Read Bhaibheri Dzvene MuChiShona Chanhasi Joshua 19 Bible Online

Joshua 19 - Bhaibheri Dzvene MuChiShona Chanhasi bible

Joshua 19

¹Mugove wechipiri wakapiwa kuna Simeoni, mhuri nemhuri. Nhaka yavo yakanga iri pakati penyika yavaJudha.

²Nhaka yavo yaisanganisira: Bheerishebha (kana kuti Shebha), Moradha,

³Hazari Shuari, Bhara, Ezemi,

⁴Eritoradhi, Bheturi, Homa,

⁵Zikiragi, Bheti Makabhoti, Hazari Susa,

⁶Bheti Rebhaoti neShareheni, maguta gumi namatatu nemisha yawo;

⁷Aini, Rimoni, Eteri neAshani, maguta mana nemisha yawo,

⁸nemisha yose yakanga yakapoteredza maguta ose aya kusvikira kuBhaarati Bheeri (Rama muNegevhi). Iyi ndiyo yakanga iri nhaka yorudzi rwavaSimeoni, mhuri nemhuri.

⁹Nhaka yavaSimeoni yakanga yatorwa pamugove waJudha, nokuti mugove waJudha wakanga wakakura kupfuura zvavaida. Saka vaSimeoni vakapiwa nhaka mukati menyika yaJudha.

¹⁰Mugove wechitatu wakapiwa kuna Zebhuruni, mhuri nemhuri: Muganhu wenyika yavo waisvika kuSaridhi.

¹¹Wainanga kumavirira uchisvika kuMarara, ndokundobata Dhabhesheti, uye waitandavara kusvika kurukova rwuri pedyo neJokineami.

¹²Wakanga uchidzokera kumabvazuva uchibva kuSaridhi wakananga kumabvazuva uchienda kunyika yeKisiroti Tabhori ndokupfuurira kuDhabherati uchindokwidza kuJafia.

¹³Ipapo wakaramba wakananga kumabvazuva uchienda kuGati Hefa neEti Kazini; uchindobudira paRimoni ndokudzoka wakananga kuNea.

¹⁴Ipapo muganhu wakapoterera nechokumusoro uchienda kuHanatoni ndokugumira paMupata weIfita Eri.

¹⁵Waisanganisirawo Katati, Naharari, Shimironi, Idhara neBheterehema. Pakanga pane maguta gumi namaviri nemisha yawo.

¹⁶Maguta aya nemisha yawo ndiwo akanga ari nhaka yaZebhuruni, mhuri nemhuri.

¹⁷Mugove wechina wakapiwa Isakari, mhuri nemhuri.

¹⁸Nyika yavo yaisanganisira: Jezireeri, Kesuroti, Shunami,

¹⁹Hafaraimi, Shioni, Anaharati,

²⁰Rabhiti, Kishioni, Ebhezi,

²¹Remeti, Eni Ganimi, Eni Hadha, Bheti Pazezi.

²²Muganhu waindobatawo Tabhori, Shahazuma, neBheti Shameshi ndokuguma paJorodhani. Paiva namaguta gumi namatanhatu nemisha yawo.

²³Maguta aya nemisha yawo akanga ari nhaka yorudzi rwaIsakari, mhuri nemhuri.

²⁴Mugove wechishanu wakapiwa rudzi rwavana vaAsheri, mhuri nemhuri.

²⁵Nyika yavo yaisanganisira: Herikati, Hari, Bheteni, Akishafi,

²⁶Aramereki, Amadhi, neMishari. Nechokumavirira, muganhu waibata Karimeri neShihori Ribhinati.

²⁷Ipapo waidzokera kumabvazuva wakananga kumusoro kuBheti Dhagoni, ugobata Zebhuruni noMupata weIfita Eri, uye ugonanga kumusoro kuBheti Emeki nokuNeyeri, uchipfuura Kabhuri iri nechokuruboshwe.

²⁸Wakananga kuAdhudhoni, Rehobhu, Hamoni neKana, kusvikira kuSidhoni Huru.

²⁹Ipapo muganhu wakadzokera kumashure wakananga kuRama ukaenda kuguta rakakomberedzwa reTire, ndokudzokera kuHosa ukandobudira pagungwa riri mudunhu reAkizibhi,

³⁰Uma, Afeki neRehobhi. Pakanga pane maguta makumi maviri namaviri nemisha yawo.

³¹Maguta aya nemisha yawo ndiwo akanga ari nhaka yorudzi rwaAsheri, mhuri nemhuri.

³²Mugove wechitanhatu wakapiwa kuna Nafutari, mhuri nemhuri:

³³Muganhu wavo wakatangira paHerefi napamuti mukuru weZaananimi, uchipfuura napaAdhoni Nekebhi, neJabhuneeri, kusvikira paRakumi uye uchigumira paJorodhani.

³⁴Muganhu wakaenda kumavirira ndokupfuura napaAzinoti Tabhori uye ukandobudira paHukoki. Waindobata Zebhuruni nechezasi, Asheri riri kumavirira neJorodhani rwuri kumabvazuva.

³⁵Maguta akanga ane masvingo aiti Zidhimu, Zeri, Hamati, Rakati, Kinereti,

³⁶Adhama, Rama, Hazori,

³⁷Kedheshi, Edhirei, Eni Hazori,

³⁸Ironi, Migidhari Eri, Horemi, Bheti Anati neBheti Shemeshi. Paiva namaguta gumi namapfumbamwe nemisha yawo.

³⁹Maguta aya nemisha yawo ndiwo akanga ari nhaka yorudzi rwaNafutari, mhuri nemhuri.

⁴⁰Mugove wechinomwe wakapiwa kurudzi rwaDhani, mhuri nemhuri.

⁴¹Nyika yenhaka yavo yaisanganisira: Zora, Eshitaori, Iri Shemeshi,

⁴²Shaarabhini, Aijaroni, Itira,

⁴³Eroni, Timuna, Ekironi,

⁴⁴Eriteke, Gibhetoni, Bhaarati,

⁴⁵Jehudhi, Bhene Bheraki, Gati Rimoni,

⁴⁶Me Jakironi, Rakoni nenyika yakatarisana neJopa.

⁴⁷(Asi vana vaDhani vakaomerwa nokutora nyika yavo, saka vakaenda vakandorwisa Reshemi, vakaitora, vakaibaya nomunondo, ndokugara mairi. Vakagara muReshemi ndokuitumidza kuti Dhani zita ratateguru wavo.)

⁴⁸Maguta aya nemisha yawo ndiwo akanga ari nhaka yorudzi rwaDhani, mhuri nemhuri.

⁴⁹Pavakapedza kugoverana nyika muzvikamu zvakafanira, vaIsraeri vakapa Joshua mwanakomana waNuni nhaka yake pakati pavo,

⁵⁰sezvakanga zvarayirwa naJehovha. Vakamupa guta raakanga akumbira, Timunati Sera panyika yamakomo yaEfuremu. Uye akavaka guta iri akagaramo.

⁵¹Idzi ndidzo nyika dzakagoverwa nemijenya paShiro pamberi paJehovha pamukova weTende Rokusangana, nomuprista Ereazari naJoshua mwanakomana waNuni, navakuru vedzimba dzamarudzi avana vaIsraeri. Naizvozvo vakapedza kukamura-kamura nyika.