Read Shona Union Version 2002 Jobho 16 Bible Online

Jobho 16 - Shona Union Version 2002 bible

Jobho 16

¹Ipapo Jobho akapindura, akati,

²“Ndatonzwa hangu mashoko mazhinji akadai; Imi mose muri vanyaradzi pasina.

³Ko mashoko asina maturo achapera here? Chinyiko chinokugombedzera kupindura?

⁴Neniwo ndaigona kutaura semi; Kana mweya yenyu yaiva panzvimbo yomweya wangu, Ndaigonawo kubatanidza mashoko pamusoro penyu, Ndaikudzungudzirai musoro wangu.

⁵Asi ndingadai ndaikusimbisai nomuromo wangu, Nokuvaraidza kwemiromo yangu kwaikuremudzai.

⁶Kunyange ndichitaura hangu, kuchema kwangu hakuremudzwi; Kunyange ndikarega hangu, ndinotapudzirwa neiko?

⁷Asi zvino iye andinetsa; Imi maparadza mhuri yangu yose.

⁸Imi makandibata nesimba, ndizvo zvinondipupurira; Kuonda kwangu kunondimukira, Kunondipupurira zvakaipa pachena.

⁹Iye akandibvarura pakutsamwa kwake, akandivenga; Akarumanya meno ake pamusoro pangu; Mudzivisi wangu anondiwetsera meso ake.

¹⁰Vakandishamisira miromo yavo; Vakandirova padama, vachindituka; Vanoungana kuzorwa neni.

¹¹Mwari anondiisa kuna vasakarurama; Anondikanda pamaoko avakaipa.

¹²Ndakanga ndichizorora hangu, iye akandivhuna; Zvirokwazvo akandibata nomumutsipa, akandiputsanya; Akandiita chiposherwa chake.

¹³Miseve yake inondikomba kumativi ose; Anopamura itsvo dzangu, asinganzwiri nyasha; Anodururira nduru yangu pasi.

¹⁴Anondikoromora nokukoromora-koromora; Anomhanyira kwandiri semhare.

¹⁵Ndakasonera masaga paganda rangu, Ndakaradzika runyanga rwangu muguruva.

¹⁶Chiso changu chatsvuka nokuchema. Mumvuri worufu uri pamafungiro ameso angu.

¹⁷Kunyange maoko angu asingadi hawo kuparadza, Nokunyengetera kwangu kwakanaka hako.

¹⁸Iwe nyika, rega hako kufukidza ropa rangu; Kuchema kwangu ngakushaiwe nzvimbo yokuzorora.

¹⁹Nazvino, tarirai, chapupu changu chiri kudenga, Iye, anondipupurira zvakanaka, ari kumusoro.

²⁰Shamwari dzangu dzinondishora, Asi ziso rangu rinodurura misodzi yangu pamberi paMwari.

²¹Kuti aruramisire munhu pamberi paMwari, NoMwanakomana womunhu pamberi powokwake.

²²Nokuti kana makore mashoma apfuura, Ndichafamba nenzira yandisingazodzokizve nayo.”