Read Bhaibheri Dzvene MuChiShona Chanhasi Nehemia 10 Bible Online

Nehemia 10 - Bhaibheri Dzvene MuChiShona Chanhasi bible

Nehemia 10

¹Zvino avo vakaisa chisimbiso ndeava: Nehemia mubati, mwanakomana waHakaria, Zedhekia,

²Seraya, Azaria, Jeremia,

³Pashuri, Amaria, Marikia,

⁴Hakushi, Shebhania, Maruki,

⁵Harimu, Meremoti, Obhadhia,

⁶Dhanieri, Ginetoni, Bharuki,

⁷Meshurami, Abhija, Mijamini,

⁸Maazia, Bharigai naShemaya. Ava ndivo vaiva vaprista.

⁹VaRevhi vaiti: Jeshua mwanakomana waAzania, Bhinui wokuvanakomana vaHenadhadhi, Kadhimieri,

¹⁰nehama dzavo: Shebhania, Hodhia, Kerita, Peraya, Hanani,

¹¹Mika, Rehobhi, Hashabhia,

¹²Zakuri, naSherebhia, Shebhania,

¹³Hodhia, Bhani naBheninu.

¹⁴Vatungamiri vavanhu vaiva ava: Paroshi, Pahati-Moabhu, Eramu, Zatu, Bhani,

¹⁵Bhuni, Azigadhi, Bhebhai,

¹⁶Adhoniya, Bhigivhai, Hadhini,

¹⁷Ateri, Hezekia, Azuri,

¹⁸Hodhia, Hashumi, Bhezai,

¹⁹Harifi, Anatoti, Nebhai,

²⁰Magipiashi, Meshurami, Heziri,

²¹Meshezabheri, Zadhoki, Jadhua,

²²Peratia, Hanani, Anaya

²³Hoshea, Hanania, Hashubhi,

²⁴Harosheshi, Piriha, Shobheki,

²⁵Rehumi, Hashabhina, Maaseya,

²⁶Ahia, Hanani, Anani,

²⁷Maruki, Harimi naBhaana.

²⁸“Uye vamwe vanhu vose, vaiti vaprista, vaRevhi, vachengeti vemikova, vaimbi, vashandi vomutemberi, navose vakazvitsaura kubva kuvanhu vakavakidzana navo, nokuda kwomurayiro waMwari, pamwe chete navakadzi vavo, navanakomana vavo vose navanasikana vavo vose vaigona kunzwisisa.

²⁹Zvino ava vose vakabatana pamwe chete nehama dzavo ivo vakuru, uye vakazvisunga nechituko nemhiko kuti vatevere Murayiro waMwari wakapiwa kubudikidza naMozisi muranda waMwari uye kuti vachenjerere kuteerera zvose zvakarayirwa, nezvakatemwa uye nemitemo yaJehovha Ishe wedu.

³⁰“Tinovimbisa kuti hatizopa vanasikana vedu kuti vawanikwe navanhu vakatipoteredza kana kutorera vanakomana vedu vanasikana vavo.

³¹“Kana vanhu vatakavakidzana navo vakauya nezvokutengesa kana zviyo kuzotitengesera neSabata, hatizovatengeri nomusi weSabata kana pazuva ripi zvaro dzvene. Pagore rechinomwe roga roga ticharegedza kushanda muminda uye tichadzima zvikwereti zvose.

³²“Tinozvipira kuita zvakarayirwa kuti tipe chikamu chimwe chete kubva muzvitatu cheshekeri[7] gore negore kushumiro yeimba yaMwari wedu:

³³kuchingwa chakaiswa patafura, kuzvipiriso zvenguva nenguva zvezviyo, nezvipiriso zvinopiswa nomoto, kuzvipiriso zvinopiwa pamaSabata nokumitambo yoKugara kwoMwedzi uye nokumitambo yakatarwa, kuzvipiriso zvitsvene; kuzvipiriso zvechivi zvokuyananisira Israeri, nokumabasa ose omuimba yaMwari.

³⁴“Isu vaprista, navaRevhi uye navanhu, takanda mijenya kuti tione kuti mhuri imwe neimwe yedu inouya rini kuimba yaJehovha Mwari wedu, nechipo chehuni dzinopiswa paaritari yaJehovha Mwari wedu, panguva yakatarwa, gore negore, sezvazvakanyorwa mumurayiro.

³⁵“Tazvipirazve pabasa rokuuya kuimba yaJehovha nezvibereko zvokutanga zvezviyo nezvemiti yemichero yose gore negore.

³⁶“Tichauya namatangwe avanakomana vedu neemombe dzedu, neezvipfuwo zvedu neemakwai edu kuimba yaMwari wedu, nokuvaprista vanoshumira imomo, sezvazvakanyorwa muMurayiro.

³⁷“Pamusoro pezvo, tichauyisa kumatura eimba yaMwari wedu, nokuvaprista, zvibereko zvokutanga zvevhu, zvipiriso zvedu zvezviyo, nezvemiti yose yemichero nezvewaini yedu itsva uye namafuta. Uye tichauyisa chegumi chezviyo zvedu kuvaRevhi, nokuti vaRevhi ndivo vanounganidza zvegumi mumaguta ose atinoshanda.

³⁸Muprista worudzi rwaAroni anofanira kuenda navaRevhi pavanogamuchira zvegumi, uye vaRevhi vanofanira kuuya nechegumi chezvegumi kuimba yaMwari wedu, kumatura eimba yepfuma.

³⁹Vanhu vaIsraeri pamwe chete navaRevhi, vanofanira kuuya nezvipo zvavo zvezviyo, newaini itsva uye namafuta kumatura kunochengeterwa midziyo yose yenzvimbo tsvene, uye kunogara vaprista vanoshumira, navarindi vemikova navaimbi. “Hatizoshayiri hanya imba yaMwari wedu.”