Read Bhaibhiri Idzva rechiShona 2 Nhoroondo 27 Bible Online

2 Nhoroondo 27 - Bhaibhiri Idzva rechiShona bible

2 Nhoroondo 27

¹Jotamu akanga ava namakore makumi maviri namashanu paakatangisa kutonga. Akatonga kwamakore gumi namatanhatu ari muJerusaremu. Zita raamai vake rainzi Jerusha mwanasikana waZadhoki.

²Jotamu akaita zvakarurama zvinodiwa naTenzi sezvakaitwawo nababa vake Uziya, chete uyu haana kuzopindira mune zvomuTemberi yaTenzi. Asi vanhu vakanga vachiri kungoita zvakaipa.

³Akavaka Suo Guru roKumusoro repamba paTenzi. Akavakiridza zvakanyanya kwazvo Madziro eOfero.

⁴Akavakawo maguta kunyika yokwaJudha yamakomo, mumasango akavaka maguta etsvingo nenharire.

⁵Akarwisana namadzimambo avaAmoni akavakurira. Gore iroro vaAmoni vakatera mutero wamatani mana esirivha, nechiuru chamatani ekoroni nechiuruwo chematani ebhari. VaAmoni vakabvisa mutero mumwechetewo mugore rechipiri nerechitatu racho.

⁶Saizvozvo Jotamu akava namasimba pamusana pokuti akaruramisa makwara ake pana Tenzi, Mwari wake.

⁷Dzimwe nyaya dzezvaJotamu nehondo dzaakarwa namaitiro ake, zvakanyorwa muBhuku reMadzimambo okwaIsiraeri newokwaJudha. Akanga ava namakore makumi maviri namashanu paakatangisa kutonga.

⁸Akatonga kwemakore gumi namatanhatu ari muJerusaremu.

⁹Jotamu akazovatawo oendawo kwakaenda vamwe, madzitateguru ake. Vakamuviga muguta raDhavhidhi. Mwanakomana wake, Ahazi ndiye akazotonga panzvimbo yake.