Read Shona Union Version 2002 Zvirevo 9 Bible Online

Zvirevo 9 - Shona Union Version 2002 bible

Zvirevo 9

¹Uchenjeri hwakavaka imba yahwo; Hwakaveza mbiru dzahwo nomwe;

²Hwakabaya zvipfuwo zvahwo; Hwakavenganisa waini yahwo; Hwakagadzirawo tafura yahwo.

³Hwakatuma varandakadzi vahwo; hunodanidzira pamitunhu yeguta, huchiti,

⁴“Asina mano ngaatsaukire muno;” Asina njere, hunoti kwaari,

⁵“Uyai mudye chingwa changu, Munwe waini yandakavhenganisa.

⁶Regai kusasvinuka murarame; Mufambe nenzira yenjere.”

⁷Munhu, anoraira mudadiri anozvitsvakira kunyadziswa; Anotuka munhu wakaipa achasvibiswa.

⁸Usaraira mudadiri, kuti arege kukuvenga; Raira munhu wakachenjera, iye achakuda.

⁹Ipa wakachenjera dzidzo, ipapo iye achawedzerwa huchenjeri; Dzidzisa wakarurama, ipapo iye achawedzerwa zivo.

¹⁰Kuvamba kwouchenjeri ndiko kutya Jehovha; Kuziva Mutsvene ndidzo njere.

¹¹Nokuti neni mazuva ako achaitwa mazhinji, Makore oupenyu hwako achawedzerwa.

¹²Kana wakachenjera, iwe, wakazvichenjerera hako; Kana uri mudadiri, iwe woga uchava nemhosva yazvo.

¹³Mukadzi benzi anopupira; Haana mano, haazivi chinhu.

¹⁴Anogara pamukova weimba yake, Pachigaro pamitunhu yeguta.

¹⁵Kuti adanidzire kuna vanopfuura napo, Ivo vanorurama nenzira dzavo, achiti,

¹⁶“Ani naani asina mano, ngaatsaukire muno;” Asine njere, mukadzi anoti kwaari,

¹⁷“Mvura yabiwa inozipa, Chingwa chinodyiwa pakavanda chinonaka.”

¹⁸Asi haazivi kuti vanopindamovanofa; Kuti vakakokerwa naye vari mukati-kati meSheori.