Read Shona Union Version 2002 1 Makoronike 24 Bible Online

1 Makoronike 24 - Shona Union Version 2002 bible

1 Makoronike 24

¹Zvino mapoka avanakomana vaAroni akanga akadai: vanakomana vaAroni: Nadhabhi, naAbhihu, naEriazari, naItamari.

²Asi Nadhabhi naAbhihu vakafa vasina vana, baba vavo vachiri vapenyu; saka Eriazari naItamari vakabata basa roupristi.

³Dhavhidhi, pamwechete naZadhoki, mumwe wavanakomana vaEriazari, naAhimereki, mumwe wavanakomana vaItamari, vakakamura sezvavakanga vagoverwa mabasa avo.

⁴Vakawana vakuru vazhinji pakati pavanakomana vaEriazari kupfuura pakati pavanakomana vaItamari; vakakamurwa kudai: Pakati pavanakomana vaEriazari kwakanga kuna vane gumi navatanhatu, vaiva vakuru vedzimba dzamadzibaba; napakati pavanakomana vaItamari, nedzimba dzamadzibaba avo vakanga vari vasere.

⁵Nokudaro vakakamurwa nemijenya, mumwe pano mumwe koko; nokuti kwakanga kuna machinda eimba tsvene, namachinda aMwari pakati pavanakomana vaItamari.

⁶Shemaya mwanakomana waNetaneri, munyori, akanga ari wavaRevhi, akavanyora pamberi pamambo, namachinda, nomupristi Zadhoki, naAhimereki mwanakomana waAbhiyatari, navakuru vedzimba dzamadzibaba avapristi navaRevhi; vachitsaura mhuri imwe kuna Eriazari, nemhuri imwe kuna Itamari.

⁷Zvino mujenya wokutanga wakabata Jehorayaribhi, wechipiri Jedheiya;

⁸wechitatu Harimi, wechina Seorimi,

⁹weshanu Marikiya, wetanhatu, Miyamini;

¹⁰wechinomwe Hakozi, worusere Abhija;

¹¹wepfumbamwe Jeshua, wegumi Shekania;

¹²wegumi nomumwe Eriashibhi, wegumi nemiviri Jakimi;

¹³wegumi nemitatu Hupa, wegumi nemina Jeshebheabhi;

¹⁴wegumi nemishanu Bhiriga, wegumi nemitanhatu Imeri;

¹⁵wegumi neminomwe Heziri, wegumi nemisere Hapizeri;

¹⁶wegumi nemipfumbamwe Petahia, wamakumi maviri Jehezekeri;

¹⁷wamakumi maviri nomumwe Jakini, wamakumi maviri nemiviri Gamuri;

¹⁸wamakumi maviri nemitatu Dheraya, wamakumi maviri nemina Maazia.

¹⁹Ndiko kukamurwa kwavo pamabasa avo, kuti vapinde imba yaJehovha pavakanga varairwa napo naAroni baba vavo, sezvaakarairwa naJehovha Mwari waIsiraeri.

²⁰Kana vari vamwe vanakomana vaRevhi, vanakomana vaAmirami: Shubhaeri; vavanakomana vaShubhaeri: Jedheiya.

²¹VaRehabhia: vavanakomana vaRehabhia: Ishia mukuru.

²²VavaIzhari: Sheromoti; vavanakomana vaSheromoti: Jahati.

²³Vavanakomana vaHebhuroni: Jeria mukuru, naAmaria wechipiri, naJahazieri wechitatu, naJekemeami wechina.

²⁴Vanakomana vaUzieri: Mika; vavanakomana vaMika: Shamiri.

²⁵Munun'una waMika: Ishia; vavanakomana vaIshia Zekariya.

²⁶Vanakomana vaMerari: Mari naMushi; vanakomana vaJazia: Bheno.

²⁷Vanakomana vaMerari: vaJazia: Bheno, naShohami, naZakuri, naIbhiri.

²⁸VaMari: Eriazari, wakanga asina vanakomana.

²⁹VaKishi: vanakomana vaKishi: Jerameeri.

³⁰Vanakomana vaMushi: Mari, naEdheri, naJerimoti. Ndivo vakanga vari vanakomana vaRevhi, nedzimba dzamadzibaba avo.

³¹Naivo vakakandawo mijenya sehama dzavo, ivo vanakomana vaAroni pamberi pamambo Dhavhidhi, naZadhoki, naAhimereki, navakuru vedzimba dzamadzibaba dzavapristi navaRevhi; dzimba dzamadzibaba dzomukuru dzaiverengwa sedzomunun'una wake.