Read Shona Union Version 2002 Mapisarema 83 Bible Online

Mapisarema 83 - Shona Union Version 2002 bible

Mapisarema 83

¹Rwiyo, Pisarema raAsafi. Haiwa Jehovha, regai kuramba munyerere; Regai kuramba musingatauri, musanyarara Mwari.

²Nokuti tarirai, vavengi venyu vanoita bope; Vanokuvengai vakasimudza misoro yavo.

³Vanofunga mano kuti vanyengere vanhu venyu, Vanorangana pamusoro pavakavanzwa nemi.

⁴Vakati, “Uyai, tivaparadze, varege kuzova rudzi; Kuti zita raIsiraeri rirege kuzorangarirwa.”

⁵Nokuti vakarangana nomwoyo mumwe; Vanoita sungano kuzorwa nemi.

⁶Matende aEdhomu navaIshimaeri; Moabhu navaHagari;

⁷Gebhari, naAmoni, naAmareki; Firisitia pamwechete navagere Tire;

⁸Asiriawo wakasangana navo; Vakabatsira vana vaRoti.

⁹Muvaitire sezvamakaitira Midhiani; NaSisera, naJabhini, paRwizi Kishoni;

¹⁰Ivo vakaparadzwa paEndori; Vakava mupfudze wapasi.

¹¹Itai vakuru vavo saOrebhi naZeebhi; Zvirokwazvo, machinda avo ose saZebha naZarimuna;

¹²Ivo vakati, “Ngatizvitorere Ugaro hwaMwari huve hwedu.”

¹³Mwari wangu, muvaite seguruva rinondeyeswa nemhepo; Samakoto anodzingwa nemhepo.

¹⁴Somoto unopisa dondo, Somurazvo womoto unopisa makomo;

¹⁵Muvateverere saizvozvo nedutu renyu remhepo, Muvavhunduse nechamupupuri chenyu.

¹⁶Fukidzai zviso zvavo nokunyadziswa; Kuti vatsvake zita renyu, Jehovha.

¹⁷Ngavanyadziswe, vavhunduswe nokusingaperi; Zvirokwazvo, ngavanyadziswe vafe;

¹⁸Vazive kuti imi moga, imi munezita rinonzi Jehovha, Ndimi Wokumusorosoro kumusoro kwapasi pose.