Read Bhaibhiri Idzva rechiShona Nziyo 2 Bible Online

Nziyo 2 - Bhaibhiri Idzva rechiShona bible

Nziyo 2

¹Ko ivo vechirudzi, vanodirei kuti ungaunga, vachiita bope marudzi avanhu achidai kuita bangano risina maturo.

²Madzimambo apasi ari kunyatsoungana, uye vatongi vari kuitira TENZI nomuzodzwa wake musangano, vachiti:

³“Ngatidamburei zvitorobho zvavo titakanurire uko tambo dzavo.”

⁴Iye agere kumatenga anovaseka zvake TENZI anovaita chiseko chaicho.

⁵Ndipo paachazotaura kwavari zvehasha achivavhundutsira nokuviruka kwake nehasha.

⁶Achiti, “Ini ndini ndakagadza mambo wangu paZioni, gomo rangu rinoera.

⁷Ndichataura pachena chirevo chaTENZI akanditi iwe ndiwe mwanakomana wangu, nhasi ndakubereka.

⁸Ndikumbire zvako ndigokupa marudzi avanhu kuti ave nhaka yako kunyange nyika, kusvika nokwainoperera kuti ive yako.

⁹Uchavatyora netsvimbo yesimbi ugovapwanya kuti mwarara somudziyo womuumbi wehari.

¹⁰Zvino imi madzimambo, ngwarai, inzwai kuyambirwa kwamunoitwa, imi vatongi venyika.

¹¹Shandirai TENZI muchimutya,[2]

¹²mudederei pamunomuremekedza.[3] Angadaro akashatirwa mukaparara munzira nokuti haatane kushatirwa. Vakakomborerwa zvavo vanopotera maari.”