Read Bhaibheri Dzvene MuChiShona Chanhasi Mapisarema 136 Bible Online

Mapisarema 136 - Bhaibheri Dzvene MuChiShona Chanhasi bible

Mapisarema 136

¹Vongai Jehovha, nokuti akanaka: Nokuti rudo rwake runogara nokusingaperi.

²Vongai Mwari wavamwari: Nokuti rudo rwake runogara nokusingaperi.

³Vongai Ishe wamadzishe: Nokuti rudo rwake runogara nokusingaperi.

⁴iye oga anoita zvishamiso zvikuru, Nokuti rudo rwake runogara nokusingaperi.

⁵iye akaita matenga nokunzwisisa kwake, Nokuti rudo rwake runogara nokusingaperi.

⁶iye akatambanudza nyika pamusoro pemvura zhinji, Nokuti rudo rwake runogara nokusingaperi.

⁷iye akaita zviedza zvikuru, Nokuti rudo rwake runogara nokusingaperi.

⁸zuva kuti ribate ushe masikati, Nokuti rudo rwake runogara nokusingaperi.

⁹mwedzi nenyeredzi kuti zvibate ushe usiku; Nokuti rudo rwake runogara nokusingaperi.

¹⁰iye akarova matangwe eIjipiti, Nokuti rudo rwake runogara nokusingaperi.

¹¹uye akabudisa Israeri kubva pakati pavo, Nokuti rudo rwake runogara nokusingaperi.

¹²noruoko rune simba uye noruoko rwakatambanudzwa, Nokuti rudo rwake runogara nokusingaperi.

¹³iye akaparadzanisa Gungwa Dzvuku napakati, Nokuti rudo rwake runogara nokusingaperi.

¹⁴uye akayambutsa Israeri napakati paro, Nokuti rudo rwake runogara nokusingaperi.

¹⁵asi akakukura Faro nehondo yake muGungwa Dzvuku; Nokuti rudo rwake runogara nokusingaperi.

¹⁶iye akatungamirira vanhu vake nomugwenga, Nokuti rudo rwake runogara nokusingaperi.

¹⁷akarova madzimambo makuru, Nokuti rudo rwake runogara nokusingaperi.

¹⁸uye akauraya madzimambo ane simba, Nokuti rudo rwake runogara nokusingaperi.

¹⁹Sihoni mambo wavaAmori, Nokuti rudo rwake runogara nokusingaperi.

²⁰naOgi mambo weBhashani, Nokuti rudo rwake runogara nokusingaperi.

²¹akavapa nyika yavo senhaka, Nokuti rudo rwake runogara nokusingaperi.

²²nhaka kumuranda wake Israeri. Nokuti rudo rwake runogara nokusingaperi.

²³Iye akatirangarira pakudzikisirwa kwedu, Nokuti rudo rwake runogara nokusingaperi.

²⁴uye akatisunungura kubva pavavengi vedu, Nokuti rudo rwake runogara nokusingaperi.

²⁵uye anopa zvokudya kuzvisikwa zvose. Nokuti rudo rwake runogara nokusingaperi.

²⁶Vongai Mwari wokudenga, Nokuti rudo rwake runogara nokusingaperi.