Read Shona Union Version 2002 Mapisarema 3 Bible Online

Mapisarema 3 - Shona Union Version 2002 bible

Mapisarema 3

¹Pisarema raDhavhidhi panguva yokutiza kwake Abhusaromu mwanakomana wake. Haiwa Jehovha, vadzivisi vangu vawanda sei! Vazhinji vanondimukira.

²Vazhinji variko vanoti kumweya wangu, “Haano ruponeso kuna Mwari.”

³Asi imi Jehovha muri nhoo yangu kumativi ose; Kudzo yangu, nomusimudzi womusoro wangu,

⁴Ndinodana kuna Jehovha nezwi rangu, Iye anondipindura ari pagomo rake dzvene.

⁵Ndakavata pasi ndikabatwa nehope; Ndikamuka; nokuti Jehovha anonditsigira.

⁶Handingatyi zviuru zvamazana zvavanhu, Vakandikomberedza kuzorwa neni.

⁷Simukai, Jehovha; ndirwirei, Mwari wangu; Nokuti makarova vavengi vangu vose pashaya dzavo; Makavhuna meno avakaipa.

⁸Ruponeso runobva kuna Jehovha; Kukomborera kwenyu ngakuve pamusoro pavanhu venyu.