Read Bhaibhiri Idzva rechiShona 1 Nhoroondo 4 Bible Online

1 Nhoroondo 4 - Bhaibhiri Idzva rechiShona bible

1 Nhoroondo 4

¹Vanakomana vaJudha: ndiPerezi naHezironi naKarumi naHuru naShobhabhu.

²Reaya mwanakomana waShobharu: akabereka Jahati baba waAhumai naRahadhi. Ivava ndidzo mhuri dzokwaZora.

³Vana vakomana vaEtamu: ndaava vanoti; Jezirieri naIshima naIdhibhashi. Zita rehanzvadzi yavo ndiHazireriponi.

⁴Penueri ndiye baba waGedhori, Ezeru ariye baba waHusha. Ivava ava ndizvo zvizvarwa zvokwaHuru dangwe raEfurata baba waBheterehemu.

⁵Ashuru baba waTekoa: vaiva nebarika ravakadzi vaviri, mumwe ainzi Hera mumwe achinzi Naara.

⁶Naara akamuberekera: Ahuzamu naHefa naTemeni naHaahashitari. Ivava ndivo vaiva vana vaNaara.

⁷Vanakomana vaHera: ndiZereti naIzihari naEtinanai.

⁸Kozi ndiye baba vaAnubhu naZobhebha nemhuri dzokwaAhariheri mwanakomana waHarumu.

⁹Jabhezi uyu aiva munhu anoremekedzwa kwazvo navakoma navanun'una vake. Amai vake vakamutumidza zita rokuti Jabhezi vachiti pakumubereka ndakaona nhamo.

¹⁰Jabhezi akanamata Mwari weIsiraeri achiti: “Dai mandikomborerawo zvenyu nyika yangu muikudze-kudzewo ruoko rwenyu rurambe ruchindisesedza, mundidzivirirewo kune zvakaipa kuti zvirege kundikuvadza.” Mwari akamuitira zvaakakumbira.

¹¹Kerubhu mukoma nomunun'una naShuha ndiye akabereka Mehiri baba waEshitoni.

¹²Eshitoni ndiye baba waBhetirafa naPasea naTehina uya baba waIrinahashi. Ivava ava ndivo vanhu vokuReka.

¹³Vanakomana vaKenazi: ndiOtinieri naSeraya. Vana vaOtinieri vakomana ndiHatati

¹⁴kwouya Meonotai baba waOfura. Seraya ndiye abereka Joabhu baba wevokwaGeharashimu[9] vainzarwo nokuti vaiva mhizha.

¹⁵Vanakomana vaKerebhu mwanakomana waJefune: ndiIru naEra naNaamu. Vanawo vaEra vakomana ndiKenazi.

¹⁶Vana vakomana vaJeharerieri: ndiZifu naZifa naTiria naAsareri.

¹⁷Vanakomana vaEzira: ndiJeteru naMeredhi naEferu naJaroni. Ivava ndivo vanakomana vaBhitia mukunda waFarao akaroorwa naMeredhi. Akavawo napamuviri akabereka Miriamu naShamai naIshibha baba waEshitemoa.

¹⁸Mudzimai wake wechiJudha, akamuberekera Jeredhi baba waGedhori kwouya Hebheru baba waSoko kwouyawo Jekutieri baba waZanoa.

¹⁹Vanakomana vaHodhiya nomudzimai wake uya hanzvadzi yaNahamu ndivo madzibaba aKeira wokuGarima naEshitemoa wokwaMaaka.

²⁰Vana vakomana vaShimoni ndiAmunoni naRina naBhenihanani naTironi. Vanawo vaIshi vakomana ndiZoheti naBhenizoheti.

²¹Vanakomana vaShera, mwanakomana waJudha: ndevava ava kunoti Eru baba waReka, kwouya Raadha baba waMaresha, kwouyawo mhuri dziya dzemba yevagadziri vemicheka yerineni vokuBhetiashibhea

²²kwozouya Jokimu navanhu vokwaKozebha naJoashi naSarafu akandoita mukuwasha wevaMoabhu akazodzokera kuRakemu[10] (Nyaya dzachowo idzi ndedzakarekare kwazvo).

²³Ivava ava ndivo vaumbi vehari nevagari vokuNetaimu neGedhera. Vaigarako pamwechete namambo vari vokumushandira.

²⁴Vanakomana vaSimeoni: ndiNemueri naJamini naJaribhu naZera naShauru.

²⁵Mwanakomana waShauru ndiSharumu, waSharumu ndiMibhishamu, waMibhishamu ndiMishima.

²⁶Vanakomana vaMishima ndiHamueri, waHamueri ndiZakuri, waZakuri ndiShimei.

²⁷Shimei akanga ana vanakomana gumi navatanhatu navanasikana vatanhatu. Asi vakoma navanun'una vake vakanga vasina vana vakawanda kunyangova mhuri yake yose haina kuwanda sevana vokwaJudha.

²⁸Vaigara kuBheerishebha nokuMoradha nokuHazarishuaru

²⁹nokuBhiriha nokuEzemu nokuTorati

³⁰nokuBhetieri nokuHoruma nokuZikiragi

³¹nokuBhetimarikabhoti nokuHazarisuzimu nokuBhetibhiri nokuShaaraimu. Iwayo ndiwo aiva maguta avo kusvikira kutonga kwaDhavhidhi.

³²Misha yavo yaiva iyi inoti Etamu neAini neRimoni neTokeni neAshani ari maguta, mashanu kudaro

³³nemisha yakanga yakapoteredza maguta iwayo kusvikira kuBhaari, imomo ndomavaigara. Mamiriro akaita mhuri dzavo ndeaya aya:

³⁴kuna Meshobha naJamureki naJosha mwanakomana waAmaziya

³⁵kwouya Joeri naJehu. Mwanakomana waJehu ndiJoshibhiya, waJoshibhiya ndiSeraya waSerayawo ndiAsieri

³⁶kwozouya Erioenai naJoakobha naJeshohaya naAsaya naAdhieri naJesimeri naBhenaya

³⁷kwoti Ziza aberekwa naShifi mwanakomana waAroni aberekwa naJedhaya mwanakomana waShimiri aberekwa naShemaya.

³⁸Ivava ava vadai kudomwa namazita vaiva madzishe mudzimhuri dzavo mudzimba dzamadzibaba avo mukawandwawo chaizvo.

³⁹Vakatamira kwokunge tava kuda kundosvika kuGedhori kumabvazuva kwebani kundotsvaka mafuro ezvipfuwo zvavo.

⁴⁰Ikoko vakawana mafuro chaiwo akanaka kwazvo, nyika iri huru ichisvika zvayo uko nokokoko kwakati zi-i kuine runyararo pamusana pokuti ndokwainge kugere vokwaHamu.

⁴¹Ivava vakadai kunyorwa namazita, vakasvikako mumazuva aHezekiya mambo wokwaJudha vakaparadza misha yavo pamwechete nevaMenuimu vainge varikowo. Vakavatsakatisa sezvazviri pari nhasi, panzvimbo pavo ivo vakabva vaita misha yavo nokuti kwaiva namafuro ezvipfuwo zvavo.

⁴²Mazana mashanu evamwe varume vokwaSimeoni vakaenda kuGomo reSeiri vachitungamirirwa naPeratiya naNeariya naRefaya naUzieri vanakomana vaIshi.

⁴³Vakaparadza marimbirimbi evokwaAmareki vakanga vapunyuka. Zvino vagere ikoko nanhasi uno.