Read Bhaibheri Dzvene MuChiShona Chanhasi Nehemia 7 Bible Online

Nehemia 7 - Bhaibheri Dzvene MuChiShona Chanhasi bible

Nehemia 7

¹Mushure mokunge rusvingo rwavakwa uye ndaisa makonhi panzvimbo dzawo, varindi vemikova, vaimbi navaRevhi vakagadzwa.

²Ndakagadza Hanani hama yangu kuti ave mutariri weJerusarema naHanania kuti ave mukuru wepanhare, nokuti aiva munhu anokudzwa uye aitya Mwari kupinda zvingaitwa noruzhinji rwavanhu.

³Ndakati kwavari, “Masuo eJerusarema asazarurwa kusvikira zuva rava kupisa. Panguva iyo vachengeti vamasuo vanenge vachiri pabasa, vaitei kuti vapfige makonhi vaise mazariro. Uyezve mugadze vagari vomuJerusarema savarindi; vamwe panzvimbo dzavo dzokurinda, vamwe pedyo nedzimba dzavo.”

⁴Zvino guta rakanga rakakura uye rakapamhama asi maingova navanhu vashoma mariri, uye dzimba dzakanga dzisati dzavakwazve.

⁵Saka Mwari akaisa mumwoyo mangu kuti ndiunganidze vakuru navabati uye navamwe vanhu vose kuti vanyoreswe nemhuri dzavo. Ndakawana zvinyorwa zvemhuri dzaavo vakava vokutanga kudzokera. Izvi ndizvo zvandakawana zvakanyorwamo:

⁶Ava ndivo vanhu vedunhu vakabudiswa pautapwa vakatapwa naNebhukadhinezari mambo weBhabhironi (vakadzokera kuJerusarema nokuJudha, mumwe nomumwe kuguta rake,

⁷vari pamwe chete naZerubhabheri, Jeshua, Nehemia, Azaria, naRaamia, Nahamani, Modhekai, Bhirishani, Misipereti, Bhigivhai, Nehumi naBhaana): Mazita avarume veIsraeri:

⁸Zvizvarwa zvaParoshi, zviuru zviviri nezana namakumi manomwe navaviri;

⁹zvaShefatia, mazana matatu namakumi manomwe navaviri;

¹⁰zvaAra, mazana matanhatu namakumi mashanu navaviri;

¹¹zvaPahati-Moabhu (kubudikidza nokuna Jeshua naJoabhu), zviuru zviviri, namazana masere ane gumi navasere;

¹²zvaEramu, chiuru chimwe, china mazana maviri namakumi mashanu navana;

¹³zvaZatu, mazana masere namakumi mana navashanu;

¹⁴zvaZakai, mazana manomwe namakumi matanhatu;

¹⁵zvaBhinui, mazana matanhatu namakumi mana navasere;

¹⁶zvaBhebhai, mazana matanhatu namakumi maviri navasere;

¹⁷zvaAzigadhi, zviuru zviviri mazana matatu namakumi maviri navaviri;

¹⁸zvaAdhonikami, mazana matanhatu namakumi matanhatu navanomwe;

¹⁹zvaBhigivhai, zviuru zviviri zvina makumi matanhatu navanomwe;

²⁰zvaAdhini, mazana matanhatu namakumi mashanu navashanu;

²¹zvaAteri (kubudikidza naHezekia), makumi mapfumbamwe navasere;

²²zvaHashumi, mazana matatu namakumi maviri navasere;

²³zvaBhezai, mazana matatu namakumi maviri navana;

²⁴zvaHarifi, zana negumi navaviri;

²⁵zvaGibheoni, makumi mapfumbamwe navashanu.

²⁶Varume veBheterehema neNetofa, zana namakumi masere navasere;

²⁷vokuAnatoti, zana namakumi maviri navasere;

²⁸vokuBheti Azimavheti, makumi mana navaviri;

²⁹vokuKiriati Jearimi, Kefira neBheeroti, mazana manomwe namakumi mana navatatu;

³⁰vokuRama neGebha, mazana matanhatu namakumi maviri nomumwe chete;

³¹vokuMikimashi, zana namakumi maviri navaviri;

³²vokuBheteri neAi, zana namakumi maviri navatatu;

³³vokune rimwe Nebho; makumi mashanu navaviri;

³⁴vokune rimwe Eramu, chiuru mazana maviri namakumi mashanu navana;

³⁵vokuHarimu, mazana matatu ana makumi maviri;

³⁶vokuJeriko, mazana matatu namakumi mana navashanu;

³⁷vokuRodhi, Hadhidhi neOno, mazana manomwe namakumi maviri nomumwe chete;

³⁸vokuSenaa, zviuru zvitatu mazana mapfumbamwe namakumi matatu.

