Read Bhaibhiri Idzva rechiShona Ezira 2 Bible Online

Ezira 2 - Bhaibhiri Idzva rechiShona bible

Ezira 2

¹Zvino ava ndivo vanhu vedunhu iroro vakabva kuutapwa pane vakanga vatamiswa naNebhukadhineza mambo weBhabhironi vaendeswa kuutapwa kuBhabhironi. Vakadzokera kuJerusaremu kwaJudha mumwe nomumwe kuguta rokwake.

²Vakauya navo ndiZerubhabhero naJeshua naNehemiya naSeraya naReeraya naModhekai naBhirishani naMisipari naBhigivhai naReumu naBhaana. Pavanhu veIsiraeri, uwandi hwavarume vacho hwaiva hwakamira hwakadai izvi:

³vanakomana vakwaParoshi vaiva zviuru zviviri zvine zana nemakumi manomwe ane vaviri,

⁴kwouya vokwaShefatiya vari mazana matatu namakumi manomwe navaviri,

⁵kwoti vokwaAra variwo mazana manomwe ane makumi manomwe ane vashanu,

⁶kwotiwo vakwaPahatimoabhu vari vokwaJeshua naJoabhu vari zviuru zviviri zvine mazana masere negumi navaviri,

⁷kwouyawo vokwaEramu vari chiuru chine mazana maviri ane makumi mashanu avanhu,

⁸kwoti vokwaZatu vaiva mazana mapfumbamwe ane makumi mana navashanu,

⁹kwozouya vokwaZakai variwo mazana manomwe ane makumi matanhatu,

¹⁰kukati vokwaBhani vari mazana matanhatu ane makumi mana navaviri,

¹¹kukatiwo vokwaBhebhai mazana matanhatu ane makumi maviri navatatu,

¹²kuchitiwo vokwaAzigadhi chiuru chine mazana maviri namakumi maviri ane vaviri,

¹³kwouya vokwaAdhonikamu vaiva mazana matanhatu ane makumi matanhatu navatanhatu,

¹⁴kwouyawo vokwaBhigivhai vari zviuru zviviri zvina makumi mashanu navatanhatu,

¹⁵kwozoti vokwaAdhini mazana mana namakumi mashanu navana,

¹⁶kwozotiwo vokwaAtero vari vokwaHezekiya makumi mapfumbamwe ana vasere,

¹⁷kwouya vokwaBhezai mazana matatu nemakumi maviri ana vatatu,

¹⁸kwouyawo vokwaJora vaiva zana negumi navaviri,

¹⁹kwoti vokwoHashumu vari mazana maviri ana makumi maviri navatatu,

²⁰kwotiwo vokwaGibhari mazana mapfumbamwe ana vashanu.

²¹Vanakomana vokwaBheterehemu vaiva zana namakumi maviri ana vatatu,

²²kwouya vokwaNetofa vari makumi mashanu ana vatanhatu,

²³navarume vokwaAnatoti zana namakumi maviri navasere,

²⁴vanakomana vokwaAzimavheti makumi mana navaviri,

²⁵kwouya nevokuKiriyatijearimu, Kefira naBheeroti mazana manomwe ana makumi mana navatatu,

²⁶kwouyawo vokuRama nokuGebha vaiva mazana matanhatu ana makumi maviri nomumwechete,

²⁷uye vokwaMikimashi vari zana namakumi maviri navaviri,

²⁸uyewo varume vokuBhetieri nokuAi mazana maviri ana makumi maviri navatatu

²⁹uyezve varume vokwaNebho makumi mashanu navaviri,

³⁰uye varume vokwaMagibhishi zana namakumi mashanu ane vatanhatu,

³¹uyewo vanakomana vokune imwe Eramu vaiva chiuru namazana maviri namakumi mashanu ana vana,

³²kwouya vokwaHarimu vari mazana matatu namakumi maviri,

³³kwouyawo vokwaRodhi nokwaHadhidhi okwaOno mazana manomwe ana makumi maviri nevashanu,

³⁴kwoti vokuJeriko mazana matatu ana makumi mana navashanu,

³⁵kwotiwo vokwaSenaa zviuru zvitatu zvine mazana matanhatu namakumi matatu.

³⁶Vapristi: vanakomana vokwaJedhaya vari vemba yokwaJeshua vaiva mazana mapfumbambwe ana makumi manomwe nevatatu,

³⁷kwouya vokwaImero vari chiuru chine makumi mashanu ane vaviri,

³⁸kwouyawo vokwaPashihuru chiuru china mazana maviri ana makumi mana navanomwe

³⁹kwozouya vokwaHarimu chiuru chine gumi navanomwe.

