Read Bhaibhiri Idzva rechiShona Nziyo 108 Bible Online

Nziyo 108 - Bhaibhiri Idzva rechiShona bible

Nziyo 108

¹Nyika inokumbira rubatsiro pamusana pavavengi Mwoyo wangu wakagadzikana Mwari, mwoyo wakagadzikana. Ndichaimba ndichirumbidza; muka iwe mweya wangu.

²Mukai imi dimbwa nechipendani ndimutse mambakwedza.

³Ndichakutendai TENZI pakati pavanhu vamarudzi ndichaimba ndichikurumbidzai pakati pendudzi dzavanhu

⁴nokuti mwoyochena wenyu mukuru kumusoro kumatenga uye kutendeka kwenyu kunosvika kumakore.

⁵Dai mangokudzwa zvenyu Mwari kumusoro kumatenga; mbiri yenyu idhumhe pasi pose.

⁶Kuitira kuti vapamwoyo penyu vaponeswe. Batsirai nesimba roruoko rwenyu mundipindurewo.

⁷Mwari akatsidza noutsvene hwake achiti, “Ndichagamura Shikemu ndichifara. Ndichagovawo mapani eSukoti.

⁸Nyika yeGiriadhi ndeyangu, neyekwaManase ndeyangu, yokwaEfuremu inguwani yangu, yokwaJudha ndiyo tsvimbo yangu youmambo,

⁹yokwaMoabhu ndiyo mudziyo wangu wokugezera. Pane yeEdhomu ndipo pandinokanda shangu dzangu. Firisitia ichapururudzira kukunda kwangu.”

¹⁰Ko zvino ndiani achanditsvitsa kuguta rokuzvidzivirira muhondo ndiani achanditungamirira kuEdhomu.

¹¹Hamusirimi here makatirasa nhai Mwari? Hamuchaperekedzi hondo dzeduka, imi Mwari?

¹²Tibatsireiwo kurwisa mhandu dzedu nokuti rubatsiro rwomunhu haruna maturo.

¹³Kana Mwari anesu tinorwisa zvine simba. Ndiye achatsikatsika mhandu dzedu.