Read Bhaibheri Dzvene MuChiShona Chanhasi 1 Makoronike 25 Bible Online

1 Makoronike 25 - Bhaibheri Dzvene MuChiShona Chanhasi bible

1 Makoronike 25

¹Dhavhidhi, pamwe chete navatungamiri vehondo: vakatsaura vamwe vavanakomana vaAsafi, Hemani naJedhutuni kuti vaite ushumiri hwokuprofita kuchiridzwa mbira, mitengeranwa namakandira. Aya ndiwo mazita avarume vaiita basa iri.

²Kubva kuvanakomana vaAsafi: Zakuri, Josefa, Netania naAsarera. Vanakomana vaAsafi vaitungamirirwa naAsafi uyo aiprofita achitungamirirwa namambo.

³Kana ari Jedhutuni, kuvanakomana vake: Gedharia, Zeri, Jeshaya, Shimei, Hashabhia naMatitia, vatanhatu pamwe chete, vachitungamirirwa nababa vavo Jedhutuni uyo aiprofita achishandisa mbira mukuvonga nokurumbidza Jehovha.

⁴Kana ari Hemani, kubva kuvanakomana vake: Bhukia, Matania, Uzieri, Shubhaeri naJerimoti; Hanania, Hanani, Eriata, Gidhariti naRomamiti-Ezeri; Joshibhekasha, Maroti, Hotiri naMahazioti.

⁵Vose ava vaiva vanakomana vaHemani muoni wamambo. Akavapiwa kubudikidza nezvivimbiso zvaMwari kuti amukudze. Mwari akapa Hemani vanakomana gumi navana, navanasikana vatatu.

⁶Varume vose ava vaitungamirirwa namadzibaba avo mukuimba mutemberi yaJehovha, nomukuridza makandira nemitengeranwa nembira, kuti vaite ushumiri paimba yaMwari. Asafi, Jedhutuni naHemani vaiva pasi pamambo.

⁷Pamwe chete nehama dzavo, vose vakadzidzira uye vakava nyanzvi mukuimbira Jehovha, vaisvika mazana maviri amakumi masere navasere.

⁸Vaduku navakuru pamwe chete, mudzidzisi pamwe chete nomudzidzi, vakakanda mijenya pakupiwa mabasa avo.

⁹Mujenya wokutanga waiva waAsafi, wakawira pana Josefa, vanakomana vake nehama dzake—gumi navaviri; wechipiri kuna Gedharia, iye nehama dzake navanakomana vake—gumi navaviri;

¹⁰wechitatu kuna Zakuri, vanakomana vake nehama dzake—gumi navaviri;

¹¹wechina kuna Iziri, vanakomana vake nehama dzake—gumi navaviri;

¹²wechishanu kuna Netania, vanakomana vake nehama dzake—gumi navaviri;

¹³wechitanhatu kuna Bhukia, vanakomana vake nehama dzake—gumi navaviri;

¹⁴wechinomwe kuna Jesarera, vanakomana vake nehama dzake—gumi navaviri;

¹⁵worusere kuna Jeshaya, vanakomana vake nehama dzake—gumi navaviri;

¹⁶wepfumbamwe kuna Matania, vanakomana vake nehama dzake—gumi navaviri;

¹⁷wegumi kuna Shimei, vanakomana vake nehama dzake—gumi navaviri;

¹⁸wegumi nomumwe kuna Azareri, vanakomana vake nehama dzake—gumi navaviri;

¹⁹wegumi nemiviri kuna Hashabhia, vanakomana vake nehama dzake—gumi navaviri;

²⁰wegumi nemitatu kuna Shubhaeri, vanakomana vake nehama dzake—gumi navaviri;

²¹wegumi nemina kuna Matitia, vanakomana vake nehama dzake—gumi navaviri;

²²wegumi nemishanu kuna Jerimoti, vanakomana vake nehama dzake—gumi navaviri;

²³wegumi nemitanhatu kuna Hanania, vanakomana vake nehama dzake—gumi navaviri;

²⁴wegumi neminomwe kuna Joshibhekasha, vanakomana vake nehama dzake—gumi navaviri;

²⁵wegumi nemisere kuna Hanani, vanakomana vake nehama dzake—gumi navaviri;

²⁶wegumi nemipfumbamwe kuna Maroti, vanakomana vake nehama dzake—gumi navaviri;

²⁷wamakumi maviri kuna Eriata, vanakomana vake nehama dzake—gumi navaviri;

²⁸wamakumi maviri nomumwe kuna Hotiri, vanakomana vake nehama dzake—gumi navaviri;

²⁹wamakumi maviri nemiviri kuna Gidhariti, vanakomana vake nehama dzake—gumi navaviri;

³⁰wamakumi maviri nemitatu kuna Mahazioti, vanakomana vake nehama dzake—gumi navaviri;

³¹wamakumi maviri nemina kuna Romamiti-Ezeri, vanakomana vake nehama dzake—gumi navaviri.