Read Shona Union Version 2002 Mapisarema 41 Bible Online

Mapisarema 41 - Shona Union Version 2002 bible

Mapisarema 41

¹Kumutungamiriri wokuimba. Pisarema raDhavhidhi. Akakomborerwa ane hanya navarombo; Jehovha achamurwira nomusi wezvakaipa.

²Jehovha achamuchengeta nokumuraramisa, achakomborerwa panyika; Hamungamuisi pakuda kwavavengi vake.

³Jehovha achamutsigira panhoo yourwere; Munoshandura nhoo dzake dzose pakurwa kwake.

⁴Ini ndakati, “Jehovha, ndinzwirei tsitsi; Poresai mweya wangu; nokuti ndakakutadzirai.”

⁵Vavengi vangu vanotaura zvakaipa pamusoro pangu, vachiti, “Uchagofa riniko, zita rake rirove?”

⁶Kana mumwe achiuya kuzondiona, anotaura zvisina maturo; Mwoyo wake unozviunganidzira zvakaipa; Kana obuda kumwe, anozviparidza.

⁷Vose, vanondivenga, vanoita zeve-zeve pamwechete pamusoro pangu; Vanorangana kundikuvadza.

⁸Chinhu chakaipa chakamunamatira ndizvo zvavanotaura; Zvino zvaavata pasi, haachazomukizve.

⁹Haiwa, kunyange shamwari yangu chaiyo, wandaivimba naye, aidya zvokudya zvangu, Naiye andisimudzira chichitsinho chake.

¹⁰Asi imi Jehovha, ndinzwirei tsitsi, mundisimudzei, Kuti ndivatsive.

¹¹Ndinoziviswa nechinhu ichi kuti munofadzwa neni, Nokuti muvengi wangu haandikundi.

¹²Kana ndirini munonditsigira pakururama kwangu, Munondiisa pamberi penyu nokusingaperi.

¹³Jehovha, Mwari waIsiraeri, ngaavongwe, Kubva pakusingaperi kusvikira pakusingaperi Ameni, zvirokwazvo Ameni.