Read Bhaibheri Dzvene MuChiShona Chanhasi Mapisarema 26 Bible Online

Mapisarema 26 - Bhaibheri Dzvene MuChiShona Chanhasi bible

Mapisarema 26

¹Pisarema raDhavhidhi. Nditongerei, imi Jehovha, nokuti ndakararama upenyu husina chahungapomerwa; ndakavimba naJehovha ndisingazungunuki.

²Ndiedzei, imi Jehovha, ndinzverei, nzverai mwoyo wangu nendangariro dzangu;

³nokuti rudo rwenyu rwuri pamberi pangu nguva dzose, uye ndinogara ndichifamba muzvokwadi yenyu.

⁴Handigari navanhu vanonyengera, kana kufambidzana navanyengeri;

⁵ndinovenga ungano yavaiti vezvakaipa, uye ndinoramba kugara navakaipa.

⁶Ndinoshamba maoko angu ndisina mhaka, uye ndinofamba-famba paaritari yenyu, imi Jehovha,

⁷ndichiparidza rumbidzo yenyu nenzwi guru, uye ndichireva zvamabasa enyu ose anoshamisa.

⁸Ndinoda imba yamunogara, imi Jehovha, nzvimbo inogara kubwinya kwenyu.

⁹Regai kubatanidza mweya wangu navatadzi, noupenyu hwangu navanoteura ropa,

¹⁰vana maoko akabata zvakaipa, vazere nefufuro mumaoko avo orudyi.

¹¹Asi ini ndinogara upenyu husina chahungapomerwa; ndidzikinurei uye mundinzwire ngoni.

¹²Tsoka dzangu dzimire pakati chechetere; ndicharumbidza Jehovha paungano huru.