Read Bhaibhiri Idzva rechiShona 1 Nhoroondo 25 Bible Online

1 Nhoroondo 25 - Bhaibhiri Idzva rechiShona bible

1 Nhoroondo 25

¹Dhavhidhi navakuru vakuru vebasa racho vakasarudzawo vokuita basa, vamwe vevanakomana vokwaAsafu nevokwaHemani nevokwaJedhutuni kuti vave vokuporofita kana kwaridzwa zvipendani namadimbwa namakwakwakwa outare. Mazita avanhu vakanyorwa vokuita basa iri namabasa avo akamira akadai izvi:

²kuvanakomana vokwaAsafu paiti Zakuri naJosefi naNetaniya naAsharera. Vana vaAsafu vaitungamirirwa naiye Asafu vachizviita vari mumaoko amambo,

³kune vokwaAjedhutuni, vana vaiye Jedhutuni paiti Gedhariya naZeri naJeshaya naShimei naHashabhiya naMatitiya vari vatanhatu kudaro. Vaingewo vachitungamirirwa nababa wavo Jedhutuni vaiporofitawo kwaridzwa zvipendani vachitenda nokurumbidza Tenzi;

⁴kune vokwaHemani, vanakomana vaHemani paiva naBhukiya naMataniya naUzieri kwouya Shubhaeri naJerimoti naHananiya naHanani kwoti Eriyata naGidhariti naRomamitiezeru kwozouya Joshibhekasha naMaroti naHotiri naMahazioti.

⁵Vose ivava vaiva vanakomana vaHemani muoni wokwamambo maereranowo nechitsidzo chaMwari chokuvakwidziridza nokuti Mwari aiva apa Hemani vana vakomana gumi navana navana vasikana vatatu.

⁶Vose ivava vaitungamirirwa nababa wavo mune zvokuimba izvi mumba yaTenzi vaine makwakwakwa outare namadimbwa nezvipendhani pane zvainge zvichiitwa mumba yaMwari. Zvaiitwa naAsafu naJedhutuni naHemani vaizviita vari mumaoko amambo.

⁷Uwandi hwavo pamwechete nehama dzavo hwevakanga vadzidziswa kuimbira Tenzi, vose zvavo vaiva noumhisha hwacho vakanga vari mazana maviri ane makumi masere ane vanhu vasere.

⁸Vakavagovanisa mabasa avo nechin'ange zvimwechetezvo mukuru nomudiki, mudzidzisi nomudzidzi.

⁹Kune vokwaAsafu, pakutanga chin'ange chakaenda kuna Josefi pechipiri kuna Gedhariya iye nehama dzake navanakomana vake, vari gumi navaviri;

¹⁰pechitatu kuna Zakuri, iye navanakomana vake, nehama dzakewo, vari gumi navaviri;

¹¹pechina kuna Iziri navanakomana vake, nehama dzake, vari gumi navaviri;

¹²pechishanu kuna Netaniya navanawo vake vakomana nehama dzakewo, vari gumi navaviri;

¹³pechitanhatu kuna Bhukiya navanakomana vakewo nehama dzake, vari gumi navaviri;

¹⁴pechinomwe kuna Jesharera navanakomana vake nehamawo dzake, vari gumi navaviri;

¹⁵pechisere kuna Jeshaya navanakomanawo vake nehama dzake, vari gumiwo navaviri;

¹⁶pechipfumbamwe kuna Mataniya navana vakewo vakomana nehama dzake, vari gumi navaviri;

¹⁷pechigumi kuna Shimei navana vakomana vake nehama dzake, vari gumi navaviri;

¹⁸pegumi nechiposhi kuna Azareri navana vake vakomana nehama dzake, vari gumi navaviri;

¹⁹pegumi nechipiri kuna Hashabhiya navanakomana vakewo nehama dzake, vari gumi navaviri;

²⁰pegumi nechitatu kuna Shubhaeri navanawo vakomana vake nehama dzake, vari gumi navaviri;

²¹pegumi nechina kuna Matitiya navanakomana vake nehama dzake, vari gumi navaviri;

²²pegumi nechishanu kuna Jeremoti navanakomanawo vake nehama dzake, vari gumi navaviri;

²³pegumi nechitanhatu kuna Hananiya navanakomana vakewo nehama dzake, vari gumi navaviri;

²⁴pegumi nechinomwe kuna Joshibhekasha navanakomana vake nehamawo dzake, vari gumi navaviri;

²⁵pegumi nechisere kuna Hanani navana vake vakomana nehama dzake, vari gumi navaviri;

²⁶pegumi nechipfumbamwe kuna Maroti navanawo vake vakomana nehama dzake, vari gumi navaviri;

²⁷pechimakumi maviri kuna Eriyata navanakomana vake nehamawo dzake, vari gumi navaviri;

²⁸pemakumi maviri nechiposhi kuna Hotiri navanawo vake vakomana nehama dzake, vari gumi navaviri;

²⁹pemakumi maviri nechipiri kuna Gidhariti navanakomana vakewo nehama dzake, vari gumi navaviri;

³⁰pemakumi maviri nechitatu kuna Mahazioti navana vake vakomana nehamawo dzake, vari gumi navaviri;

³¹pemakumi maviri nechina kuna Romamutiezeru navanakomanawo vake nehama dzake, vari gumi navaviri.