Read Bhaibhiri Idzva rechiShona Rwiyo 3 Bible Online

Rwiyo 3 - Bhaibhiri Idzva rechiShona bible

Rwiyo 3

¹Usiku ndiri pauriri hwangu pfungwa dzangu dzaiva kumudiwa wangu ndaingomutsvaka asi handina kumuona, ndakamudaidza[3] asi haana kudavira.

²Ndakati regai ndisimuke ndimutsvake muguta iye wangu wapamwoyo mumigwagwa nemumisika ndakamutsvaka asi handina kumuwana.

³Vachengetedzi veguta vakandiona pavaingunofamba neguta ndakavati, “Mamboonawo here mudiwa wangu?”

⁴Ndakangovati pfuurei ndokubva ndamuwana wandinoda. Ndakabva ndamuti mbunde ndisingade kuti aende kusvikira ndaenda naye kumba kwaamai vangu, mumba mewakandibereka wacho.

⁵Ndinokukomeresai imi vanasikana veJerusaremu mupike nemhara nemhene dzesango kuti hamutirimutsi kana kumutsa havi dzorudo nguva yacho isati yasvika.

⁶Ko chiiko icho chiri kubva nokurenje chakaita seshongwe youtsi chinonhuwirira serusenzi nemura netunonhuwira twose twavashambadzi?

⁷Inga chigaro chaSoromoni wani akakombwa namakumi matanhatu emagamba pamagamba okwaIsiraeri.

⁸Vose vakapakata mapakatwa avo dziri nyanzvi dzokurwa hondo. Vose vakanga vakagadzirira kwazvo, munhu nebakatwa rake parutivi kuti chauya chauya usiku.

⁹Mambo Soromoni akazvigadzirira chigaro nemiti yokuRebhanoni.

¹⁰Mapango acho okumisa aiva esirivha, katenga kacho kari kendarama, chigaro chacho chiri cheruvara rwehute mukati macho makanga makanyatsogadzirwa kwazvo navakadzi veJerusaremu.

¹¹Budai vanasikana vemuZioni muone zvenyu Mambo Soromoni, mumusoro akaiti dzi ngundu youshe, ndaza yaakagadzwa nayo naamai vake pazuva romuchato wake, pazuva romwoyo wake, zuva rerufaro.