Read Bhaibhiri Idzva rechiShona 1 Nhoroondo 2 Bible Online

1 Nhoroondo 2 - Bhaibhiri Idzva rechiShona bible

1 Nhoroondo 2

¹Vana vakomana vaIsiraeri ndiRubheni naSimeoni naRevhi naJudha naIsakari naZebhuruni,

²kwouya Dhani naJosefi naBhenjamini naNafutari naGadhi naAsheri.

³Vanakomana vaJudha ndiEru naOnani naShera. Ivava vatatu kudaro ndovavakaberekerwa naBhatishua mukadzi wechiKanani. Asi pana Tenzi, Eru aiva munhu akanga akaipa mwoyo nezvo Tenzi akamuuraya.

⁴Judha akaberekawo nomuroora wake vana vanoti Feresi naZera. Vana vaJudha ava vakomana, vose pamwechete vashanu.

⁵Vana vakomana vaPeresi: ndiHezironi naHamuri.

⁶Vanakomana vaZera: ndiZimuri naEtamu naHemani naKarikoru naDhara, vose pamwechete vashanu.

⁷Vana vakomana vaKarumi: ndiAkari wokuparira Isiraeri nhamo uya nyakuita chitadzo panyaya yezvinhu zvakanga zvaturirwa kuparadzirwa Mwari sechipo.

⁸Vanakomana vaEtani: ndiAzariya.

⁹Vanakomana vakaberekwa naHezironi ndiJerahimieri naRamu naKerubhai.[4]

¹⁰Ramu ndiye baba: waAminadhabhu. Aminadhabhu ndiye baba waNahishoni jinda rezvizvarwa zvokwaJudha.

¹¹Nahishoni ndiye baba waSarima, Sarima ariye baba waBhoazi. Bhoazi akabereka Obhedhi,

¹²Obhedhi akabereka Jese.

¹³Jese akabereka dangwe rake Eriyabhu wechipiri ari Abhinadhabhu wechitatu ari Shimea,

¹⁴Natanieri ndiye wechina Radhai ari wechishanu,

¹⁵Ozemu ariwo wechitanhatu Dhavhidhi ari iye wechinomwe.

¹⁶Hanzvadzi dzavo ndiZeruya naAbhigairi. Vanakomana vaZeruya ndiAbhishai naJoabhu naAsaheri vari vatatu kudaro.

¹⁷Abhigairi akabereka Amasa. Baba vaAmasa uyu ndiJeteru wechiIshimaeri.

¹⁸Karebhu mwanakomana waHezironi: akabereka vana vakomana nomukadzi wake ainzi Azubha nomumwe mukadzi wake ainzi Jerioti. Vana vacho ndiJesheru naShobhabhu naAridhoni.

¹⁹Pakafa Azubha, Karebhu akaroora Efurati akamuberekera Huru.

²⁰Huru ndiye baba waUri. Uri ndiye baba waBhezarieri.

²¹Mushure maizvozvi, Hezironi akapinda mumba nomwanasikana waMakiri waakaroora ava namakore makumi matanhatu. Iye akamuberekera Segubhu.

²²Segubhu aiva baba waJairi, uya aiva namaguta makumi maviri namatatu mudunhu reGireadhi.

²³Asi Geshuri naAramu vakavatorera Havhotijairi neKenati nemisha yaro maguta makumi matanhatu. Vose ivava zvaiva zvizvarwa zvokwaMakiri baba waGireadhi.

²⁴Mushure mokufa kwaHezironi, Karebhu akapinda mumba nomudzimai wababa vake akamuberekera Ashihuru baba waTekoa.

²⁵Vanakomana vaJerahimieri dangwe raHezironi ndavava: dangwe rake ndiBhuna kwouya Oreni naOzemu naAhiya.

²⁶Jerahimieri uyu aiva nomumwewo mukadzi ainzi Atara ndiye amai vaOnamu.

²⁷Vana vakomana vaRamu dangwe raJerahimieri ndiMaazi naJamini naEkeri.

