Read Bhaibheri Dzvene MuChiShona Chanhasi 1 Makoronike 6 Bible Online

1 Makoronike 6 - Bhaibheri Dzvene MuChiShona Chanhasi bible

1 Makoronike 6

¹Vanakomana vaRevhi vaiva Gerishoni, Kohati naMerari.

²Vanakomana vaKohati vaiva: Amiramu, Izhari, Hebhuroni naUzieri.

³Vana vaAmiramu vaiva: Aroni, Mozisi naMiriamu. Vanakomana vaAroni vaiva: Nadhabhi, Abhihu, Ereazari naItamari.

⁴Ereazari aiva baba vaFinehasi, Finehasi baba vaAbhishua,

⁵Abhishua baba vaBhuki, Bhuki baba vaUzi,

⁶Uzi baba vaZerahia, Zerahia baba vaMerayoti,

⁷Merayoti baba vaAmaria, Amaria baba vaAhitubhi,

⁸Ahitubhi baba vaZadhoki, Zadhoki baba vaAhimaazi,

⁹Ahimaazi baba vaAzaria, Azaria baba vaJohanani,

¹⁰Johanani baba vaAzaria. (Ndiye aibata basa somuprista mutemberi yakavakwa naSoromoni muJerusarema.)

¹¹Azaria baba vaAmaria, Amaria baba vaAhitubhi.

¹²Ahitubhi baba vaZadhoki, Zadhoki baba vaSharumi,

¹³Sharumi baba vaHirikia, Hirikia baba vaAzaria,

¹⁴Azaria baba vaSeraya uye Seraya baba vaJehozadhaki.

¹⁵(Jehozadhaki akadzingwa Jehovha paakaendesa Judha neJerusarema kuutapwa noruoko rwaNebhukadhinezari.)

¹⁶Vanakomana vaRevhi vaiva: Gerishoni, Kohati naMerari.

¹⁷Aya ndiwo mazita avanakomana vaGerishoni: Ribhini naShimei.

¹⁸Vanakomana vaKohati vaiva: Amiramu, Izhari, Hebhuroni naUzieri.

¹⁹Vanakomana vaMerari vaiva: Mairi naMushi. Idzi ndidzo dzimba dzavaRevhi dzakanyorwa maererano namazita amadzibaba avo:

²⁰VaGerishoni: Ribhini mwanakomana wake, Jehati mwanakomana wake naZima mwanakomana wake,

²¹Joa mwanakomana wake Idho mwanakomana wake, Zera mwanakomana wake naJeaterai mwanakomana wake.

²²Zvizvarwa zvaKohati zvaiva: Aminadhabhi mwanakomana wake, Kora mwanakomana wake, Asiri mwanakomana wake,

²³Erikana mwanakomana wake, naEbhiasafi mwanakomana wake, Asiri mwanakomana wake,

²⁴naTahati mwanakomana wake, Urieri mwanakomana wake, Uzia mwanakomana wake naShauri mwanakomana wake.

²⁵Zvizvarwa zvaErikana zvaiva: Amasai, Ahimoti,

²⁶Erikana mwanakomana wake, Zofai mwanakomana wake, naNahati mwanakomana wake,

²⁷naEriabhi mwanakomana wake, Jerohamu mwanakomana wake, naErikana mwanakomana wake, naSamueri mwanakomana wake,

²⁸Vanakomana vaSamueri vaiva: Joere dangwe rake naAbhija mwanakomana wake wechipiri.

²⁹Zvizvarwa zvaMerari zvaiva: Mari, Ribhini mwanakomana wake, Shimei mwanakomana wake, Uza mwanakomana wake,

³⁰Shimea mwanakomana wake, Hagia mwanakomana wake naAsaya mwanakomana wake.

³¹Ava ndivo varume vakagadzwa naDhavhidhi kuti vafambise basa rokuimba muimba yaJehovha mushure mokunge areka yawana pokuzorora imomo.

³²Vaishumira uye vaiimba pamberi petabhenakeri, muTende Rokusangana, kusvikira Soromoni avaka temberi yaJehovha muJerusarema. Vaibata basa ravo maererano nemitemo yavakanga vakadzikirwa.

³³Ava ndivo varume vaibata basa pamwe chete navanakomana vavo: kubva kuvaKohati: Hemani muimbi, mwanakomana waJoere, mwanakomana waSamueri,

³⁴mwanakomana waErikana, mwanakomana waJerohamu, mwanakomana waErieri, mwanakomana waToa,

³⁵mwanakomana waZufi, mwanakomana waErikana, mwanakomana waMahati, mwanakomana waAmasai,

³⁶mwanakomana waErikana, mwanakomana waJoere, mwanakomana waAzaria, mwanakomana waZefania,

³⁷mwanakomana waTahati, mwanakomana waAsiri, mwanakomana waEbhiasafi; mwanakomana waKora,

³⁸mwanakomana waIzhari, mwanakomana waKohati, mwanakomana waRevhi mwanakomana waIsraeri.

³⁹Uye mubatsiri waHemani pabasa ainzi Asafi akanga amire kurudyi rwake: Asafi mwanakomana waBherekia mwanakomana waShimea,

⁴⁰mwanakomana waMikaeri, mwanakomana Bhaaseya, mwanakomana waMarikia,

⁴¹mwanakomana waEtini, mwanakomana waZera, mwanakomana waAdhaya,

⁴²mwanakomana waEtani, mwanakomana waZima, mwanakomana waShimei,

⁴³mwanakomana waJahati, mwanakomana waGerishoni, mwanakomana waRevhi;

⁴⁴uye kubva kuvabatsiri vavo, vaMerari, kuruboshwe rwake, vaiva: Etani mwanakomana waKishi, mwanakomana waAbhidhi, mwanakomana waMaruki,

⁴⁵mwanakomana waHashabhia, mwanakomana waAmazia, mwanakomana waHirikia,

⁴⁶mwanakomana waAmuzi, mwanakomana waBhani, mwanakomana waShemeri,

⁴⁷mwanakomana waMari, mwanakomana waMushi, mwanakomana waMerari, mwanakomana waRevhi.

