Read Bhaibhiri Idzva rechiShona Nziyo 97 Bible Online

Nziyo 97 - Bhaibhiri Idzva rechiShona bible

Nziyo 97

¹TENZI ndimambo nyika ngaifare imi zvitsuwa zvizhinji farai.

²Makore nezarima zvakamukomberedza ururami noruenzaniso ndizvo hwaro hwechigaro chake chokutonga.

³Moto unofamba uri mberi kwake uchipisa vavengi vake kumativi ose.

⁴Mheni yake inopenyesa pasi nyika inozviona igondengendeka.

⁵Makomo anonyungudika senamo pamberi paTENZI, pamberi paTENZI wapasi pose.

⁶Matenga anoparidza ururami hwake vanhu vose vanonzwa mbiri yake.

⁷Vose vanonamata zvifananidzo, vanonyadziswa, vanozvikudza nezvifananidzo zvokunamata zvisina maturo, vamwari vose vanomugwadamira.

⁸Guta reZioni rinozvinzwa rigofara uye tuguta[47] twokwaJudha tugofara pamusana pokutonga kwenyu Mwari.

⁹Nokuti imi TENZI ndimi mukurukuru pasi pose. Imi munorumbidzwa zvakanyanya kupinda vamwari vose.

¹⁰TENZI anoda vanovenga uipi anochengetedza upenyu hwavatsvene vake, anovanunura mumaoko avakaipa.

¹¹Chiedza chinobudira varurami uye rufaro kune vane mwoyo uri pachokwadi.

¹²Farai naTENZI imi makarurama tendai zita rake rinoera.