²⁸Vana vaOnamu: vakomana ndiShamai naJadha. Vanakomana vaShamai ndiNadhabhu naAbhishuru.

²⁹Zita romudzimai waAbhishuru ndiAbhikairi, akamuberekera Ahibhani naMoridhi.

³⁰Vana vakomana vaNadhabhu: ndiSeredhi naApaimu. Seredhi akafa asina mwana.

³¹Vanakomana vaApaimu: ndiIshi. Vanawo vakomana vaIhi ndiSheshani. Vanakomanawo vaSheshani ndiAhirayi.

³²Vanakomana vaJadha: mukoma nomunun'una naShama ndavava vana Jeteri naJonatani. Jeteri akafa asina mwana.

³³Vana vaJonatani: vakomana ndiPereti naZaza. Ivava ndivo zvizvarwa zvokwaJerahimueri.

³⁴Zvino Sheshani akanga asina vana vakomana asi vanasikana chete. Asi Sheshani uyu aiva nomuranda wake wechiIjipiti ainzi Jariha.

³⁵Sheshani akaroodza mumwe mwanasikana wake kuna Jariha muranda wake. Iye akamuberekera Atai.

³⁶Atai: ndiye abereka Natani baba waZabhadhi.

³⁷Zabhadhi uyu ndiye aberekawo Efurari baba waObhedhi,

³⁸Obhedhi ndiye azoberekawo Jehu baba waAzariya.

³⁹Azariya akazoberekawo Herezi, Herezi akaberekawo Eriyasa.

⁴⁰Eriyasa ndiye abereka Sisimai baba waSharumu.

⁴¹Sharumu akaberekawo Jekaniya baba waErishama.

⁴²Vanakomana vaKarebhu mukoma nomunun'una naJerahimieri ndavava: dangwe rake ndiMesha[5] baba waZifu. Vanakomana vaMesha ndibaba waHebhuroni.[6]

⁴³Vanakomana vaHebhuroni: ndiKora naTapua naRekemu naShema.

⁴⁴Shema ndiye abereka Rahamu, baba waJorikeamu. Rekemu ndiye baba waShamai.

⁴⁵Vanakomana vaShamai ndiMaoni, baba waBhetizuru.

⁴⁶Uyewo Efa murongo waKarebhu: akabereka Harani naMoza naGazezi. Harani ndiye baba waGazezi.

⁴⁷Vanakomana vaJaidhai: ndavava ava vana Regemu naJotamu naGeshani naPereti naEfa naShaafu.

⁴⁸Maaka murongo waKarebhu: ndiye akabereka Shebheru naTirihana.

⁴⁹Akaberekawo Shaafu baba waMadhimana naShebha baba waMakibhena nababa waGibhea. Mwanasikana waKarebhu ndiAkisa.

⁵⁰Izvozvi izvi ndizvo zvizvarwa zvokwaKarebhu. Vanakomana vaHuru: dangwe raEfurati ndiShobhari baba waKiriatijearimu

⁵¹naSarima baba waBheterehemu: naHerefu baba waBhetijadheru.

⁵²Shobhari baba waKiriatijearimu vaiva navamwe vanakomana vokwaHaroe chikamu chevokwaMenuhoti.

⁵³Mhuri dzokwaKiriatijearimu ndedzidzi idzi, kunoti vokwaItira nevokwaPuti nevokwaShumati nevokwaMishira kwakabva vokwaZorati nevokwaEshitaori.

⁵⁴Vanakomana vaSarima: ndiBheterehemu nevokwaNetofati naAtirotibhetijoabhu nechikamu chevokwaManahati vechiZora.

⁵⁵Mhuriwo dzavanyori vaiva vagari vokuJabhezi ndedzidzi idzi, kunoti vokwaTirati nevokwaShimeati nevokwaSukati. Ivava ndivo vaKani vokwaHamati tateguru wemba yokwaRekabhu.