Read Bhaibhiri Idzva rechiShona Ezira 10 Bible Online

Ezira 10 - Bhaibhiri Idzva rechiShona bible

Ezira 10

¹Ezira paakanga achinamata achireurura nokuhwihwidza kuchema nokuzvirovera pasi pamberi pemba yaMwari, chita chikuru kwazvo chavarume navakadzi navana chakaungana kwaari chichibva muIsiraeri nokuti vanhu vaichema kwazvo.

²Shekaniya mwanakomana waJehieri wokuvanakomana vokwaEramu akataura kuna Ezira achiti, “Hatina kutendeka kuna Mwari wedu, takaroora vakadzi vechirudzi vendudzi dzomunyika ino. Kunyange zvakadaro zvazvo Isiraeri ichine chitarisiro.

³Naizvozvo ngatiitei chitenderano naMwari wedu tirambe vakadzi vacho navana vavo maererano nezano renyu changamire uye maererano nezano ravanhu vanodedera mutemo waMwari wedu, zviitwewo maererano nezviri mumutemo.

⁴Chisumukai nokuti irori ibasa renyu, isu tinokutsigirai simbai mwoyo muzviite.”

⁵Ezira akasimuka akaitisa vakuru vakuru navapristi navaRevhi neveIsiraeri vose chitsidzo chokuti vachaita zvakanga zvarehwa zvacho. Nokudaro vakaita chitsidzo.

⁶Ezira akabva pamberi pemba yaMwari akaenda kumba kwaJehohanani mwanakomana waEriyashibhu. Ndokwaakaenda akandorarako asingadye kana kunwa mvura nokuti akanga achichema kusatendeka kwevaye vakatandanisirwa kusiri kwavo.

⁷Kwakatumwa chirevo kwaJudha yose neJerusaremu kune vose vakanga vatamisirwa kusi kwavo vaye kuti vaungane kuJerusaremu

⁸uye kuti kana munhu akarega kuuyako mazuva matatu asati apera, sezvanga zvatemwa namakurukota navakuru vakuru kuti abvutirwe zvinhu zvaanazvo iye pachake agodzingwa mugungano revaye vokunga vatapwa vachiendeswa kusi kwavo.

⁹Varume vose vokwaJudha nevokwaBhenjamini vakaungana kuJerusaremu mumazuva matatu uri mwedzi wechipfumbamwe musi wechimakumi maviri womwedzi iwoyo. Vanhu vose vakaungana munhandare yepamusuo wemba yaMwari vachidedera kutya nyaya iyoyi uyewo pamusana pemvura zhinji yainaya.

¹⁰Mupristi Ezira akasimuka akati kwavari, “Makakanganisa nokuroora kwamakaita vakadzi vechirudzi mukaita kuti mhosva yeIsiraeri ikure.

¹¹Zvino reururai kuna Tenzi, Mwari wamadzibaba enyu muite kuda kwake muzvitsaure kuvanhu vomunyika muno navakadzi vechirudzi.”

¹²Vanhu vose vakapindura nezwi guru vachiti, “Ndizvozvo chaizvo! Tinofanira kuita sezvamareva.

¹³Asika vanhu vakawanda ava uye inguva yokuwanda kwemvura yokunaya. Hatigone kuramba takamira panze pano uye harisi basa rezuva rimwechete kana maviri nokuti kukanganisa kwedu panyaya iyoyi kukuru chaizvo.

¹⁴Mochirega makurukota edu amiririre gungano rose, maguta edu ose ana vakadzi vacho vechirudzi vazouya panguva dzakatemwa. Vanofanira kuuya navakuru vakuru navotongi veguta iroro kusvikira hasha dzaMwari wedu dzinotyisa kwatiri panyaya iyoyi dzapora.”

¹⁵Jonatani mwanakomana waAsaheri naJahizeya mwanakomana waTikivha vakapikisana nazvo. Asi Meshuramu naShebhetai vaRevhi vakatsigirana navo.

