Read Bhaibheri Dzvene MuChiShona Chanhasi Ezira 2 Bible Online

Ezira 2 - Bhaibheri Dzvene MuChiShona Chanhasi bible

Ezira 2

¹Zvino ava ndivo vanhu vomudunhu vakadzoka kubva kuutapwa hwavakanga vatapwa, avo vakanga vatapwa naNebhukadhinezari mambo weBhabhironi vakanga vaendeswa kuutapwa kuBhabhironi (vakadzokera kuJerusarema nokuJudha, mumwe nomumwe kuguta rake,

²vakanga vari pamwe chete naZerubhabheri, Jeshua, Nehemia, Seraya, Reeraya, Modhekai, Bhirishani, Misipari, Bhigivhai, Rehumi naBhaana): Uwandu hwavarume pakati pavaIsraeri:

³zvizvarwa zvaParoshi zvaiva zviuru zviviri nezana namakumi manomwe navaviri;

⁴zvaShefatia zvaiva mazana matatu namakumi manomwe navaviri;

⁵zvaAra zvaiva mazana manomwe namakumi manomwe navashanu;

⁶zvaPahati-Moabhu (vorudzi rwaJeshua naJoabhu) zvaiva zviuru zviviri namazana masere negumi navaviri;

⁷zvaEramu zvaiva chiuru chimwe chete namazana maviri namakumi mashanu navana;

⁸zvaZatu zvaiva mazana mapfumbamwe namakumi mana navashanu;

⁹zvaZakai zvaiva mazana manomwe namakumi matanhatu;

¹⁰zvaBhani zvaiva mazana matanhatu namakumi mana navaviri;

¹¹zvaBhebhai zvaiva mazana matanhatu namakumi maviri navatatu;

¹²zvaAzigadhi zvaiva chiuru chimwe chete namazana maviri namakumi maviri navaviri;

¹³zvaAdhonikami zvaiva mazana matanhatu namakumi matanhatu navatanhatu;

¹⁴zvaBhigivhai zvaiva zviuru zviviri namakumi mashanu navatanhatu;

¹⁵zvaAdhini zvaiva mazana mana namakumi mashanu navana;

¹⁶zvaAteri (vorudzi rwaHezekia) zvaiva makumi mapfumbamwe navasere;

¹⁷zvaBhezai zvaiva mazana matatu namakumi maviri navatatu;

¹⁸zvaJora zvaiva zana negumi navaviri;

¹⁹zvaHashumi zvaiva mazana maviri namakumi maviri navatatu;

²⁰zvaGibhari zvaiva makumi mapfumbamwe navashanu;

²¹varume veBheterehema vaiva zana namakumi maviri navashanu;

²²veNetofa vaiva makumi mashanu navatanhatu;

²³veAnatoti vaiva zana namakumi maviri navasere;

²⁴veAzimavheti vaiva makumi mana navaviri;

²⁵veKiriati Jearimi, Kefira, neBheroti vaiva mazana manomwe namakumi mana navatatu;

²⁶veRama neGebha vaiva mazana matanhatu namakumi maviri nomumwe chete;

²⁷veMikimashi vaiva zana namakumi maviri navaviri;

²⁸veBheteri neAi vaiva mazana maviri namakumi maviri navatatu;

²⁹veNebho vaiva makumi mashanu navaviri;

³⁰veMagibhishi vaiva zana namakumi mashanu navatanhatu;

³¹veEramu yechipiri vaiva chiuru chimwe chete namazana maviri namakumi mashanu navana;

³²veHarimi vaiva mazana matatu namakumi maviri;

³³veRodhi neHadhidhi neOno vaiva mazana manomwe namakumi maviri navashanu;

³⁴veJeriko vaiva mazana matatu namakumi mana navashanu;

³⁵veSena, vaiva zviuru zvitatu namazana matanhatu namakumi matatu.

³⁶Vaprista: zvizvarwa zvaJedhaya (veimba yaJeshua) vaiva mazana mapfumbamwe namakumi manomwe navatatu;

³⁷zvaImari zvaiva chiuru chimwe chete namakumi mashanu navaviri;

³⁸zvaPashuri zvaiva chiuru chimwe chete namazana maviri namakumi mana navanomwe;

³⁹zvaHarimu zvaiva chiuru chimwe chete negumi navanomwe.

⁴⁰VaRevhi: zvizvarwa zvaJeshua navaKadhimieri (vorudzi rwaHodhavhia) zvaiva makumi manomwe navana.

