Read Bhaibheri Dzvene MuChiShona Chanhasi 1 Makoronike 8 Bible Online

1 Makoronike 8 - Bhaibheri Dzvene MuChiShona Chanhasi bible

1 Makoronike 8

¹Bhenjamini aiva baba vaBhera dangwe rake, Ashibheri mwanakomana wechipiri, Ahara wechitatu,

²Noha wechina naRafa wechishanu.

³Vanakomana vaBhera vaiva: Adha, Gera, Abhihudhi,

⁴Abhishua, Naamani Ahoa,

⁵Gera, Shefufani naHurami.

⁶Izvi ndizvo zvaiva zvizvarwa zvaEhudhi vakanga vari vakuru vemhuri yeavo vaigara muGebha vakazodzingwa vakaendeswa kuManahati:

⁷Naamani, Ahifa naGera, uyo akavadzinga uya aiva baba vaUza naArihudhi.

⁸Vanakomana vakaberekerwa Shaharaimi muMoabhu mushure mokunge arambana navakadzi vake Hushini naBhaara.

⁹Nomukadzi wake Hodheshi akabereka Johabhi, Zibhia, Mesha Marikami,

¹⁰Jeuzi, Sakia naMirima. Ava ndivo vaiva vanakomana vake, vakuru vemhuri.

¹¹NaHushimi akabereka Abhitubhi naEripaari.

¹²Vanakomana vaEripaari vaiva: Ebheri, Mishamu, Shemedhi (uyo akavaka Ono neRodhi pamwe chete nemisha yakaapoteredza)

¹³naBheria naShema, avo vakanga vari vakuru vemhuri dzaavo vaigara muAijaroni uye vakadzinga vagari veGati.

¹⁴Ahiyo, Shashaki, Jeremoti,

¹⁵Zebhabhia, Aradhi, Edheri,

¹⁶Mikaeri, Ishipa naJoha vaiva vanakomana vaBeria.

¹⁷Zebhadhia, Meshurami, Hiziki, Hebheri,

¹⁸Ishimerai, Iziria naJobhabhi vaiva vanakomana vaEripaari.

¹⁹Jakimi, Zikiri, Zabhidhi,

²⁰Erienai, Ziretai, Erieri,

²¹Adhaya, Bheraya naShimirati vaiva vanakomana vaShimei.

²²Ishipani, Ebheri, Erieri,

²³Abhidhoni, Zikiri, Hanani,

²⁴Hanania, Eramu Anitotiya,

²⁵Ifidheya naPenueri vaiva vanakomana vaShashaki.

²⁶Shamisherai, Sheharia, Ataria,

²⁷Jaareshia, Eria, naZikiri vaiva vanakomana vaJerohamu.

²⁸Vose ava vaiva vakuru vemhuri, vari madzishe sezvazvakanyorwa munhoroondo dzavo. Uye vaigara muJerusarema.

²⁹Jeyeri, baba vaGibheoni vaigara muGibheoni. Zita romukadzi wake rainzi Maaka,

³⁰uye mwanakomana wake wedangwe ainzi Abhidhoni, achiteverwa naZuri, Kishi, Bhaari, Neri, Nadhabhi,

³¹Gedhori, Ahio, Zekeri,

³²uye Mikiroti, uyo aiva baba vaShimea. Ivo vaigarawo pedyo nehama dzavo muJerusarema.

³³Neri aiva baba vaKishi, Kishi aiva baba vaSauro, uye Sauro aiva baba vaJonatani, Mariki-Shua, Abinadhabhi, naEshi-Bhaari.

³⁴Mwanakomana waJonatani ainzi Meribhi-Bhaari uyo aiva baba vaMika.

³⁵Vanakomana vaMika vaiva: Pitoni, Mereki Tarea, naAhazi.

³⁶Ahazi aiva baba vaJehoadha, Jehoadha aiva baba vaAremeti, Azimavheti naZimiri uye Zimiri aiva baba vaMoza.

³⁷Moza aiva baba vaBhinea Rafa aiva mwanakomana wake, Ereasa mwanakomana wake naAzeri mwanakomana wake.

³⁸Azeri aiva navanakomana vatanhatu, uye aya ndiwo mazita avo: Arizakami, Bhokeru, Ishumaeri, Shearia, Obhadhia naHanani. Vose ava vaiva vanakomana vaAzeri.

³⁹Vanakomana vomununʼuna wake Esheki vaiva: Uramu dangwe rake, Jeushi mwanakomana wake wechipiri naErifereti wechitatu.

⁴⁰Vanakomana vaUramu vaiva varwi voumhare vaigona kushandisa uta. Vaiva navanakomana navazukuru vazhinji vaisvika zana namakumi mashanu pamwe chete. Vose ava vaiva zvizvarwa zvaBhenjamini.