Read Bhaibhiri Idzva rechiShona 1 Nhoroondo 7 Bible Online

1 Nhoroondo 7 - Bhaibhiri Idzva rechiShona bible

1 Nhoroondo 7

¹Vanakomana vaIsakari ndavava, kunoti: Tora naPua naJashubhu naShimuroni vari vana kudaro.

²Vanakomanawo vaTora: ndiUzi naRefaya naJerieri naJahimai naJibhusamu naShemueri vari vatungamiriri vedzimhuri dzokwavo dzokwaTora. Magamba okurwa hondo ezvizvarwa zvokwavo mumazuva aDhavhidhi vainge vari vanhu makumi maviri ezviuru ane zviuru zviviri namazana matanhatu.

³Vanakomana vaUzi: ndiIzirahiya. Vanawo vaIzarahiya vakomana: ndiMikaeri naObhadhiya naJoeri naIshiya vari vashanuwo kudaro vose vari madzichangamire.

⁴Pamwechete naivava ava chizvarwa nechizvarwa imba nemba paivawo nezvikwata zvavarwi vehondo zvina vanhu makumi matatu ezviuru ane zviuru zvitanhatu nokuti vaiva navakadzi navana vakomana vakawanda.

⁵Hama dzavo dzomudzimhuri dzekwaIsakari dzose pamwechete vaiva makumi masere ezviuru ane zviuru zvinomwe zvavanhu variwo magamba okurwa hondo vakanyorwa chizvarwa nechizvarwa.

⁶Vanakomana vaBhenjamini: ndiBhera naBhekeri naJedhiaeri pautatu hwavo kudaro.

⁷Vana vakomana vaBhera: ndiEzibhoni naUzi naUzieri naJerimoti naIri vashanu. Vaiva vatungamiriri vedzimhuri dzokwavo vari magamba okurwa hondo, vakanyorwa chizvarwa nechizvarwa vari vanhu makumi maviri ezviuru ane zviuru zviviri namakumi matatu ane vana.

⁸Vana vaBhekeri: vakomana ndiZemira naJoashi naEriezeri naErioenai naOmuri naJerimoti naAbhiya naAnatoti naArameti. Vose ivava ava ndivo vanakomana vaBhekeri.

⁹Kunyorwa kwavakaita sokuberekwa kwavo chizvarwa nechizvarwa vari vatungamiriri vedzimhuri dzokwavo, magamba okurwa hondo aiva makumi maviri ezviuru ane mazana maviri.

¹⁰Vanakomana vaJedhiaeri: ndiBhirihani. Vanawo vaBhirihani vakomana: ndiJeushi naBhenjamini naEhudhi naKenaana naZetani naTarishishi naAhishahari.

¹¹Vose ivava ndovanakomana vaJedhiaeri imba nemba, magamba okurwa hondo aiva vanhu gumi rezviuru rine zviuru zvinomwe namazana maviri vaigona kuenda kuhondo.

¹²Vana Shupimu naHupimu: ndivo vanakomana vaIru, vokwaHushimu ndivo vanakomana vaAheri.

¹³Vana vaNafutari vakomana: ndiJahizieri naGuni naJezeru naSharumu vomumba maBhiriha.

¹⁴Vanakomana vaManase: ndiAsirieri waakabereka nomurongo wake wechiAramu, ndiye akaberekawo Makiri baba vaGireadhi.

¹⁵Makiri akaroorera Hupimu naShupimu vakadzi. Hanzvadzi yake ndiMaaka. Mumwe mwana wake ainzi Zerofehadhi, Zerofehadhi aingova navanasikana.

¹⁶Maaka mudzimai waMakiri akabereka mwana mukomana akamutumidza zita rokuti Pereshi, munun'una wake ainzi Shereshi. Vanakomana vaPereshi ndiUramu naRakemu.

¹⁷Vanawo vaUramu vakomana: ndiBhedhani. Vose ivava ndivo vana vakomana vaGireadhi mwanakomana waMakiri mwana waManase.

¹⁸Hanzvadzi yake Hamorehedhi akabereka Ishihodhi naAbhiezeru naMahira.

¹⁹Vana vaShemidha vakomana: ndiAhiani naShikemu naRiki naAniamu.

²⁰Vanakomana vaEfuremu: ndiShutera mwanawo waShutera ndiBheredhi waBheredhi ndiTahati waTahati ndiEreadha waEreadha ndiTahati

²¹mwana waTahati ndiZabhadhi waZabhadhi ndiShutera waShutera ndiEzeru naEreadhi vanyakuurayiwa navarume vokuGati vakaberekerwa munyika iyoyo, nokuti vakanga vauya kuzopamba zvipfuwo zvavo.

²²Baba vavo vakavachema kwamazuva akawanda vakoma navanun'una vake vakauya kuzonyaradzana naye.

²³Efuremu akapinda mumba nomudzimai wake akava napamuviri akabereka mwana mukomana. Iye akamutumidza zita rokuti Bheriya nokuti imba yavo yakanga yawirwa nenhamo.

²⁴Mwanasikana wake ndiShera nyakuvaka Bhetihoroni rokumusoro neBhetihoroni rezasi ose ari maviri kudaro uyewo Uzenishera.

²⁵Mwanakomana waBheriya ndiRefa: waRefa ndiReshefu waReshefu ndiTera waTera ndiTahani

²⁶mwana waTahani ndiRadhani waRadhani ndiAmihudhi waAmihudhi ndiErishama

²⁷mwana waErishama ndiNunu waNunu ndiJoshuwa.

²⁸Kwavowo ivava namamana avo kwaiva kuBhetieri nemisha yoko tonanga kumabvazuva kuNaarani nokumadokero kuGezeru nemisha yoko kwouya Shikemu nemisha yaro neAya nemisha yaro.

²⁹Kumuganhu nokwaManase kwaivawo neBhetisheani neBhetisheani nemisha yaro neTaanaki nemisha yaro neMigidho nemisha yaro neDhoni nemishawo yaro. Imomu umu ndimo maigara vezvizvarwa zvaJosefi mwanakomana waIsiraeri.

³⁰Vanakomana vaAsheru: ndiImuna naIshivha naIshivhi naBheriya nehanzvadzi yavo Sera.

³¹Vanakomanawo vaBheriya: ndiHebheru naMarikieri baba waBhirizaiti.

³²Hebheru: ndibaba waJafureti naShomeru naHotamu nehanzvadzi yavo Shua.

³³Vanakomana vaJafureti: ndiPasaki naBhimuhari naAshivhati. Ivava ava ndivo vanakomana vaJafureti.

³⁴Vanawo vakomana vaShameru: mukoma nomunun'una naye ndiRohiga naJehubhabhu naAramu.

³⁵Vanakomana vaHeremu mukoma nomunun'una naye: ndiZofa naImuna naShereshi naAmaru.

³⁶Vanawo vaZofa vakomana: ndiSua naHarineferu naShuari naBheeri naImura,

³⁷naBhezeru naHodhi naShama naShirisha naItirani naBheera.

³⁸Vanakomana vaJeteru: ndiJefune naPisipa naAra.

³⁹Vana vakomana vaUra: ndiArah naHanieri naRiziya.

⁴⁰Vose ivava vaiva vokwaAsheri vari vatungamiriri vedzimhuri dzokwavo vachizikanwa ari magamba okurwa hondo, madzichangamire emachinda. Vanhu vakaverengwa pazvizvarwa zvavo vari vanhu vaigona kuenda kundorwa hondo vaisvika zviuru makumi maviri nezvitanhatu.