Read Bhaibhiri Idzva rechiShona 1 Nhoroondo 5 Bible Online

1 Nhoroondo 5 - Bhaibhiri Idzva rechiShona bible

1 Nhoroondo 5

¹Zvino ndopouyawo vanakomana vaRubheni dangwe raIsiraeri nokuti iye ndiye dangwe asi pari pamusana pokuti akan'oresa pairara baba vake udangwe hwake hwakapiwa vanakomana vaJosefi mwanakomana waIsiraeri. Nokudaro zita rake harisi kudomwa panzvimbo paro pakuberekwa kwake sedangwe.

²Kunyange zvazvo Judha ariye akazova nesimba chaizvo pakati pavakoma navanun'una vake maari mukatova ndimo makabuda mambo. Zvakadaro zvazvo udangwe ndohwaJosefi.

³Vanakomana vaRubheni mwana waIsiraeri ndiHanoki naParu naHezironi naKarumi.

⁴Vana vakomana vokwaJoeri: ndiShemaya waShemaya ndiGogu waGogu ndiShimei

⁵mwanakomana waShimei ndiMika waMika ndiReaya waReaya ndiBhaari

⁶waBhaari ndiBheera. Iyeyu ndiye nyakutapwa naTigiratipiriesari mambo weAsiria akaenda naye kuutapwa. Akanga ari mumwe wamadzishe okwaRubheni.

⁷Hama dzake dzokune dzimwe dzimba pazvizvarwa zvavo dzakanga dzakamira dzakadai izvi: kunoti ishe Jeieri naZakariya

⁸naBhera aberekwa naAzazi mwanakomana waShema aberekwa naJoeri, vagari vokuAroeri kusvikira kuNebho nokuBhaarimeoni.

⁹Vaigarawo kumabvazuva uku tava kusvika kurenje mhiri ino yaYufuratesi pamusana pokuti zvipfuwo zvavo zvakanga zvawanda munyika yeGireadhi.

¹⁰Mumazuva aSauro vakarwiswa nehondo, vechiHagiri ndokuvarakatisa kuuraya ndokubva vaita misha mumisha yavo mudunhu rose rokumabvazuva kweGireadhi.

¹¹Vanakomana vokwaGadhi vaigara pakatarisana navo munyika yeBhashani kusvikira kuSareka:

¹²Joeri ndiye aiva changamire achitevedzerwa naShafamu kwouya Janai naShafati muBhashani.

¹³Hama dzavo imba nemba ndevava ava: kunoti Mikaeri naMeshuramu naShebha naJorai naJakana naZiya naEbheri, vari vanomwe kudaro.

¹⁴Ivava ndivo vanakomana vokwaAbhihairi: mwana waHuru aberekwa naJaroya mwanakomana waGireadhi ari mwanakomana waMikaeri mwanakomana Jeshishai aberekwa naJadho mwanakomana waBhuzi.

¹⁵Ahi mwanakomana waBhidhieri mwana waGuni akanga ari mutungamiri wedzimhuri dzemba yokwake.

¹⁶Vaigara kuGireadhi nokuBhashani nemaguta awo nomumafuro ose eSharoni kusvika kwaanoperera.

¹⁷Vose ivava vakanyorwa nokuberekwa kwavo panguva yaJotamu mambo wokwaJudha napanguva yaJerobhoamu mambo wokwaIsiraeri.

¹⁸VokwaRubheni nevokwaGadhi nechimwe chikamu chevokwaManase vaiva namagamba chaiwo avarume venhoo namapakatwa nevaigona kukanda miseve nyanzvi dzokurwa hondo vaiva vari zviuru zvina zvine mazana manomwe namakumi matanhatu.

¹⁹Vakandorwisa vokwaHagiri novokwaJeturi nevokwaNapishi nevokwaNodhabhu.

²⁰Pavakabatsirwa kuvarwisa vakabvawo vakurira vaHagiri navose vavakanga vanavo nokuti mukurwa kwavo ikoku vakanga vachema kuna Mwari nokuti vaivimba naye.

²¹Vakavatorera zvipfuwo zvavo zvaiti zviuru makumi mashanu zvengamera dzavo kwouya hwai mazana maviri ezviuru ane zviuru makumi mashanu, kwouyawo zviuru zviviri zvamadhongi, kwozoti zana rechiuru chavanhu vavakatapa vari vapenyu

²²sezvo ruzhinji rwavo rwakanga rwarakatiswa kufa nokuti hondo yacho yakanga iri hondo yaMwari. Vakagara munyika yaivavo kusvikira pakatapwa vanhu.

²³Chimwe chikamu chevedzinza rokwaManase vaigara munyika umu kubvira kuBhashani kusvikira kuBhaariherimoni nokuSeniri nokuGomo reHerimoni, vakanga vakawanda kwazvo.

²⁴Vatungamiriri vomudzimhuri dzemba yokwavo ndevava ava:

²⁵Kunoti Eferu naIshi naErieri naAzirieri naJeremiya naHodhavhiya naJadhieri. Ivava vaiva magamba chaiwo okurwa vari vanhu vane mukurumbira vari vatungamiriri vomudzimhuri dzemba yokwavo.

²⁶Asi vakatadzira Mwari wamadzibaba avo vachiita unzenza hwokuteveredza kunamata vamwari vechirudzi venyika iyi vaye vavakaparadzirwa naMwari. Naizvozvo Mwari weIsiraeri akapinza mweya muna Puru mambo weAsiria nomuna Tigiratipiriesari mambo weAsiria wokuti atape vokwaRubheni nevokwaGadhi nechimwe chikamu chevokwaManase akavaendesa kuHara nokuHabhori nokuHara nokurwizi rweGozani kusvikira pari nhasi.