Read Bhaibhiri Idzva rechiShona Vakorose 4 Bible Online

Vakorose 4 - Bhaibhiri Idzva rechiShona bible

Vakorose 4

¹Vanatenzi batai varanda venyu zvino ruenzaniso uye zvakarurama muchizivawo kuti imi muna tenzi kudenga.

²Rambai muchinamata, mungwarire kunamata muchitenda.

³Mutinamatirewo kuti Mwari atizarurire musuo weshoko kuti tiparidze zvakavandika zvaKristu. Ndiri muno mujeri pamusana pazvo

⁴kuti ndiri tsanangure zviri pachena sezvandinofanira kuti ndiite.

⁵Fambidzanai noungwaru navasiri mubato renyu. Pane zvenguva, mototi chawawana batisa.

⁶Matauriro enyu ngaave matauriro akanaka kuti muzive kunyatsodavira anenge akubvunzai.

⁷Tikikusi achakuzivisai nezvangu zvese. Ihama yapamwoyo, mushandiri akatendeka mushandipamwechete muna Tenzi.

⁸Izvozvi ndizvo zvakaita kuti ndimutumire kwamuri kuti imi muzive kuti isu takadii uye kuti, agokukurudzirai

⁹Ndamutumira pamwechete naOnesimo hama yakatendeka yapamwoyo, mumwe wenyu. Vachakutaurirai zvose zvakaitika kuno.

¹⁰Muri kukwaziswa naAristakusi, musungwa pamwechete neni uye Mariko munun'una wamakarairirwa nezvake. Kana auya kwamuri mugamuchirei

¹¹naJesu anonzi Jusutusi ivava ndivo chete vokudzingiswa pakati pavashandipamwe neni muumambo hwaMwari, ndivo vaindinyaradza.

¹²Epafurasi, mumwe wenyu, muranda waKristu Jesu, ari kukukwazisai. Anokuyeukai nguva dzose mumunamato kuti muve vanhu vabve zano uye muchinyatsoziva zvose zvinodiwa naMwari.

¹³Ini ndinomupupurira kuti akakushandirai zvakaoma imi nevokuRaodhesia nevokuHeraporisi.

¹⁴Ruka, chiremba wapamwoyo naDhemasi vanokukwazisai.

¹⁵Ndikwazisireiwo hama dziri muRaodhesia naNipfa nesangano riri pamusha pake.

¹⁶Kana tsamba iyi yaverengwa pakati penyu, ngaiverengwewo musangano rovokuRaodhesia. Imiwo munofanira kuzoverenga yokuRaodhesia.

¹⁷Muti kuna Achipusi, “Unofanira kuita basa rawakagamuchira kuna Tenzi.”

¹⁸Ndini Pauro ndinonyora noruoko rwangu ndichikukwazisai. Yeukai ngetani dzangu. Nyasha ngadzive nemi.