Read Bhaibhiri Idzva rechiShona 1 Nhoroondo 26 Bible Online

1 Nhoroondo 26 - Bhaibhiri Idzva rechiShona bible

1 Nhoroondo 26

¹Zvikwata zvevachengetedzi vokumisuo mikuru zvakanga zvakamira zvakadai izvi: kune vokwaKora paiti Mesheremiya mwanakomana waKore wevana vokwaAsafu.

²Mesheremiya aiva navana vake vakomana ava vanoti: Zekariya dangwe racho achitevedzerwa naJedhieri wechitatu ari Zebhadhiya wechina ndiJatinieri Eramu ari wechishanu

³wechitanhatu ndiJehohanani wechinomwe ari Eriehoenai.

⁴Obhedhiedhomu aiva navanakomanawo vaiti: dangwe racho Shemaya tevere Jehozabhadhi wechitatu ndiJoa wechina ari Sakari wechishanu ndiNetaneri

⁵wechitanhatu ari Amieri Isakari ariye wechinomwe wechisere ndiPeuretai nokuti Mwari akavakomborera.

⁶Uyewo mwanakomana wake Shemaya akaberekawo vana vakomana vakava vatungamiriri vomudzimhuri dzokwavo nokuti vaiva mvumba chaidzo dzamagamba.

⁷Vanakomana vaShemaya ndiOtini naRefaeri naObhedhi naErizabhadhi vaiva nehama dzaiva noushasha pakuita zvinhu vana Erihu naSemakiya.

⁸Vose ivava ava vaiva vanakomana vokwaObhedhiedhomu navana vavo vakomana nehama dzavo vari shasha chaidzo dzinogona kuita basa radzo. Vose pamwechete vokwaObhedhiedhomu vaiva makumi matanhatu navaviri.

⁹Mesheremiya aiva navanakomana nehama dzake shasha chaidzo, vose vari gumi navasere.

¹⁰Hosa mumwe wavanakomana vokwaMerari aivawo navana vakomana vaiti: Shimuri, mukuru wacho, kunyange zvazvo akanga asiriye dangwe baba vake ndivo vakamuita mukuru.

¹¹Aitevedzerwa naHirikiya wechitatu ndiTebheriya, wechina ari Zekariya. Vanakomana vaHosa nehama dzake vose vaiva gumi navatatu.

¹²Zvikwata izvi zvavachengetedzi vepamisuo mikuru zvichifambiranawo navakuru vakuru vazvo vaivawo namabasa sezvaingoitawo hama dzavo rokushanda mumba yaTenzi.

¹³Suo guru roga roga raipiwa vanhu varo vaigovaniswa nechin'ange zvimwechetezvo imba nemba mukuru nomudiki.

¹⁴Rokumabvazuva kwacho chin'ange chakaenda kuna Sheremiya. Vakaitirawo mwanakomana wake Zekariya muchinda ane ungwaru chin'ange chikaratidza kuti ndowekuchamhembe.

¹⁵Chin'ange chakaratidza kuti Obhedhiedhomu ndowekumaodzanyemba chikapa vanakomana vake basa rokudzimba dzaichengeterwa zvinhu.

¹⁶Kuna Shupimu naHosa chakaratidza kuti ndowekumadokero pasuo guru reShareketi pamugwagwa unokwira uya, vaiita mazoro kupachengetedza.

¹⁷Kumabvazuva kwainge kuna vaRevhi vatanhatu pazuva kuchamhembe, vana pazuva, kumaodzanyemba, vana pazuva vaviri vaviri padzimba dzokuchengetera zvinhu,

¹⁸panzvimbo yemo yainzi Paribhari kumadokero vari vana pamugwagwa, kwouya vaviri paParibhari.

¹⁹Izvozvi izvi ndizvo zvikwata zvavachengetedzi vokumisuo mikuru wokwaKora navanakomana vokwaMerari.

²⁰PavaRevhi, Ahiya aiva nebasa rokuona nezvedzimba dzaichengeterwa upfumi hwemba yaMwari nomaichengeterwa zvipo zvainge zvateketerwa kuna Mwari.

²¹Kune vanakomana vokwaRadhani, vana vokwaGerishoni vakaberekwa naRadhani vaiva vatungamiriri vokumba yokwaRadhani wokwaGerishoni iyeyu ndewekwaJehieri.

²²Vanakomana vaJehieri ndiZetamu muJoeri munun'una wake, vaiva nebasa rokuona nezvedzimba dzaichengeterwa upfumi hwemba yaTenzi.

²³Kune vokwaAmuramu vaiti vokwaIzhari nevokwaHebhuroni nevokwaUzieri:

²⁴Akasarudzwa kuva changamire mukuru wokuona nezvemaichengeterwa upfumi ndiShebhueri mwanakomana wokwaGerishomu mwana waMosesi.

²⁵Hama dzake vokwaEriezeru vakanga vakamira vakadai izvi: mwanakomana waEriezeru ndiJeshaya waJeshaya ndiJoramu waJoramu ari Zikiri waZikiri ariwo Sheromoti.

²⁶Sheromoti uyu nehama dzake vaiva vokuona nezvemaichengeterwa zvipo zvainge zvakateketererwa kuna Mwari. Zvakanga zvateketererwa kuna Mwari namambo Dhavhidhi navatungamiriri vedzimhuri dzokwavo navatungamiriri vezviuru nevemazana navatungamiriri vehondo.

²⁷Vakatora zvimwe zvinhu pane zvakanga zvapambwa kuhondo vakazvipa sechipo chokuchengetedza nacho imba yaTenzi.

²⁸Maivawo nezvakanga zvateketerwa kuna Mwari naSamueri muoni naSauro mwana waKishi naAbhuneru mwana waNeru, naJoabhu mwana wavaZeruya nezvose zvakanga zvateketerwa kuna Mwari zvaive mumaoko aSheromoti nehama dzake.

²⁹Kune vokwaIzhari Kenaniya nevana vake vakomana akapiwa basa rokunze savanyori navatongi.

³⁰Kune vokwaHebhuroni, Hashabhiya nehama dzake chiuru nemazana manomwe vari vanhu vanoushasha pakuita zvinhu ndivo vaiva vatariri veIsiraeri kumadokero kwaJorodhani mune zvose zvainangana nebasa raMwari nezvainangana nebasa ramambo.

³¹Pane vokwaHebhuroni, Jeriya ndiye waiva changamire wavo pazvizvarwa zvavo zvose mumba yekwavo. Mugore rechimakumi mana rokutonga kwaDhavhidhi kwakatsvangwa kukaonekwa mvumba dzemagamba okurwa hondo kuvanhu vokuJazeru kuGireadhi.

³²Mambo Dhavhidhi akasarudza iyeyu nehama dzake vari zviuru zviviri zvine mazana manomwe zvavarume shasha chaidzo dzebasa vari vatungamiriri vokumhuri dzokwavo kuti vave vokutungamirira vekwaRubheni, nevekwaGadhi nevechimwe chikamu chedzinza rokwaManase mune zvose zvainangana nezvaMwari nezvainanganawo nenyaya dzokwaMambo.