⁴⁸Vamwe vavo vaRevhi vakapiwa mamwe mabasa ose omutabhenakeri, imba yaMwari.

⁴⁹Asi Aroni nezvizvarwa zvake ndivo vaiisa zvipiriso paaritari yezvipiriso zvinopiswa uye nepaaritari yezvinonhuhwira maererano nezvose zvaiitwa paNzvimbo Tsvene-tsvene, vachiyananisira Israeri maererano nezvose zvakanga zvarayirwa Mozisi muranda waMwari.

⁵⁰Izvi ndizvo zvizvarwa zvaAroni: Ereazari mwanakomana wake, Finehasi mwanakomana wake, Abhishua mwanakomana wake

⁵¹Bhuki mwanakomana wake, Uzi mwanakomana wake naZerahia mwanakomana wake,

⁵²Merayoti mwanakomana wake, Amaria mwanakomana wake, Ahitubhi mwanakomana wake,

⁵³Zadhoki mwanakomana wake naAhimaazi mwanakomana wake.

⁵⁴Idzi ndidzo dzakanga dziri nzvimbo dzavo dzavakagoverwa dzokugara senyika yavo (dzakapiwa kuzvizvarwa zvaAroni, avo vaibva kuimba yaKohati, nokuti mugove wokutanga wakanga uri wavo).

⁵⁵Vakapiwa Hebhuroni iri muJudha namafuro ose akaipoteredza.

⁵⁶Asi minda nemisha yose yakapoteredza guta iri yakapiwa kuna Karebhu mwanakomana waJefune.

⁵⁷Saka zvizvarwa zvaAroni zvakapiwa Hebhuroni (Guta routiziro) uye Ribhina, Jatiri, Eshitemoa,

⁵⁸Hireni, Dhebhiri,

⁵⁹Ashani, Juta, Bheti Shemeshi pamwe chete namafuro awo.

⁶⁰Uye kubva kurudzi rwaBhenjamini vakapiwa Gibheoni, Gebha Aremeti neAnatoti pamwe chete namafuro awo. Maguta aya, akagoverwa pakati pedzimba dzavaKohati akanga ari gumi namatatu pamwe chete.

⁶¹Zvimwe zvizvarwa zvaKohati zvakagoverwa maguta gumi kubva kudzimba dzorudzi rwehafu rwaManase.

⁶²Zvizvarwa zvaGerishoni mhuri nemhuri zvakagoverwawo maguta gumi namatatu kubva kumarudzi aIsakari, Asheri naNafutari uye nokubva kuchikamu chorudzi rwaManase chiri muBhashani.

⁶³Zvizvarwa zvaMerari, mhuri nemhuri zvakagoverwa maguta gumi namaviri kubva kumarudzi aRubheni, Gadhi naZebhuruni.

⁶⁴Saka vaIsraeri vakapa vaRevhi maguta aya namafuro awo.

⁶⁵Kubva kurudzi rwaJudha, rwaSimeoni norwaBhenjamini vakagoverwa maguta ayo akanga arehwa namazita.

⁶⁶Vamwe vedzimba dzaKohati vakapiwa kuti ive nyika yavo, maguta kubva kurudzi rwaEfuremu.

⁶⁷Munyika yamakomo yaEfuremu vakapiwa Shekemu (guta routiziro) neGezeri,

⁶⁸neJokimeami, neBheti Horoni,

⁶⁹Aijaroni, neGati Rimoni pamwe chete namafuro awo.

⁷⁰Uye kubva kuhafu yorudzi rwaManase vaIsraeri vakapawo Aneri neBhireamu pamwe chete namafuro awo kuvaKohati vakanga vasara.

⁷¹VaGerishoni vakagamuchirawo zvinotevera: Kubva kuimba yehafu yorudzi rwaManase vakagamuchira Gorani muBhashani neAshitarotiwo pamwe chete namafuro awo;

⁷²kubva kurudzi rwaIsakari vakagamuchira Kedheshi neDhabherati,

⁷³Ramoti, neAnemi, pamwe chete namafuro awo;

⁷⁴kubva kurudzi rwaAsheri vakagamuchira Mashari, neAbhidhoni,

⁷⁵Hukoki neRehobhi pamwe chete namafuro awo;

⁷⁶uye kubva kurudzi rwaNafutari vakagamuchira Kedheshi muGarirea, neHamoni neKiriataimi pamwe chete namafuro awo.

⁷⁷VaMerari (vaRevhi vose vakanga vasara) vakagamuchira zvinotevera: Kubva kurudzi rwaZebhuruni vakagamuchira Jokineami, Karita Rimono, neTabhori pamwe chete namafuro awo;

⁷⁸kubva kurudzi rwaRubheni mhiri kworwizi Jorodhani kumabvazuva kweJeriko vakagamuchirwawo Bhezeri murenje, Jaza,

⁷⁹Kedhemoti neMefaati pamwe chete namafuro awo;

⁸⁰uye kubva kurudzi rwaGadhi vakagamuchira Ramoti muGireadhi, Mahanaimi,

⁸¹Heshibhoni neJazeri pamwe chete namafuro awo.