi 36 - Bhaibheri Dzvene MuChiShona Chanhasi bible

Genesisi 36

¹Iyi ndiyo nhoroondo yaEsau (ndiye Edhomu).

²Esau akatora mukadzi wake kubva kuvakadzi veKenani: Adha mwanasikana waEroni muHiti, naOhoribhama mwanasikana waAna, muzukuru waZibheoni muHivhi,

³uyewo Bhasemati mwanasikana waIshumaeri, hanzvadzi yaNebhayoti.

⁴Adha akaberekera Esau Erifazi, Bhasemati akabereka Reueri,

⁵uye Ohoribhama akabereka Jeushi, Jaramu naKora. Ndivo vana vaEsau vaakaberekerwa muKenani.

⁶Esau akatora vakadzi vake navanakomana vake uye vanasikana vake navamwe vose veimba yake, pamwe chete nemombe dzake nezvimwe zvipfuwo zvake nepfuma yake yose yaakanga awana muKenani, akaenda kunyika yakanga iri kure nomununʼuna wake Jakobho.

⁷Pfuma yakanga yawanda kwazvo kuti vagare pamwe chete; nyika yavaigara yakanga isisavaringani vose nokuda kwezvipfuwo zvavo.

⁸Saka Esau (ndiye Edhomu) akandogara kunyika yezvikomo yeSeiri.

⁹Iyi ndiyo nhoroondo yaEsau baba vavaEdhomu munyika yezvikomo yeSeiri.

¹⁰Aya ndiwo mazita avanakomana vaEsau: Erifazi, mwanakomana womukadzi waEsau, Adha, Reueri, mwanakomana waBhasemati, mukadzi waEsau.

¹¹Vanakomana vaErifazi vaiva: Temani, Omari, Zefo, Gatami naKenazi.

¹²Mwanakomana waEsau, Erifazi naiyewo akanga ano murongo ainzi Timina, uyo akamuberekera Amareki. Ava ndivo vaiva vazukuru vaAdha, mukadzi waEsau.

¹³Vanakomana vaReueri vaiva: Nahati, Zera, Shama naMiza. Ava ndivo vaiva vazukuru vaBhasemati mukadzi waEsau.

¹⁴Vanakomana vaOhoribhama, mukadzi waEsau, mwanasikana waAna, muzukuru waZibheoni, vaakaberekera Esau, vaiva: Jeushi, Jaramu naKora.

¹⁵Aya ndiwo aiva madzishe pakati pezvizvarwa zvaEsau: Vanakomana vaErifazi, dangwe raEsau, vaiva: madzishe Temani, Omari, Sefo, Kenazi,

¹⁶Kora, Gatami naAmareki. Aya ndiwo madzishe akabva kuna Erifazi muEdhomu; vaiva vazukuru vaAdha.

¹⁷Vanakomana vaReueri, mwanakomana waEsau, vaiva madzishe Nahati, Zera, Shama naMiza. Aya ndiwo madzishe akabva kuna Reueri muEdhomu; vakanga vari vazukuru vaBhasemati, mukadzi waEsau.

¹⁸Vanakomana vaOhoribhama, mukadzi waEsau, vaiva: madzishe Jeushi, Jaramu naKora. Aya ndiwo madzishe akabva kuna Ohoribhama mukadzi waEsau mwanasikana waAna.

¹⁹Ava ndivo vaiva vanakomana vaEsau (ndiye Edhomu) uye aya ndiwo madzishe avo.

²⁰Ava ndivo vakanga vari vanakomana vaSeiri muHori, vakanga vachigara mudunhu iroro: Rotani, Shobhari, Zibheoni, Ana,

²¹Dhishoni, Ezeri naDhishani. Vanakomana ava vaSeiri muEdhomu vakanga vari madzishe avaHori.

²²Vanakomana vaRotani vaiva: Hori naHomami. Timina akanga ari hanzvadzi yaRotani.

²³Vanakomana vaShobhari vaiva: Arivhani, Manahati, Ebhari, Shefo naOnami.

²⁴Vanakomana vaZibheoni vaiva: Ayia naAna. Uyu ndiye uya Ana akawana matsime emvura inopisa mugwenga paakanga achifudza mbongoro dzababa vake Zibheoni.

²⁵Vanakomana vaAna vaiva: Dishoni naOhoribhama, mwanakomana waAna.

²⁶Vanakomana vaDhishoni vaiva: Hemidhani, Eshibhani, Itirani naKerani.

²⁷Vanakomana vaEzeri vaiva: Bhirihani, Zaavhani naAkani.

²⁸Vanakomana vaDhishani vaiva: Uzi naArani.

²⁹Aya ndiwo akanga ari madzishe avaHori: Rotani, Shobhari, Zibheoni, Ana,

³⁰Dhishoni, Ezeri naDhishani. Aya ndiwo akanga ari madzishe avaHori zvichienderana namarudzi avo, munyika yaSeiri.

³¹Aya ndiwo madzimambo akatonga muEdhomu pasati pambova namambo upi zvake akatonga muIsraeri:

³²Bhera, mwanakomana waBheori, akava mambo weEdhomu. Guta rake rakatumidzwa zita rokuti Dhinihabha.

³³Bhera akati afa, Jobhabhi, mwanakomana waZera, aibva kuBhozira akamutevera paumambo.

³⁴Jobhabhi akati afa, Hushami aibva kunyika yavaTemani akamutevera paumambo.

³⁵Hushani akati afa, Hadhadhi mwanakomana waBhedhadhi, uya akakunda Midhiani munyika yeMoabhu, akamutevera paumambo. Guta rake rakatumidzwa zita rokuti Avhiti.

³⁶Hadhadhi akati afa, Samura aibva kuMasireka akamutevera paumambo.

³⁷Samura akati afa, Shauri aibva kuRehobhoti paRwizi akamutevera paumambo.

³⁸Shauri akati afa, Bhaari-Hanani mwanakomana waAkibhori akamutevera paumambo.

³⁹Bhaari-Hanani mwanakomana waAkibhori akati afa, Hadhadhi akamutevera paumambo. Guta rake rakatumidzwa zita rokuti Pua, uye zita romukadzi wake rainzi Mehetabheri mwanasikana waMatiredhi, mwanasikana waMe-Zahabhi.

⁴⁰Aya ndiwo madzishe akabva kuna Esau, namazita avo, maererano nedzimba dzavo namatunhu avo: Timina, Arivha, Jeteti,

⁴¹Ohoribhama, Era, Pinoni,

⁴²Kenazi, Temani, Mibhiza,

⁴³Magidhieri naIrami. Aya ndiwo akanga ari madzishe eEdhomu, maererano namagariro avo munyika yavakatora. Uyu ndiye Esau baba wevaEdhomu.