⁴⁰VaRevhi, vanakomana vokwaJeshua nevokwaKadhimieri vechizvarwa chokwaHodhavhiya vaiva makumi manomwe ane vana.

⁴¹Vaimbi vana vokwaAsafu vaivawo zana namakumi maviri navasere.

⁴²Vachengetedzi vepamisuo mikuru vaiva vanakomana vevava vanoti: Sharumu naAtero naTarimoni naAkubhu naHatita naShobhari. Pamwechete vaiva zana namakumi matatu navapfumbamwe.

⁴³Vashandi vomuTemberi: vaiva vanakomana vavavawo vanoti: Ziha naHashupa naTabhahodhi

⁴⁴naSairosi naSiaha naPadhoni

⁴⁵naRebhana naHagabha naAkubhu

⁴⁶naHagabhu naSharimai[1] naHanani

⁴⁷naGidhero naGahari naReaya

⁴⁸naRezini naNekodha naGazamu

⁴⁹naUza naPaseya naBhesai

⁵⁰naAsina naMeunimu naNefisimu

⁵¹naBhakibhu naHakufa naHarihuru

⁵²naBhazirati naMehidha naHarisha

⁵³naBharikosi naSisera naTema

⁵⁴naNezia naHatifa.

⁵⁵Vanakomana vavaranda vaSoromoni: vakanga vakamira vakadai, paiti: vanakomana vokwaSotai naHasofereti naPerudha

⁵⁶naJaara naDharikoni naGidhero

⁵⁷naShefatiya naHitiri naPokeretihazibhaimu naAmi.

⁵⁸Ivava vepaTemberi pamwechete navaranda vaSoromoni vose vaiva mazana matatu ana makumi mapfumbamwe navaviri.

⁵⁹Kune vamwe vaibva kuTerimera nokuTeriharisha nokuKerubhu nokuAdhani nokuImero, asi havana kukwanisa kurondedzera dzimba dzamadzibaba avo kuti ivo pachavo ndevechiIsiraeri here kana kuti kwete.

⁶⁰Vakanga vari vanakomana vaava vanoti: Dheraya naTobhiya naNekodha. Ivava ava vaiva vari mazana matanhatu ane makumi mashanu navaviri.

⁶¹Pakati pavapristiwo: paivawo navanakomana veava vanoti: Habhaya naHakozi naBhazirai (Bhazirai uya wokuroora mwana waBhazirai wokuGireadhi akazenge ava kudaidzwa nezita ravo)

⁶²Ivava ava vakatsvaka mazita avo pamazita akanga akanyorwa chizvarwa nechizvarwa asi haana kuwanikwapo. Ipapo paupristi vakanzi vakan'ora.

⁶³Sadunhu akavati varege kudya zvokudya zvinoeresesa kusvikira patova nomupristi wokunzwa Mwari kuti anoti kudii achishandisa Urimu neTumimu.[2]

⁶⁴Gungano racho rose pamwechete rakanga riina vanhu zviuru makumi mana ane zviviri namazana matatu ane makumi matanhatu avanhu

⁶⁵tisingaverengere varanda vavo vechirume nevechikadzi vakangawo vari zviuru zvinomwe zvavanhu zvina vanhu mazana matatu ana makumi matatu navanomwe. Vakangawo vaine vaimbi varume navakadzi vaiita mazana maviri.

⁶⁶Vaive namabhiza mazana manomwe ane makumi matatu ana matanhatu nemanyurusi mazana maviri ana makumi mana namashanu,

⁶⁷kwozouya ngamera mazana mana ana makumi matatu ane shanu namadhongi zviuru zvitanhatu zvine mazana manomwe namakumi maviri.

⁶⁸Vamwe vatungamiriri vedzimhuri pavakasvika kumba yaTenzi yakanga iri kuJerusaremu vakabvisira imba yaMwari mipiro yokupa nechido yokuivakisa panzvimbo payo.

⁶⁹Vakabvisa sokugonawo kwavo vachipa kune vokuchengeta maigara upfumi hwakanangana nebasa iroro ndarama yaiita mazana mashanu amakirogiramu nesirivha yainge yoda kuita matani maviri ana makirogiramu mazana masere nezana rehanzu dzavapristi.

⁷⁰Vapristi navaRevhi navanhu vamwe navaimbi navachengetedzi vemisuo mikuru navashandi vepatemberi vakagara mumaguta ekwavo. VaIsiraeri vosewo vakagara mumaguta ekwavo.