Read Shona Union Version 2002 1 Makoronike 9 Bible Online

1 Makoronike 9 - Shona Union Version 2002 bible

1 Makoronike 9

¹Naizvozvo vaIsiraeri vose vakaverengwa mazita avo; tarirai, akanyorwa ose mubhuku yamadzimambo aIsiraeri. VaJudha vakazotapwa, vakaiswa Bhabhironi nokuda kwokudarika kwavo.

²Zvino, vakatanga kugara panyika yavo napamaguta avo, vakanga vari vaIsiraeri, navapristi, navaRevhi, navaNetinimi.

³PaJerusaremu ndipo pakanga pagere vana vaJudha, navana vaBhenjamini, navana vaEfuremu, navaManase;

⁴Utai mwanakomana waAmihudhi, mwanakomana waOmiri, mwanakomana waImiri, mwanakomana waBhani, wavana vaPerezi mwanakomana waJudha.

⁵NavaShiro: Asaya mwanakomana wedangwe, navanakomana vake.

⁶Vanakomana vaZera: Jeueri, nehama dzavo, vana mazana matanhatu namakumi mapfumbamwe.

⁷Vanakomana vaBhenjamini: Saru, mwanakomana waMeshirami, mwanakomana waHodhavia, mwanakomana waHasenua.

⁸NaIbheneya, mwanakomana waJehorami, naEra mwanakomana waUzi, mwanakomana waMikiri, naMeshurami mwanakomana waShefatia, mwanakomana waReueri, mwanakomana waIbhiniya;

⁹nehama dzavo, marudzi avo aisvika mazana mapfumbamwe namakumi mashanu namatanhatu. Varume ava vose vakanga vari vakuru vedzimba dzamadzibaba padzimba dzamadzibaba avo.

¹⁰Vavapristi: Jedheiya, naJehoyaribhi, naJakini;

¹¹naAzaria, mwanakomana waHirikia, mwanakomana waMeshurami, mwanakomana waZadhoki, mwanakomana waMerayoti, mwanakomana waAhitubhi, mukuru paimba yaMwari,

¹²naAdhaya, mwanakomana waJehorami, mwanakomana waPashuri, mwanakomana waMarikija, naMaasai, mwanakomana waAdhieri, mwanakomana waJazera, mwanakomana waMeshurami, mwanakomana waMeshiremiti, mwanakomana waImeri;

¹³nehama dzavo, vakuru vedzimba dzamadzibaba avo vakasvika chiuru chimwe namazana manomwe namakumi matanhatu; varume vane simba kwazvo noumhare pabasa rokushumira paimba yaMwari.

¹⁴VavaRevhi: Shemaya mwanakomana waHashubhi, mwanakomana waAzirikami, mwanakomana waHashabhia, wavanakomana vaMerari;

¹⁵naBhakibhakari, naHoreshi, naGarari, naMatania mwanakomana waMika, mwanakomana waZikiri, mwanakomana waAsafi;

¹⁶naObhadhiya mwanakomana waShemaya, mwanakomana waGarari, mwanakomana waAsa, mwanakomana waErikana, vakanga vagere pamisha yavaNetofati.

¹⁷Vatariri vamasuo: Sharumi, naAkubhi, naTarimoni, naAhikami, nehama dzavo; Sharumi ndiye akanga ari mukuru;

¹⁸ndivo vaitarira suo ramambo rokumabvazuva kusvikira zvino; vakanga vari vatariri vamasuo emisasa yavana vaRevhi.

¹⁹Sharumi mwanakomana waKore, mwanakomana waEbhiasafi, mwanakomana waKora, nehama dzake, ivo veimba yababa vake, vaKora, ndivo vaiva nebasa rokushumira, vakatarira masuo etabhenekari; madzibaba avo aitarira misasa yaJehovha, nokuchengeta mikova.

²⁰Pinehasi mwanakomana waEriazari aiva murairi wavo kare, Jehovha akava naye.