¹⁶Vokudzoka vaye vokunga vatapwa vachiendeswa kusiri kwavo vaye vakaita saizvozvo. Mupristi Ezira akasarudza varume vatungamiriri vedzimba dzamadzibaba avo imba nemba mumwe nomumwe achidomwa nezita. Pazuva rechiposhi romwedzi wegumi vakagara pasi vakatangisa kuongorora nyaya iyoyi.

¹⁷Nezuva rechiposhi romwedzi wokutanga vakatenge vatopedzerana nevarume vose vakanga vane vakadzi vechirudzi.

¹⁸Pakati pevanakomana vokuvapristi: vanhu vakawanika vakaroora vakadzi vechirudzi ndevava ava: kuvanakomana vokwaJeshua: nokwaJozadhaki nehama dzavo, ndiMaaseya naEriezero naJaribhu naGedhariya.

¹⁹Vakazvisunga nemhiko kuramba vakadzi vavo. Mupiro wokuripa mhosva wavakabvisira mhosva yavo ndowehondohwe yepazvipfuwo zvomudanga.

²⁰Kuvanakomana vokwaImero: kukawanikawo Hanani naZebhadhiya

²¹Kuvanakomana vokwaHarimu: kukawanika kuina Maaseya naEriya naShemaya naJehieri naUziya

²²kuvanakomana vokwaPashuri: kukawanikawo Erioenai naMaaseya naIshimaeri naNetaneri naJozabhadhi naErasa.

²³KuvaRevhi: kwakawanika kuina Jozabhadhi naShimei naKeraya (Keraya uyu ndiye wakareyo Kerita) uye Petahiya naJudha naEriezero

²⁴Kuvaimbi: uku kuna Eriyashibhu Kuvachengetedzi vepamisuo: mikuru kwaivawo naSharumu naTeremu naUri.

²⁵Kune vokwaIsiraeri: kuvanakomana vokwaParoshi: ndiRamia naIzia naMarukiya naMijamini naEreazari naMarukiya naBhenaya.

²⁶Kuvanakomana vokwaEramu: kuna Mataniya naZekariya naJehieri naAbhudhi naJeremoti naEriya.

²⁷Kuvanakomana vokwaZatu: kwaiva naErioenai naEriyashibhu naMataniya naJeremoti naZabhadhi naAziza

²⁸kuvanakomana vokwaBhebhai: ndiJehohanani naHananiya naZabhai naAtirai

²⁹Kuvanakomana vokwaBhani: ndiMeshuramu naMaruki naAdhaya naJashubhu naSheari naJeremoti

³⁰Kuvanakomana vokwaPahatimoabhu: kwakawanikwa kuina Adhina naKerari naBhenaya naMaaseya naMataniya naBhezarieri naBhinui naManase

³¹Kuvanakomanawo vokwaHarimu: kwaiva naEriezero naIshiya naMarukiya naShemaya naShimeoni

³²naBhenjamini naMaruki naShemariya

³³Kuvanakomana vokwaHashumu: kuna Matenai naMatata naZabhadhi naErifereti naJeremai naManase naShimei

³⁴Kuvanakomana vokwaBhani: kwaivawo naMaadhai naAmuramu naUeri

³⁵naBhenaya naBhedheya naKeruhi

³⁶naVhaniya naMeremoti naEriyashibhu

³⁷naMataniya naMatenai naJaasu

³⁸Kuvanakomana vokwaBhinui: kwaiva naShimei

³⁹naSheremiya naNatani naAdhaya

⁴⁰naMakinadhebhu naShashai naSharai

⁴¹naAzareri naSheremiya naShemariya

⁴²naSharumu naAmariya naJosefi

⁴³Kuvanakomana vokwaNebho: kukawanikwa kuna Jeieri naMatitiya naZabhadhi naZebhina naJadhai naJoeri naBhenaya.

⁴⁴Vose ivava vakanga varoora vakadzi vechirudzi vakavapa vana.[6]