³⁹Vaprista: zvizvarwa zvaJedhaya (kubudikidza nokumhuri yaJeshua), mazana mapfumbamwe namakumi manomwe navatatu;

⁴⁰zvaImeri, chiuru chimwe chete namakumi mashanu navaviri;

⁴¹zvaPashuri, chiuru chimwe chete namazana maviri namakumi mana navanomwe;

⁴²zvaHarimu, chiuru chimwe chine gumi navanomwe.

⁴³VaRevhi: zvizvarwa zvaJeshua (kubudikidza naKadhimieri nokumhuri yaHodhavhia), vaiva makumi manomwe navana.

⁴⁴Vaimbi: zvizvarwa zvaAsafi, zana namakumi mana navasere.

⁴⁵Varindi vamasuo: zvizvarwa zvaSherumi, Ateri, Tarimoni, Akubhi, Hatita, naShobhai, zana namakumi matatu navasere.

⁴⁶Vashandi vomutemberi: zvizvarwa zvaZiha, Hasufa, Tabhoati,

⁴⁷Kerosi, Sia, Padhoni,

⁴⁸Rebhana, Hagabha, Sharimai,

⁴⁹Hanani, Gidheri, Gehari,

⁵⁰Reaya, Rezini, Nekodha,

⁵¹Gazamu, Uza, Pesea,

⁵²Bhesai, Meunimi, Nefusimu,

⁵³Bhakuki, Hakufa, Harihuri,

⁵⁴Bhazuruti, Mehidha, Harisha,

⁵⁵Bharikosi, Sisera, Tema,

⁵⁶Nezia, naHatifa.

⁵⁷Zvizvarwa zvavaranda vaSoromoni: zvizvarwa zva: Sotai, Sofereti, Peridha,

⁵⁸Jaara, Dharikoni, Gidheri,

⁵⁹Shefatia, Hatiri, Pokereti-Hazebhaimu naAmoni.

⁶⁰Vashandi vomutemberi nezvizvarwa zvavaranda vaSoromoni, mazana matatu namakumi mapfumbamwe navaviri.

⁶¹Ava vanotevera vaibva kumaguta okuTeri Mera, Teri Harisha Kerubhi, Adhoni neImeri, asi vakanga vasingagoni kuratidza kuti zvizvarwa zvavo zvaibva mumhuri yaIsraeri:

⁶²zvizvarwa zvaDheraya, zvaTobhia nezvaNekodha zvaiva mazana matanhatu namakumi mana navaviri.

⁶³Uye vaibva pakati pavaprista: zvizvarwa zvaHobhaya, Hakozi naBharizirai (murume akanga awana mwanasikana waBharizirai muGireadhi uye aidaidzwa nezita iroro).

⁶⁴Ava vakatsvaka zvinyorwa zvemhuri dzavo, asi vakazvishaya nokudaro vakabviswa kubva kuvaprista, savasina kuchena.

⁶⁵Naizvozvo mubati akavarayira kuti vasadya zvokudya zvipi zvazvo zvakanatswa kusvikira kwava nomuprista anoshumira neUrimi neTumimi.

⁶⁶Ungano yose yaiva navanhu zviuru makumi mana navaviri ane mazana matatu namakumi matanhatu,

⁶⁷pasina varanda vavo navarandakadzi vavo vaisvika zviuru zvinomwe namazana matatu ana makumi matatu navanomwe; uye vaivazve navarume navakadzi vaiva vaimbi vaisvika mazana maviri namakumi mana navashanu.

⁶⁸Paiva namazana manomwe namakumi matatu namatanhatu amabhiza, uye manyurusi mazana maviri namakumi mana nemashanu,

⁶⁹mazana mana namakumi matatu namashanu engamera uye zviuru zvitanhatu zvina mazana manomwe namakumi maviri zvembongoro.

⁷⁰Vamwe vakuru vemhuri vakabatsira pabasa. Mubati akaisa madhirakema egoridhe chiuru[3] muchivigiro chepfuma nemidziyo makumi mashanu nenhumbi dzavaprista mazana mashanu namakumi matatu.

⁷¹Vamwe vakuru vemhuri vakaisa muchivigiro chepfuma zviuru makumi maviri zvamadhirakema[4] egoridhe kuitira basa, mamina esirivha zviuru zviviri namazana maviri[5].

⁷²Uwandu hwezvakapiwa navanhu vose vose hwaiva zviuru makumi maviri zvamadhirakema egoridhe, nezviuru zviviri zvamamina[6] esirivha, uye nenhumbi dzavaprista dzinosvika makumi matanhatu nenomwe.

⁷³Vaprista, vaRevhi, varindi vemikova, vaimbi navabati vomutemberi, pamwe chete navamwe pakati poruzhinji rwavaIsraeri, vakandogara mumaguta avo.