Read Bhaibhiri Idzva rechiShona Jobhu 40 Bible Online

Jobhu 40 - Bhaibhiri Idzva rechiShona bible

Jobhu 40

¹Mwari akaenderera mberi kupindura Jobhu achiti,

²“Iye anoita gakava naSamasimba acharegera here? Iye anotsoropodza Mwari ngaapindure.”

³Jobhu akapindura Tenzi achiti:

⁴“Ndiri chiiwo zvangu, chii chandingapindurewo? Changu kungangova kungobata muromo wangu.

⁵Ndakataura kamwechete ikako ndikako, handichapinduri. Ndakaita ruviri, handichaitazve.”

⁶Ipapo Mwari akapindura Jobhu mudutu remhepo achiti,

⁷“Chipfeka zvino uite somurume ndikubvunze, iwe unditaurire.

⁸Wava kutoti ururami hwangu hauna maturoka iwe? Wavakutondipa mhosvaka iwe kuti uzviti wakarurama?

⁹Ruoko rwako runesimba raMwari here? Ungadzvove here sezvaanoita?

¹⁰Ko zvino chipfekaka chiremera chako noukuru, chipfeka mbiri nokurumbidzwa kwako.

¹¹Hasha dzako ngadziputike utarise munhu wose anozvikudza umuninipise.

¹²Tarisa munhu wose anozvitutumadza umudukupise utsokodzere vakaipa pavari ipapo.

¹³Vavige vose pamwechete muvhu uvapombere uso muguva.

¹⁴Kana iniwo ndingatozobvuma kuti nesimba roruoko rwako rworudyi unogona kuzviponesa.

¹⁵“Tarisa uone mvuu[31] yandakasika sewe inofura sora semombe.

¹⁶Kusimba here ikoko kwayakaita muchiuno chayo! Nairo simba renyama dzepadumbu payo.

¹⁷Muswe wayo unoomarara somusidhari. Marunda ezvidya zvayo akanyatsorukana.

¹⁸Mapfupa ayo akaita sepombi dzendarira mbabvu dzayo mibhadha zvayo yesimbi.

¹⁹Ndiyo yokutanga pazvisikwa zvaMwari, Musiki wayo ndiye chete anogona kuisvikira nebakatwa.

²⁰Makomo anoipa zvibereko zvawo munotamba mhuka dzose dzesango.[32]

²¹Inorara pasi pomuti womunzwa yakahwanda mujakata retsanga nomumajahwi.

²²Muti womunzwa ndiwo unoipa mumvuri yakatenderedzwa nomusambagwena.

²³Kana rwizi rwuzere iyo haimbovhunduki. Kunyange rwizi rweJorodhani rukaisvika pamuromo, iyo haitirimuki.

²⁴Munhu angaibate nechirauro[33] kana kuboora mhuno dzayo nechokuteesa?”