Read Bhaibheri Dzvene MuChiShona Chanhasi 1 Makoronike 24 Bible Online

1 Makoronike 24 - Bhaibheri Dzvene MuChiShona Chanhasi bible

1 Makoronike 24

¹Aya ndiwo aiva mapoka avanakomana vaAroni: Vanakomana vaAroni vaiva: Nadhabhi, Abhihu, Ereazari naItamari.

²Asi Nadhabhi naAbhihu vakafa baba vavo vasati vafa, uye vakanga vasina vanakomana; saka Ereazari naItamari vakashumira savaprista.

³Achibatsirwa naZadhoki chizvarwa chaEreazari naAhimereki chizvarwa chaItamari, Dhavhidhi akavapatsanura akavaisa mumapoka kuti vaite basa ravo roushumiri ravakanga varayirwa.

⁴Vatungamiri vazhinji vakanyanyowanikwa pane zvizvarwa zvaEreazari kupfuura pakati pezvizvarwa zvaItamari uye vakaiswa mumapoka zvakakodzerana: vakuru gumi navatanhatu kubva kuzvizvarwa zvaEreazari uye vakuru vasere kubva kuzvizvarwa zvaItamari.

⁵Vakavaisa mumapoka zvakakodzerana, nokukanda mijenya nokuti paiva navabati venzvimbo tsvene navabati vaMwari pakati pezvizvarwa zvaEreazari nezvizvarwa zvaItamari.

⁶Munyori Shemaya mwanakomana waNetaneri, muRevhi, akanyora mazita avo pamberi pamambo, napamberi pavabati vaiti: Zadhoki muprista, Ahimereki mwanakomana waAbhiatari navakuru vemhuri dzavaprista navaRevhi mhuri imwe chete ichitorwa kubva kuna Ereazari uye imwe chete kubva kuna Itamari.

⁷Mujenya wokutanga wakawira pana Jehoyaribhi, wechipiri pana Jedhaya,

⁸wechitatu kuna Harimi, wechina kuna Seorimi,

⁹wechishanu kuna Marikia, wechitanhatu kuna Miyamini,

¹⁰wechinomwe kuna Hakozi, wechisere kuna Abhija,

¹¹wepfumbamwe kuna Jeshua, wegumi kuna Shekania,

¹²wegumi nomumwe kuna Eriashibhi, wegumi nembiri kuna Jakimi,

¹³wegumi nenhatu kuna Hupa, wegumi neina kuna Jeshebheabhi,

¹⁴wegumi neshanu kuna Bhiriga, wegumi nenhanhatu kuna Imeri,

¹⁵wegumi nenomwe kuna Heziri, wegumi netsere kuna Hapizezi,

¹⁶wegumi nepfumbamwe kuna Petahia, wemakumi maviri kuna Jehezikeri,

¹⁷wemakumi maviri nomumwe kuna Jakini, wemakumi maviri nembiri kuna Gamuri,

¹⁸wemakumi maviri nenhatu kuna Dheraya, uye wemakumi maviri neina kuna Maazia.

¹⁹Iri ndiro raiva basa ravo roushumiri ravakanga varayirwa pavakapinda mutemberi yaJehovha, maererano nemitemo yavakanga vapiwa nababa wavo Aroni sokurayirwa kwaakanga aitwa naJehovha, Mwari waIsraeri.

²⁰Kana zviri zvimwe zvizvarwa zvaRevhi: kubva kuvanakomana vaAmiramu, Shubhaeri; kubva kuvanakomana vaShubhaeri: Jedheya.

²¹Kana ari Rehabhia, kuvanakomana vake: Ishia aiva wokutanga.

²²Kubva kuvaIzhari: Sheromoti; kubva kuvanakomana vaSheromoti: Jahati.

²³Vanakomana vaHebhuroni vaiva: Jeria wokutanga, Amaria wechipiri, Jehazieri wechitatu naJekameami wechina.

²⁴Mwanakomana waUzieri aiva: Mika; kubva kuvanakomana vaMika: Shamiri.

²⁵Mununʼuna waMika: Ishia; kubva kuvanakomana vaIshia: Zekaria.

²⁶Vanakomana vaMerari vaiva: Mari naMushi. Mwanakomana waJaazia aiva: Bheno.

²⁷Vanakomana vaMerari vaiva: kubva kuna Jaazia: Bheno, Shoshami, Zakuri, naIbhiri.

²⁸Kubva kuna Mari: Ereazari, uye akanga asina vanakomana.

²⁹Kubva kuna Kishi mwanakomana waKishi aiva: Jerameeri.

³⁰Uye vanakomana vaMushi vaiti: Mari, Edheri naJerimoti. Ava ndivo vaiva vaRevhi maererano nemhuri dzavo.

³¹Vakakandawo mijenya sezvaingoita hama dzavo zvizvarwa zvaAroni, pamberi paMambo Dhavhidhi naZadhoki, Ahimereki navakuru vemhuri dzavaprista navaRevhi. Mhuri dzomukoma pane vose dzaingoverengwa zvimwe chetezvo sedzomudiki pane vose.