Read Shona Union Version 2002 2 Samueri 9 Bible Online

2 Samueri 9 - Shona Union Version 2002 bible

2 Samueri 9

¹Zvino Dhavhidhi wakati, “Kuchinomumwe wakasara weimba yaSauro, wandingaitira zvakanaka nokuda kwaJonatani here?”

²Zvino kwakanga kuchinomuranda weimba yaSauro wainzi Zibha, vakamudanira kuna Dhavhidhi; mambo akati kwaari, “Ndiwe Zibha here?” Iye akati, “Muranda wenyu ndiye.”

³Mambo akati kwaari, “Hakuchina mumwe weimba yaSauro, wandingaitira kunaka kwaMwari here?” Zibha akati kuna mambo, “Jonatani uchinomwanakomana wakaremara tsoka.”

⁴Mambo akati kwaari, “Uripi?” Zibha akati kuna mambo, “Tarirai, uri kumba kwaMakiri mwanakomana waAmieri paRhodhebhari.”

⁵Ipapo mambo Dhavhidhi akatuma nhume kundomutora kumba kwaMakiri mwanakomana waAmieri paRhodhebhari.

⁶Naizvozvo Mefibhosheti mwanakomana waJonatani, mwanakomana waSauro, akasvika kuna Dhavhidhi, akawira pasi nechiso chake, akamupfugamira. Dhavhidhi akati, “Mefibhosheti!” Iye akapindura akati, “Tarirai muranda wenyu.”

⁷Dhavhidhi akati kwaari, “Usatya, nokuti zvirokwazvo ndichakuitira zvakanaka nokuda kwaJonatani baba vako, uye ndichakudzosera nyika yose yababa vako Sauro; iwe uchagara uchidya zvokudya patafura yangu.”

⁸Iye akamupfugamira akati, “Muranda wenyu chinyiko, zvamakatarira imbwa yakafa seni?”

⁹Ipapo mambo akadana Zibha muranda waSauro, akati kwaari, “Zvose zvakanga zviri zvaSauro neimba yake yose, ndakazvipa mwanakomana watenzi wako.

¹⁰Iwe unofanira kumurimira minda, iwe navanakomana vako, navaranda vako, nokukohwa mbesa kuti mwanakomana watenzi wako ave nezvokudya zvaangadya; asi Mefibhosheti mwanakomana watenzi wako, uchagara achidya zvokudya patafura yangu.” Zvino Zibha waiva navanakomana vane gumi navashanu navaranda vana makumi maviri.

¹¹Ipapo Zibha akati kuna mambo, “Muranda wenyu uchaita zvose zvinorairwa muranda wenyu nashe wangu mambo.” Mambo akati, “Kana ari Mefibhosheti, iye ucharamba achidya patafura yangu, somumwe wavanakomana vamambo.”

¹²Zvino Mefibhosheti waiva nomwanakomana muduku, wainzi Mika. Uye vose vakanga vagere mumba maZibha vaiva varanda vaMefibhosheti.

¹³Naizvozvo Mefibhosheti wakagara Jerusaremu, nokuti waigara achidya patafura yamambo; wakanga akaremara tsoka dzake dzose.