Read Shona Union Version 2002 Nehemiya 7 Bible Online

Nehemiya 7 - Shona Union Version 2002 bible

Nehemiya 7

¹Zvino rusvingo rwakati rwavakwa, ini ndatimika magonhi, uye varindi vemikova, navaimbi, navaRevhi, vagadzwa,

²ndikagadza Hanani munun'una wangu, naHanania mubati wenhare, vave vatariri veJerusaremu; nokuti akanga ari munhu akatendeka, achitya Mwari kupfuura vazhinji.

³Ndikati kwavari, “Masuo eJerusaremu ngaarege kuzarurwa kusvikira zuva rapisa; zvino varindi vachimirepo, ngavapfige mikova, imi mugoikiya; munofanira kugadzawo varindi pakati pavagere Jerusaremu, mumwe nomumwe paanofanira kurindira, mumwe nomumwe pakatarisana neimba yake.”

⁴Zvino guta rakanga riri bamhi rakakura; asi vanhu vaivamo vashoma; uye dzimba dzakanga dzichigere kuvakwa.

⁵Ipapo Mwari wangu akaisa mufungo pamwoyo pangu kuti ndikokere vakuru navatariri, navanhu, kuti vaverengwe namazita avo. Ndikawana bhuku yamazita avakatanga kusvika, ndikawana makanyorwa kudai:

⁶Ndivo vana vorutivi rwenyika yaJudha, vakadzoka pakutapwa, pakati pavakanga vakatapwa, vakatapwa naNebhukadhinezari mambo weBhabhironi, vakadzokera Jerusaremu nokwaJudha, mumwe nomumwe kuguta rake.

⁷Ivo vakauya naZerubhabheri, naJeshua, naNehemiya, naAzaria, naRaamia, naNahamani, naModhekai, naBhirishani, naMisipereti, naBhigivhadhi, naNehumi, naBhaana. Kuwanda kwavarume vavanhu vaIsiraeri ndiko:

⁸Vana vaParoshi, zviuru zviviri nezana namakumi manomwe navaviri.

⁹Vana vaShefatia, mazana matatu namakumi manomwe navaviri.

¹⁰Vana vaAra, mazana matanhatu namakumi mashanu navaviri.

¹¹Vana vaPahatimoabhi, vavana vaJeshura naJoabhu, zviuru zviviri namazana masere negumi navasere.

¹²Vana vaErami, chiuru chimwe namazana maviri namakumi mashanu navana.

¹³Vana vaZatu, mazana masere namakumi mana navashanu.

¹⁴Vana vaZakai, mazana manomwe namakumi matanhatu.

¹⁵Vana vaBhinui, mazana matanhatu namakumi mana navasere.

¹⁶Vana vaBhebhai mazana matanhatu namakumi maviri navasere.

¹⁷Vana vaAzigadhi, zviuru zviviri namazana matatu namakumi maviri navaviri.

¹⁸Vana vaAdhonikami, mazana matanhatu namakumi matanhatu navanomwe.

¹⁹Vana vaBhigivhadhi, zviuru zviviri namakumi matanhatu navanomwe.

²⁰Vana vaAdhini, mazana matanhatu namakumi mashanu navashanu.

²¹Vana vaAteri, waHezekia, makumi mapfumbamwe navasere.

²²Vana vaHashumi, mazana matatu namakumi maviri navasere.

²³Vana vaBhezai, mazana matatu namakumi maviri navana.

²⁴Vana vaHarifi, zana rimwe negumi navaviri.

²⁵Vana vaGibheoni, makumi mapfumbamwe navashanu.

²⁶Varume veBheterehemu naveNetofa, zana rimwe namakumi masere navasere.

²⁷Varume veAnatoti, zana rimwe namakumi maviri navasere.

²⁸Varume veBhetiazimavheti, makumi mana navaviri.

²⁹Varume veKiriatijearimi, neKefira, neBheeroti, mazana manomwe namakumi mana navatatu.

³⁰Varume veRama neGhebha, mazana matanhatu namakumi maviri nomumwe.

³¹Varume veMikimashi, zana rimwe namakumi maviri navaviri.

³²Varume veBhetieri neAi, zana rimwe namakumi maviri navatatu.

³³Varume veNebho rechipiri, makumi mashanu navaviri.

³⁴Vana vaErami wechipiri, chiuru chimwe namazana maviri namakumi mashanu navana.

³⁵Vana vaHarimi, mazana matatu namakumi maviri.

³⁶Vana veJeriko, mazana matatu namakumi mana navashanu.

³⁷Vana veRoghi, neHadhidhi, neOno, mazana manomwe namakumi maviri nomumwe.

³⁸Vana veSenaa, zviuru zvitatu namazana mapfumbamwe namakumi matatu.

³⁹Vapristi vakanga vari, vana vaJedhaya, veimba yaJeshua, mazana mapfumbamwe namakumi manomwe navatatu.

⁴⁰Vana veImeri, chiuru chimwe namakumi mashanu navaviri.

