Read Bhaibhiri Idzva rechiShona Jobhu 16 Bible Online

Jobhu 16 - Bhaibhiri Idzva rechiShona bible

Jobhu 16

¹Mhinduro yechipiri yaJobhu kuna Erifasi. Jobhu akazopindura achiti,

²“Ndakanzwa zvinhu zvizhinji zvakadaro, muri vanyaradzi vasina maturo, mose zvenyu.

³Ko iwo mwando pakutaura uchapera here? Chiri kukurwadzai chii kurambotaura kudaro?

⁴Ndaigonawo kutaura sezvamunoita. Dai murimi izvozvi ndingadai ndichivirikidzanisa mazwi pamuri, ndichikudzungudzirai musoro.

⁵Ndingadai ndichikusimbaradzai namazwi omuromo wangu ndichikunyaradzai zvisina mugumo.

⁶Kana ndikataura, kurwadziwa kwangu hakumiri. Ndikati ndinyarare kurwadziwa hakundisiye.

⁷“Chokwadi chokwadi zvino, Mwari mandisakadza, makandiparadzira mhuri yangu yose.

⁸Makaita kuti ndiperezeke muviri kuonda kwangu ndicho chapupu changu chinonongedza kwandiri mhosva yangu.[17]

⁹Mwari akandibvambura-bvambura aine hasha, akandivenga, akandichenamira meno muvengi wangu akandidzvondorera maziso

¹⁰vanondishamira muromo kwazvo vachindituka, vachindipamhadza padama, vose vachindimukira.

¹¹Mwari akandiisa kuvanhu vasina kururama akandikanda mumaoko avaipi.

¹²Ndakanga ndigere zvangu zvakanaka akandibvambura. Akandibata pamutsipa akandipwanya-pwanya ini ndini waanangana naye.

¹³Anondibaya mativi ose nemiseve yake anondifushunurira pasi nduru zvisina tsitsi.

¹⁴Anondirova andirovazve, anomhanya kwandiri sezvinoita gamba rokurwa.

¹⁵Ndasonera ganda rangu hembe dzamasaga. Mbiri yangu ndakairega ichiti warara zvayo pasi.

¹⁶Uso hwangu hwatsvuka ropa. Pamaziso angu pane mumvuri worufu.

¹⁷Asi maoko angu akachena uye kunamata kwangu ndekwepachokwadi.

¹⁸“Iwe nyika rega kufushira ropa rangu kuchema kwangu ngakurege kugara pasi.

¹⁹Nazvino chapupu changu chiri kudenga uye anonditsigira ari kumusoro.

²⁰Shamwari dzangu dzinonditarisa dzichishora, meso angu achamokotekera Mwari misodzi.

²¹Dai waro paine angareverere munhu pana Mwari, sezvingaitwe pakati pomunhu nomumwe wake?

²²Makore mashomanana akapfuura ini ndobva ndazoenda nenzira yandisingazodzoki.”