Read Shona Union Version 2002 Rwiyo Rukuru rwaSoromoni 6 Bible Online

Rwiyo Rukuru rwaSoromoni 6 - Shona Union Version 2002 bible

Rwiyo Rukuru rwaSoromoni 6

¹Mudiwa wako akaendepiko, Iwe, unopfuura vakadzi vose nokunaka? Mudiwa wako wakaringirepiko, Kuti timutsvake pamwechete newe?

²Mudiwa wangu wakadzira kumunda wake, Kundima dzemiti inonhuwira, Kufudza makwai ake muminda, nokutanha maruva.

³Ini ndiri womudiwa wangu; mudiwa wangu ndowangu; Anofudza makwai ake pakati pamaruva.

⁴Wakanaka, shamwari yangu saTiriza, Wakanaka seJerusaremu, Unotyisa sehondo ine mireza.

⁵Usanditarira nameso ako, Nokuti andikunda. Vhudzi rako rakafanana neboka rembudzi, Dzinoburukira mujinga megomo reGireadhi.

⁶Meno aka akafanana neboka renhunzi dzamakwai, Dzinobva pakushambwa; Rimwe nerimwe radzo rina vana vaviri, Hakuna rimwe risina mwana.

⁷Zvavovo zvako zvakafanana nebhande redamba Pakutarira kwako pakati pechifukidzo chako.

⁸Vahosi vana makumi matanhatu navarongo vana makumi masere variko, Nemhandara dzisingaperi.

⁹Njiva yangu, akakwana wangu, ndiye mumwe oga; Ndiye mwana mumwe woga wamai vake; Ndiye musanangurwa wowakamubereka; Vakunda vakamuona, vakati akaropafadzwa; Navahosi navarongo, vakamurumbidza.

¹⁰Ndianiko uyo anotarira samambakwedza, Akanaka somwedzi, Akachena sezuva, Anotyisa sehondo ine mireza?

¹¹Ndakaburukira kumunda wenzungu, Kuti ndione miti mitema mumupata, Kuti ndione kana mudzambiringa wotunga, kana matamba otunga maruva.

¹²Ndisati ndazviziva, mweya wangu wakandiisa Pakati pengoro dzavanhu vangu vakarurama.

¹³Dzoka, dzoka, Shuramiti; Dzoka, dzoka, kuti tikutarire. Munoda kutarira muShuramiti neiko, Sezvamunotarira kutamba kweMahanaimi?