Read Bhaibheri Dzvene MuChiShona Chanhasi Joshua 15 Bible Online

Joshua 15 - Bhaibheri Dzvene MuChiShona Chanhasi bible

Joshua 15

¹Nzvimbo yakapiwa rudzi rwaJudha, mhuri nemhuri, yaisvika kunyika yeEdhomu kuGwenga reZini zasi kumagumo chaiko.

²Muganhu wavo wezasi waitangira pamuganhu weGungwa roMunyu,

³uchiyambukira zasi kwoMupata weChinyavada uchipfuurira kuenda kuZini uchizopfuurira kuenda nechezasi kweKadheshi Bharinea. Ipapo waienda uchipfuura nepaHezironi kusvika kuAdhari uchikombamira kuKarika.

⁴Ipapo waipfuurira kuAzimoni uchindobatana neRwizi rweIjipiti wogumira kugungwa. Uyu ndiwo muganhu wavo wezasi.

⁵Muganhu wokumabvazuva ndiwo Gungwa roMunyu kusvikira kumuromo werwizi rweJorodhani. Muganhu wokumusoro waitangira kugungwa pamuromo weJorodhani,

⁶uchienda kuBheti Hogira, ndokupfuurira nokumusoro kweBheti Arabha kusvika kubwe raBhohani mwanakomana waRubheni.

⁷Ipapo muganhu waizokwira kuDhebhiri uchibva paMupata weAkori uye uchidzokera nechokumusoro wakananga kuGirigari, pakatarisana noMupata weAdhumimi nechezasi kwomupata. Waipfuurira napamvura yeEni Shemeshi ndokuzobudira kuEri Rogeri.

⁸Ipapo waikwira napamupata waBheni waHinomi wakanga uri zasi kwamateru eguta ravaJebhusi (rinova Jerusarema). Kubva ipapo waikwira kumusoro kwechikomo kumavirira kwomupata waHinomi nechokumusoro kwamagumo oMupata weRefaimi.

⁹Kubva pamusoro pechikomo, muganhu wainanga kuchitubu chemvura zhinji yeNefutoa, uchibudira kumaguta eGomo reEfuroni ndokuzoburuka wakananga Bhaara iro Kiriati.

¹⁰Ipapo waikombamira kumavirira uchibva paBhaara kusvika paGomo reSeiri uchienda nokumawere eGomo reJearimi (iro Kesaroni), ndokupfuurira pasi kuBheti Shemeshi uchizoyambukira kuTimina.

¹¹Waiendawo nokumawere echokumusoro kweEkironi, uchidzoka wakananga kuShikeroni, uchipfuura nokuGomo reBhaara uchisvika kuJabhuneeri. Muganhu waindogumira kugungwa.

¹²Muganhu wokumavirira ndiwo mahombekombe eGungwa Guru. Iyi ndiyo miganhu yakapoteredza Judha zvichienderana nedzimba dzavo.

¹³Joshua akapa Karebhu mwanakomana weJefune mugove pakati pavana vaJudha sezvaakarayirwa naJehovha, akamupa Kiriati Abha, iro Hebhuroni. (Abha akanga ari tateguru waAnaki.)

¹⁴Karebhu akadzinga vanakomana vatatu vaAnaki vaiti Sheshai, Ahimani naTarimani zvizvarwa zvaAnaki kubva paHebhuroni.

¹⁵Kubva ipapo akandorwa navanhu vaigara kuDhebhiri (yaimbonzi Kiriati Seferi).

¹⁶Karebhu akati, “Munhu anorwa neKenati Seferi akarikunda ndichamupa mukunda wangu, Akisa ave mukadzi wake.”

¹⁷Otinieri mwanakomana waKenazi, mununʼuna waKarebhu akarikunda; saka Karebhu akamupa mwanasikana wake Akisa akava mukadzi wake.

¹⁸Akisa akati achisvika kuna Otinieri nerimwe zuva, akamukurudzira kuti akumbire munda kubva kuna baba vake. Paakaburuka pambongoro yake Karebhu akati kwaari, “Ndingakuitireiko?”

¹⁹Iye akati, “Ndiitirei nyasha. Zvamakandipa nyika yeNegevhi, ndipeiwo zvakare matsime emvura.” Naizvozvo Karebhu akamupa matsime okumusoro neezasi.

