Read Bhaibhiri Idzva rechiShona Joshuwa 19 Bible Online

Joshuwa 19 - Bhaibhiri Idzva rechiShona bible

Joshuwa 19

¹Mugove wakapiwa vedzinza rokwaSimeoni mhuri nemhuri ndiwo wakatevera kubuda pachin'ange. Vakagoverwa nyika yenhaka yavo mukati menyika yedzinza rokwaJudha.

²Maguta omunyika yenhaka yavo ndeaya: kunoti reBheerishebha neMoradha,

³kwoti reHazorishuarinebhara,

⁴kwozoti reEritoradhi neBheturu neHoruma.

⁵Kwouyawo reZikiragi neBhetimarikabhoti neHazarisusa,

⁶kwotiwo Bhetirebhaoti neSharuheni pamwechete aiita maguta gumi namatatu nemisha yawo.

⁷Kwaizotiwo guta reAini neRimori neEteri neAshani pamwechete aita maguta mana nemisha yawo.

⁸Nemisha yomunharaunda memaguta iwayo kusvikira kuBhaaratibheeri neguta reRama, rokuNegevhu. Iyoyo ndiyo nyika yenhaka yedzedzinza rokwaSimeoni mhuri nemhuri.

⁹Nyika yenhaka yevedzinza rokwaSimeoni yaiva mukati menyika yenhaka yevokwaJudha nokuti mugove wevokwaJudha wakanga wakakurisa kwavari. Saka vedzinza rokwaSimeoni vakazowana nhaka yenyika mukati menyika yenhaka yevokwaJudha.

¹⁰Mugove wakapiwa vedzinza rokwaZebhuruni mhuri nemhuri ndowakava wechitatu kubuda pachin'ange. Muganhu wenyika yavo yenhaka yaindosvika kuSaridhi.

¹¹Waizobva wonanga nokumadokero kusvikira kuMareari uchindobatana neDhabhesheti wondosvika kukakova kari kumabvazuva kweJokuneamu.

¹²Waibvirawo kuSaridhi wonanga nechokumabvazuva kusvikira kumuganhu neKisirotitabhori wopfuura wosvika kuDhabherati hoyo wokwidza kuJafia.

¹³Waizobva ipapo woti tande wakananga kumabvazuva kusvikira kuGatiheferi nokuEtikazini wonanga kuRimoni uchipota nokuNea.

¹⁴Kuchamhembe, muganhu wayo unopinduka wakananga kuHamatoni uchindoperera kubani reIfutaheri.

¹⁵Guta reKatati nereNaharari neShimuroni neIdhara neBheterehemu aivawo avo, ose pamwechete aiva maguta gumi namaviri nemisha yawo.

¹⁶Iyoyi ndiyo nhaka yevedzinza rokwaZebhuruni mhuri nemhuri maguta iwayo nemisha yawo.

¹⁷Mugove wakagoverwa vedzinza rokwaIsakari mhuri nemhuri ndiwo wakava wechina kubuda.

¹⁸Maguta omunyika yavo ndeaya: Kunoti guta reJezireeri neKesuroti neShunemu;

¹⁹kwouya reHafaraimu neShioni neAnaharoti;

²⁰kwoti reRabhiti neKishioni neEbhezi.

²¹Kwozoti reRemeti neEniganimu neEnihadha neBhetipazezi.

²²Muganhu wayo waindosvika napaTabhori napaShahazuma napaBhetishemeshi wondoperera muna Jorodhani. Ose pamwechete aiva maguta gumi namatanhatu nemisha yawo.

²³Iyoyi ndonhaka yevedzinza rokwaIsakari mhuri nemhuri maguta acho nemisha yawo.

²⁴Mugove wakagoverwa vedzinza rokwaAsheru mhuri nemhuri ndiwo wakava wechishanu kubuda.

²⁵Maguta omunyika yavo ndeaya: Kunoti guta reHerikati neHari neBheteni neAkishafu,

²⁶kwouya reAramumereki neAmadhi neMishari. Kumadokeri, yaindosvika kuKarimeri nokuShihoriribhunati.