⁴¹Vana vaPashuri, chiuru chimwe namazana maviri namakumi mana navanomwe.

⁴²Vana vaHarimi, chiuru chimwe negumi navanomwe.

⁴³VaRevhi vakanga vari, vana vaJeshua weKadhimieri, wavana vaHodhevha, makumi manomwe navana.

⁴⁴Vaimbi vakanga vari, vana vaAsafi, zana rimwe namakumi mana navasere.

⁴⁵Varindi vemikova vakanga vari, vana vaSharumi, navana vaAteri, navana vaTarimoni, navana vaAkubhi, navana vaHatita, navana vaShobhai, zana rimwe namakumi matatu navasere.

⁴⁶VaNetinimi vakanga vari, vana vaZhiha, navana vaHasufa, navana vaTabhaoti,

⁴⁷navana vaKerosi, navana vaSia, navana vaPadhoni,

⁴⁸navana vaRebhana, navana vaHagabha, navana vaSarimai,

⁴⁹navana vaHanani, navana vaGidheri, navana vaGahari,

⁵⁰navana vaReaya, navana vaRezini, navana vaNekodha,

⁵¹navana vaGazami, navana vaUza, navana vaPasea,

⁵²navana vaBhesai, navana vaMeunimi, navana vaNefushesimi,

⁵³navana vaBhakibhuki, navana vaHakufa, navana vaHarihuri,

⁵⁴navana vaBhaziriti, navana vaMehidha, navana vaHarisha,

⁵⁵navana vaBharikosi, navana vaSisera, navana vaTema,

⁵⁶navana vaNezia, navana vaHatifa.

⁵⁷Vana vavaranda vaSoromoni vakanga vari, vana vaSotai, navana vaSofereti, navana vaPeridha,

⁵⁸navana vaJaara, navana vaDharikoni, navana vaGidheri,

⁵⁹navana vaShefatia, navana vaHatiri, navana vaPokeretihazebhaimi, navana vaAmoni.

⁶⁰VaNetinimi vose navana vavaranda vaSoromoni, vaiva mazana matatu namakumi mapfumbamwe navaviri.

⁶¹Ndivo vakakwira, vachibva Terimera, neTeriharisha, neKerubhi, neAdhoni, neImeri; asi vakanga vasingagoni kududza dzimba dzamadzibaba avo, kana marudzi avo, kana vakanga vari vaIsiraeri.

⁶²Vana vaDheraya, navana vaTobhia, navana vaNekodha, mazana matanhatu namakumi mana navaviri.

⁶³Pakati pavapristi vakanga vari, vana vaHobhaya, navana vaHakozi, navana vaBharizirai, akanga awana mukadzi wavakunda vaBharizirai muGireadhi, akazotumidzwa zita rokwavo.

⁶⁴Ava vakatsvaka mazita avo pakati pamazita amadziteteguru, asi akashaikwa; saka vakanzi vakasvibiswa, vakabviswa paupristi.

⁶⁵Ipapo mubati akavaudza kuti varege kudya zvinhu zvitsvene-tsvene, kusvikira kwamuka mupristi ane Urimi neTumimi.

⁶⁶Ungano yose yakasvika zviuru zvina makumi mana nezviviri namazana matatu namakumi matanhatu,

⁶⁷vasingaverengi varanda vavo navarandakadzi vavo, vakasvika zviuru zvinomwe namazana matatu namakumi matatu navanomwe; vaiva navaimbi varume navakadzi vana mazana maviri namakumi mana navashanu.

⁶⁸Mabhiza avo aiva namazana manomwe namakumi matatu namatanhatu; namahesera avo mazana maviri namakumi mana namashanu;

⁶⁹ngamera avo, mazana manomwe namakumi matatu namashanu; mbongoro dzavo zviuru zvitanhatu namazana manomwe namakumi maviri.

⁷⁰Vamwe vakuru vedzimba dzamadzibaba avo vakapa zvipo kuzobata basa. Mubati wakapa chivigiro chepfuma madariki endarama ane chiuru chimwe, nembiya dzina makumi mashanu, nenguo dzavapristi dzina mazana mashanu namakumi matatu.

⁷¹Vamwe vakuruwo vedzimba dzamadzibaba vakapa muchivigiro chepfuma yokubata basa nayo, madariki endarama ane zviuru zvina makumi maviri, nepondo dzesirivha dzine zviuru zviviri namazana maviri.

⁷²Vamwe vanhu vakapa madariki endarama ane zviuru zvina makumi maviri, nepondo dzesirivha dzine zviuru zviviri, nenguo dzavapristi dzina makumi matanhatu nenomwe.

⁷³Zvino vapristi, navaRevhi, navarindi vemikova, navaimbi, navamwe vanhu, navaNetinimi, navaIsiraeri vose vakagara pamaguta avo. Mwedzi wechinomwe wakati uchisvika, vana vaIsiraeri vakanga vagere pamaguta avo.