²⁰Iyi ndiyo nhaka yorudzi rwaJudha, mhuri nemhuri:

²¹Maguta ezasi zasi erudzi rwaJudha kuNegevhi kwakanangana nomuganhu weEdhomu aiva: Kabhizeeri, Edheri, Jaguri,

²²Kina, Dhimona, Adhadha,

²³Kedheshi, Hazori, Itinani,

²⁴Zifi, Teremi, Bhearoti,

²⁵Hazori Hadhata, Kerioti Hezironi (iro Hazori),

²⁶Amami, Shema, Moradha,

²⁷Hazari Gadha, Heshimoni, Bheti Pereti,

²⁸Hazari Shuari, Bheerishebha, Bhiziotia,

²⁹Bhaara, Riyimi, Ezemi,

³⁰Eritoradhi, Kesiri, Hurima,

³¹Zikiragi, Madhimana, Sanisana,

³²Rebhaoti, Shirimi, Aini, Rimoni, maguta anokwana makumi maviri namapfumbamwe pamwe chete nemisha yawo.

³³Mujinga mamakomo okumavirira maiva ne: Eshitaori, Zora neAshina,

³⁴Zanoa, Eni Ganimi, Tapuwa, Enami,

³⁵Jarimuti, Adhuramu, Soko, Azeka,

³⁶Shaaraimi, Adhitaimi, neGedhera (kana kuti Gedherotaimi) anova maguta gumi namana pamwe chete nemisha yawo.

³⁷Zenani, Hadhasha, Migidhari Gadhi,

³⁸Dhireani, Mizipa, Jokiteeri,

³⁹Rakishi, Bhozikati, Egironi,

⁴⁰Kabhoni, Ramasi, Kitireishi,

⁴¹Gedheroti, Bheti Dhagoni, Naama, neMakedha anova maguta gumi namatanhatu pamwe chete nemisha yawo.

⁴²Ribhina, Eteri, Ashani,

⁴³Ifita, Ashina, Nezibhi,

⁴⁴Keira, Akizibhi, Maresha anova maguta mapfumbamwe pamwe chete nemisha yawo.

⁴⁵Ekironi, nenzvimbo dzakaripoteredza nemisha yaro;

⁴⁶uye nokumavirira kweKironi namaguta ose akanga ari pedyo neAshidhodhi pamwe chete nemisha yawo;

⁴⁷Ashidhodhi nemisha yaro yakaripoteredza neGaza nemisha yaro kusvikira kurukova rweIjipiti namahombekombe eGungwa Guru.

⁴⁸Munyika yamakomo maiva ne: Shamiri, Jatiri, Soko,

⁴⁹Dhana, Kiriati Sana (iro Dhebhiri),

⁵⁰Anabhi, Ashitemo, Animi,

⁵¹Gosheni, Horoni, neGiro anova maguta gumi nerimwe pamwe chete nemisha yawo.

⁵²Arabha, Dhuma, Eshani,

⁵³Janimi, Bheti Tapua, Afeka.

⁵⁴Humuta, Kiriati Abha, (iro Hebhuroni) neZiori ndiwo maguta mapfumbamwe pamwe chete nemisha yawo.

⁵⁵Maoni, Kameri, Zifi, Juta,

⁵⁶Jezirieri, Jokidheami, Zanoa,

⁵⁷Kaini, Gibhea, neTimuna, ndiwo maguta gumi nemisha yawo.

⁵⁸Hariuri, Bheti Zuri, Gedhori,

⁵⁹Maarati, Bheti Anoti, neEritekoni ndiwo maguta matanhatu pamwe chete nemisha yawo.

⁶⁰Kiriati Bhaari (iro Kiriati Jearimi) neRabha ndiwo maguta maviri nemisha yawo.

⁶¹Murenje maiva ne: Bheti Arabha, Midhini, Sekaka,

⁶²Nibhishani, Guta roMunyu, neEni Gedhi ndiwo maguta matanhatu pamwe chete nemisha yawo.

⁶³Judha haana kukwanisa kudzinga vaJebhusi vakanga vachigara muJerusarema; nanhasi vaJebhusi vageremo navanhu veJudha.