Read Shona Union Version 2002 Mapisarema 62 Bible Online

Mapisarema 62 - Shona Union Version 2002 bible

Mapisarema 62

¹Kumutungamiriri wokuimba; nomutoo waJedhutuni. Pisarema raDhavhidhi. Zvirokwazvo, mweya wangu unongorindira Mwari; Kwaari ndiko kunobva kuponeswa kwangu.

²Ndiye oga dombo rangu nomuponesi wangu; Ndiye shongwe yangu yakakwirira; handingazununguswi zvikuru.

³Muchavavarira munhu kusvikira riniko, Kuti mumuuraye imi mose, Sorusvingo runoda kuwa, noruzhowa runotseyama?

⁴Vanongorangana kuti vamusundire pasi abve paukuru hwake; Vanofarira nhema; Vanoropafadza nomuromo wavo, asi vanotuka mumwoyo mavo.

⁵Mweya wangu, rindira Mwari zvirokwazvo; Nokuti ndinomutarira iye.

⁶Ndiye oga dombo rangu noruponeso rwangu; Ndiye shongwe yangu yakakwirira; handingazununguswi.

⁷Kuna Mwari ndiko kunokuponeswa kwangu nokukudzwa kwangu; Dombo resimba rangu noutiziro hwangu zviri kuna Mwari.

⁸Vimbai naye nguva dzose, imi vanhu; Dururai mwoyo yenyu pamberi pake; Mwari ndiye utiziro hwedu.

⁹Zvirokwazvo vanhu vasingakudzwi mweya chete, uye vanhu vanokudzwa inhema; Pakuyerwa havaremi; Vose pamwechete vakareruka kupfuura mweya.

¹⁰Regai kuvimba nokumanikidza, Regai kuzvikudza pamusoro pokupambara; Kana pfuma ichiwanda, regai kuinamatira nomwoyo.

¹¹Mwari akataura kamwechete, Ndakazvinzwa kaviri; Kuti simba nderaMwari;

¹²Netsitsiwo ndedzenyu, Ishe; Nokuti munoitira munhu mumwe nomumwe sezvaakabata.