²⁷Kumabvazuva yaitenderera yondosvika kuBhetidagoni nokuZebhuruni heyo kubani raIfutaeri yonanga kuchamhembe yosvika kuBhitiemeki nokuNeieri yoramba ichienda kuchamhembe kusvikira kuKabhuru,

²⁸neEbhuroni neRehobhu neHamoni neKana kudzamara muSidhoni romukurumbira.

²⁹Muganhu wayo waizotendeuka wonanga kuRama uchindosvika kuguta retsvingo, reTire wopinduka wosvika kuHosa ichindosvika kugungwa reMedhiterenieni.

³⁰Kwouyawo guta reMaharabhu neAkizibhu neUma neAfeki neRehobhu. Ose pamwechete aiva makumi maviri amaguta ana maguta maviri nemisha yawo.

³¹Iyoyi ndonhaka yevedzinza rokwaAsheru mhuri nemhuri maguta iwaya nemisha yawo.

³²Mugove wakagoverwa vedzinza rokwaNafutari mhuri nemhuri ndiwo wakava wechitanhatu kubuda.

³³Muganhu wenyika yavo waibvira kuHerefu pamuti womuoku wokuZaananimu uchienda nokuAhaminekebhu nokuJabhuneeri kusvikira kuRakumu uchindosvika muna Jorodhani.

³⁴Waizobvapo wonanga kumadokero kuAzinotitabhori, wobva ipapo wondosvika kuHukoki wosvika kumaodzanyemba kumuganhu nevokwaZebhuruni. Kumadokero yaiganhurana nevokwaAsheu, kumabvazuva ichiganhurwa naJorodhani.[7]

³⁵Maguta acho ane tsvingo ndeaya: kunoti guta reZidhimu neZeri neHamati neRakati neKinereti;

³⁶Kwoti reAdhama neRama neHazori

³⁷neKedheshi neEdhirei neEnihazori,

³⁸kwouya reYironi neMigidhareri neHoremu neBhetianoti neBhetishemeshi. Ose pamwechete aiva gumi ramaguta rina maguta mapfumbamwe nemisha yawo.

³⁹Iyoyi ndiyo nhaka yevedzinza rokwaNafutari mhuri nemhuri maguta acho nemisha yawo.

⁴⁰Mugove wakagoverwa vemhuri dzedzinza rokwaDhani ndiwo wakava wechinomwe.

⁴¹Maguta omunyika yavo yenhaka ndiwo aya kunoti: guta reZora neEshitaori neguta reIrishemeshi.

⁴²Kwoti reShaarabhini neAijaroni neItira.

⁴³Kwoti reEroni neTimuna neEkironi,

⁴⁴neEriteke neGibheoni neBhaarati,

⁴⁵neJehudhi neBhenebheraki neGatirimoni.

⁴⁶Ndokuzouya guta reMejarikoni neRakoni pamwechete nenyika yakatarisana neJopa.

⁴⁷Vedzinza rokwaDhani pavakarasikirwa nenyika yavo, vakandorwisa guta reReshemu. Vakarikurira vakauraya namapakatwa vanhu vomo, vakariita ravo. Vakatumidza guta iri reReshemu zita ratateguru wavo rokuti Dhani.

⁴⁸Iyoyi ndiyo nhaka yevedzinza rokwaDhani mhuri nemhuri namaguta iwaya nemisha yawo.

⁴⁹VaIsiraeri vakati vapedza kugovera nyika, vakapawo Joshuwa mwanakomana waNunu nhaka mukati mavo.

⁵⁰Sokuudzwa kwavakanga vaitwa naTenzi vakamupa guta raakanga akumbira reTimunatisera romunyika yaEfuraimu yemakomo. Akarivaka patsva ndokubva agaramo.

⁵¹Idzi ndidzo nhaka dzakagoverwa nomupristi Ereazari naJoshuwa mwanakomana waNuni navakuru vakuru vamadzinza avaIsiraeri. Vakaigoveranisira kuShiro, nechin'ange pana Tenzi kumusuo wetendhe rokusanganira vakabva vapedza zvavo kugoveranisa nyika iyoyo.