⁴¹Vaimbi: zvizvarwa zvaAsafi zvaiva zana namakumi maviri navasere.

⁴²Varindi vapasuo reTemberi: zvizvarwa zvaSharumi, zvaAteri zvaTarimoni zvaAkubhi, nezvaHatita nezvaShobhai zvaiva zana namakumi matatu navapfumbamwe.

⁴³Vashandi vomutemberi:

⁴⁴zvizvarwa zvaZiha, zvaHasupa, zvaTabhaoti, zvaKerosi, zvaSiaha, zvaPadhoni,

⁴⁵zvaRebhana, zvaHagabha, zvaAkubhi,

⁴⁶zvaHagabhi, zvaSharimai, zvaHanani,

⁴⁷zvaGidheri, zvaGahari, zvaReaya,

⁴⁸zvaRezini, zvaNekodha, zvaGazami,

⁴⁹zvaUza, zvaPasea, zvaBhesai,

⁵⁰zvaAsina, zvaMeumini, zvaNefusimi,

⁵¹zvaBhakubhiki, zvaHakufa, zvaHarihuri,

⁵²zvaBhaziruti, zvaMehidha, zvaHarisha,

⁵³zvaBharikosi, zvaSisera, zvaTema,

⁵⁴zvaNezia uye nezvaHatifa.

⁵⁵Zvizvarwa zvavaranda vaSoromoni: zvizvarwa zvaSotai, zvaHasofereti zvaPerudha,

⁵⁶zvaJaara, zvaDharikoni, zvaGidheri,

⁵⁷zvaShefatia, zvaHatiri, zvaPokereti-Hazebhaimi uye nezvaAmi.

⁵⁸Varanda vaishanda mutemberi nezvizvarwa zvavaranda vaSoromoni vaiva mazana matatu namakumi mapfumbamwe navaviri.

⁵⁹Ava ndivo vakauya vachibva kumaguta eTeri Mera, Teri Harisha, Kerubhi, Adhoni neImeri, asi vakanga vasingagoni kuratidza dzimba dzamadzibaba avo kwavakanga vakaberekerwa muIsraeri:

⁶⁰Zvizvarwa zvaDheraya, zvaTobhia nezvaNekodha zvaiva mazana matanhatu namakumi mashanu navaviri.

⁶¹Uye kubva pakati pavaprista: zvizvarwa zvaHobhaya, zvaHakozi uye nezvizvarwa zvaBhazirai (murume akanga awana mwanasikana waBhazirai muGireadhi uye akazotumidzwa zita iroro).

⁶²Ava vakatsvaka nhoroondo yamazita emhuri yavo, asi havana kuiwana, nokudaro vakanzi vakasvibiswa vakabviswa pauprista.

⁶³Mubati akavaudza kuti varege kudya chipi zvacho chezvokudya zvitsvene kwazvo kusvikira kwazova nomuprista anoshumira neUrimi neTumimi.

⁶⁴Ungano yose pamwe chete yaisvika zviuru makumi mana nezviviri namazana matatu namakumi matanhatu,

⁶⁵tisingasanganisiri varanda vavo navarandakadzi vavo vakanga vari zviuru zvinomwe namazana matatu namakumi matatu navanomwe: uye vakanga vane varume navakadzi mazana maviri vakanga vari vaimbi.

⁶⁶Vakanga vane mabhiza mazana manomwe namakumi matatu namatanhatu, manyurusi mazana maviri namakumi mana namashanu,

⁶⁷ngamera mazana mana namakumi matatu namashanu uye nembongoro zviuru zvitanhatu namazana manomwe namakumi maviri.

⁶⁸Pavakasvika paimba yaJehovha muJerusarema, vamwe vakuru vedzimba vakasarudza kupa nokuzvisarudzira kuti imba yaJehovha ivakwezve panzvimbo yayo.

⁶⁹Maererano napavaigona napo vakapa kuhomwe yemari yebasa iri, madhirakema zviuru makumi matanhatu nechimwe[1] egoridhe, nemamina zviuru zvishanu[2] esirivha uye nenguo dzavaprista zana.

⁷⁰Vaprista, vaRevhi, vaimbi, varindi vemikova uye navashandi vomutemberi vakagara mumaguta avo, pamwe chete navamwe vavanhu, uye vamwe vaIsraeri vose vakagara mumaguta avowo.