²¹Zekariya mwanakomana waMesheremia, akanga ari mutariri womukova wetende rokusangana.

²²Ava vose, vakatsaurwa kuti vave vatariri vamasuo, vakasvika mazana maviri negumi navaviri. Ava vose vakaverengwa mazita avo pamisha yavo, vakanga vakagadzwa pabasa ravo rakatarwa naDhavhidhi naSamueri muoni.

²³Naizvozvo ivo navana vavo vakanga vari vatariri vamasuo eimba yaJehovha, iyo imba yetabhenekari, vachiravana.

²⁴Vatariri vakanga vari kumativi mana, kumabvazuva, nokumavirira, nokumusoro, nenyasi.

²⁵Hama dzavo pamisha yavo vaifanira kuuya nguva dzose kana mazuva manomwe apera, kuzogara navo.

²⁶Nokuti vatariri vana vakuru vemikova, vakanga vari vaRevhi, vaiva pabasa iri rakatarwa, vaitarira makamuri nezvivigiro zvepfuma paimba yaMwari.

²⁷Vaigarapo vakapoteredza imba yaMwari, nokuti ndivo vakanga vapiwa basa iri, vaiva nebasa rokuizarura mangwanani ose.

²⁸Vamwe vavo vaifanira kutarira midziyo yokushumira nayo; nokuti yaipinzwa ichiverengwa, uye yaibudiswa ichiverengwa.

²⁹Vamwe vavozve vakanga vakagadzwa kuti vatarire nhumbi nemidziyo yose nenzvimbo tsvene, noupfu hwakatsetseka, newaini, namafuta, nezvinonhuwira, nemiti inonhuwira.

³⁰Vamwezve vavanakomana vavapristi vaifanira kugadzira zvinonhuwira zvakavenganiswa.

³¹Matitia, mumwe wavaRevhi, mwanakomana wedangwe waSharumi, wavaKora, wakanga akatarirwa basa rezvinhu zvaibikwa mugango.

³²Navamwe vehama dzavo, vavana vaKora, vaifanira kutarira zvingwa zvokuratidza, kuzvigadzira Sabata rimwe nerimwe.

³³Uye ndivo vaimbi, vakuru vedzimba dzamadzibaba avaRevhi, vaigara mumakamuri vasingabati zvimwe; nokuti vaibata basa ravo masikati nousiku.

³⁴Ivo vaiva vakuru vedzimba dzamadzibaba avaRevhi, vakuru kumarudzi avo; ndivo vaigara Jerusaremu.

³⁵Zvino paGibheoni pakanga pagere baba vaGibheoni, Jeyieri; zita romukadzi wake rakanga riri Maaka.

³⁶Mwanakomana wake wedangwe waiva Abhidhoni, tevere Zuri, naKishi, naBhaari, naNeri, naNadhabhi;

³⁷naGedhori, naAhio, naZekariya, naMikiroti.

³⁸Mikiroti wakabereka Shimeami. Ivo vaigarawo pamwechete nehama dzavo paJerusaremu, pakatarisana nehama dzavo.

³⁹Neri akabereka Kishi, Kishi akabereka Sauro, Sauro akabereka Jonatani, naMarikishua, naAbhinadhabhu, naEshibhaari.

⁴⁰Mwanakomana waJonatani waiva Meribhibhaari. Meribhibhaari akabereka Mika.

⁴¹Vanakomana vaMika: Pitoni, naMereki, naTarea, naAhazi.

⁴²Ahazi akabereka Jara, Jara akabereka Arimeti naAzimavheti, naZimiri; Zimiri akabereka Moza;

⁴³Moza akabereka Bhinea, naRefaya mwanakomana wake, naEreasa mwanakomana wake, naAzeri mwanakomana wake;

⁴⁴Azeri akanga ana vanakomana vatanhatu; mazita avo ndiwo: Azirikami, naBhokeru, naIshimaeri, naShearia, naObhadhiya, naHanani. Ndivo vanakomana vaAzeri.